قصه كامله

بنتك وقطعه منك ........
عمتي مني ماعندها حق تتكلم معاك كدا المفروض تقيف معاك وماتصدق الناس بس الزمن بقي ما زي زمان وقت الاخ بشيل حارة اخوهو.....
وكان زعلان عشان محمد انا زاتي ما دايرهو وتاني لو بقي لي عسل ما اشيل لي منو لحسه بعد كلام عمتي ......
اهم حاجه لا تزعل عشان صحتك
يلا انسى انا قايمه اجيب ليك الشاي عشان تشرب ونطلع معاك في دربنا.....
معليش ماداير لي شاي يلا امشو قدامي انا بجي لاحقكم ....
طيب يلا يابيكو ......طلعنا فتحنا العربيه وركبنا بعد شويه جي طالع ركب وطوالي دور ......
طبعا طول الطريق ماتكلم معانا ولا نحن فتحنا خشمنا بكلمه لحدي ما وصل مدرسة بيكو 

بيكو نزل داير يمشي ابوي فتح الدرج ومدي ليهو قروش ودي اول مرة طبعا يديهو حاجه بيكو فرح شديد وجري دخل ......انا وصلت نزلت ودعتو ودخلت
لقيت صحباتي متلمات كلهم و قاعدات في باب الفضل في اللحظه دي حسيت بفرحه شديد لانهم سر سعادتي ياخ ديل لما اكون معاهم بنسي كل همومي وبحس كاني زول تاني مابحب اليوم الدراسي ينتهي نهائي لاني بدور اكون معاهم طول الوقت جيتهم طوالي 
سلمت عليهم ولا واحده ما ردت السلام حتي مروة بنت عمتي وهويدا صاحبتي المقربه
استغربت شديد من عدم ردهم وتكلمت معاهم بحدة ودي اول مرة لانو ما من عادتي اني اتكلم بالاسلوب ده بس غصبآ عني.......انا لي ساعة بسلم عليكم ومنشحطه قدامكم واحدة فيكم عبرتني مافي ليه الجديد شنو ...............
والجديد انتي ما عارفاهو غريبه يابنات صح .........
..........هويدا اتكلمي ب وضوح انا لو عارفه بجي انشحط قدامكم بالطريقه دى...........
...........طيب انا بقولك يابنت الخال ما دامك ماعارفه الجديد ...
الجديد انك طلعتي بنت ماكويسه والكل في المدرسه بقي يعرف قصتكم وقصة هروب اختك المحترمه يلا نحن من هنا قررنا نقطع علاقتنا بيك لانو لو استمرت علاقتنا معاك مامعروف ممكن تودينا لا سمحه الله ل محلات استغفر الله العظيم مابقدر اذكرها................
..........مروة انتي بتقولي في شنو معقوله يابنت عمتي ...........
زي ما سمعتي ياست بسمه نحن ما بنجازف بسمعة اهلنا عشان واحدة هي اصلا ما عندها اهل او فيك تقولي اهلها تخلو عنها ..................
.......لو عندهن اهل يامروة كانن عرفن قيمة السمعه وتعلمن كيف يحافظن عليها بس منو ح يعلمهم مادام امهم من راجل لي راجل وابوهم مدمن شغل وقروش اكيد ما فاضي ليهن 
بس الغلط علينا نحن المفروض كنا نقطع علاقتنا بيها من ڤضيحة امها وابوها الحصلت قبل كدا ديل يالطيف عندهم سلسلة فضايح .....
........ وهسي مافاتت حاجه يا صفاء من هنا ولي قدام لا نحن بنعرفها ولا هي بتعرفنا يلا قوموا قدامي نشوف لينا مكان نستر فيهو انفسنا من الفضايح دي...............
كلامهم كان قاسې شديد علي تالمت ل درجة اني سكته وغلبني اتكلم وارد ليهم لا نو في النهاية دي الحقيقه ولازم اتقبل المها ۏجعها برضي تام ....
امي وابوي انفصلو ورغم بعدهم عن بعض لازالت معركة الاڼتقام دايرة بينهم واختي بلبل اختفت في ظروف غامضة للان ماعرفنا محلها عشان كدا ماعندي حجة ادافع بيها عنهم واقنع الناس بيها كيف بقدر اقنعهم مادام نفسي ما قادرة اقنعها انو الحاجه الحاصله مجرد ايام صعبه وبتعدي ..... 
خاطرة ماتركز مع كلام الناس وماتديهم فرصة يقللوا من قيمتك او يهبشوا كرامتك قد يكون تعامل الحوليك مستفز وبتشوف انو انسب شي انك تتجاهلوا بس في حاجات ابدا ما اتسكت عنها مهما كان طبعك طيب دافع عن سمعتك وخليك زول مالي مركزك وشخصيتك لانو الناس دايرة فرصة تذلك بيها طول ما انت وجودك مؤثر معاهم.....
رن جرس الطابور شلت شنطتي دخلتها الفصل ومشيت الطابور.....
في مكان بلبل
بلبل رفضت الفطور والغدا والعشاء ولي هسي مصرة علي رايها حتي رفضت انها تستحمى وتغير ملابسها .....
مره يوم كامل عليها بعد صلاة الفجر جاتها المرا والشغاله شايله الشاي ومعاهو بسكويت فتحتو الباب بالمفتاح ودخلو 
بلبل في اخر نومه المرا ضړبتها فوق رجلها وصحتها طبعا قامت مخلوعه لانو هي اصلا مما جابوها ما حاسه بالامان قعدت في نص السرير..... مالكم في شنو ........ 
إبتعدو عن اعرآض غيركم آحفظوآ السنتكم عن النآس ف الدنيا بآتت مخيفه ومن عاب إبتلى
قعدت في نص السرير..... مالكم في شنو ........ 
كتبت ليها صباح الخير عزيزتي ........هو متين الدنيا اصبحت عشان تصبحي علي ............. ماشاء الله عليك ما بتفوتي فرصه الا وتسالي مئة سؤال ماعلينا المهم عرفت انك البارح طول اليوم ما اكلتي حاجه .........
اي ما اكلت ولا ح اكل الا لما تفكوني وترجعوني اهلي نفسي اعرف انتو دايرين مني شنو لي اكتر من شهر اكل ونوم ومابطلع من هنا خالص وماعارفه الدنيا برة ماشه كيف ولا الحاصل فيها شنو ......
ده كلوا بتعرفيهو بعدين بس لازم تاكلي عشان ماتمرضي وټموتي .............احسن اموت وارتاح لاني في المكان ده في الثانية الواحدة بمۏت الف