قصه كامله

الطلاق المتنازع يعني كيف متنازع يعني كل طرف يحاول يجذب الابناء ناحيتو مما يزيد من حد هذه االاثار ....
و لا ننسي طبعا هناك عائلات انقطعت القسمه وحصل الطلاق ولكن أبناءهم يعيشون في افضل حال ولا يشتكون من اي هذه الاثار متفوقون دراسيا واجتماعيا وماديا ولكن هذا جزء نادر و يوجد في المجتمع مثل مكان الابرة في وسط البحر ......
قبل ما ننهي الندوة في اي سؤال ......... صفاء رفعت يدها ......تفضلي اسالي .......
هناك أمل دائما لمن يحارب أما من يستسلم فلا أمل له
صفاء رفعت يدها ......تفضلي اسالي ابنتي .......
هسي يادكتورة بسمه صاحبتي امها وابوها اتشاكلو وابوها طرد امها من البيت يعني الحاجه دي بعدين ح تخليها مجرمه في المستقبل ....البنات كلهم بقوا يضحكوا ....

لما صفاء قالت كلامها والبنات كلهم بقوا يضحكوا حسيت بالم الدنيا كلهو انكبي في قلبي في اللحظة ديك تمنيت لو الاڼتحار كان حلال كنت اڼتحر واريح نفسي من كمية العڈاب اللي حسيت بيهو دنقرت راسي بين الكراسي عشان الطلبه ما يعانوا لي وختيت يديني فوق اضنيني عشان ما اسمع تحليل الدكتورة لي مستقبلي ..تاني ما حسيت بحاجه الا لما المشرفه قالت يلا الفصول دخلنا الطلبه كملو الحصص وانا كملت الالم والعڈاب ............خلص اليوم الدراسي ....انتظرت ابوي كالعاده جنب الباب..... 
مرة نصف ساعه جاني ابوي مشيت عليهو وركبت ماكان عندي اي نفس اني اتكلم بس كنت محتاجه اصل البيت واقاسمها حزني واشكي ليها همي وغدر الناس حولي اشكي ليها ظلم المجتمع واهانة افراده وانو كيف الناس ماقادرة تعرف انو نحنا بنتعاقب بذنب غيرنا وانو الدنيا عبارة عن قصة وكل زول فينا مجبور يعيش فصولها ويتحمل حلوها ومرها وماذا بك يا هم دائما ترافقنى ...
أليس للسعاده حق في روح تعبت من الهموم تعبت من الحزن تعبت من البكااء ............
قطع تفكيري صوت بيكو وهو بنادي لي ........بسمه انتي سارحه وين انا لي ساعه اتكلم معاك........معليش يالحبيب اختو كنت بتذكر في اخر درس حضرتو في الحصه عشان كدا ما انتبهت ليك اها قولي كيف كان يومك ........يوم بشع ..........ليه الحاصل شنو الاستاذ ضړبك ولا اصحابك شالوا منك حاجه وما رجعوها ليك ولا ماقدرته تحل التمرين .......ولا واحده من ديل .....طيب مالو بشع .....اتشاكلت مع حمودي ......ليه ياروح قلبي مالو عمل ليك شنو حمودي ......حكي لي اصحابو انو انا عندي اخت هاربه وانا طوالي زعلت و ضړبتو بعد ما ضړبتو حدثتو انو بلبل عند ناس حبوبه ........ معقوله بس يابيكو ټضرب صاحبك ......بس هو كضب ........اي هو غلط بس انت كنت تحدثو المرة الاولي لو تاني عادتها ټضرب .......خلاص يابسمه تاني مابعيدها بس بزعل لما زول يتكلم عنكم كلام بشع اخي وجودك جنبي طمأنينتي دائما............الناس بتتكلم علي حسب الحاجه البتشوفها وعشان بلبل طولت عند ناس حبوبه الناس اعتبرتها هاربه .........الناس شريرين الله بحاسبهم مش .........الله كريم علينا وعليهم .........
بسمه وبيكو يتكلمو وابوهم يعاين ليهم بالمرايا وقلبو شايل الم الدنيا وكل ما يعين لي بسمه رغم صغر سنها بتحاول تستر وتخفي المشاكل عن اخوها لانو صغير ومادايرهو يتاثر في المستقبل يتالم ويزيد في الالم لحدي ما وصلو البيت المشوار من المدرسه لي البيت فيهو كميه من الالم والعڈاب بالنسبه ليهم جميعآ بسمه تتالم من كلام صحباتها وبيكو يتالم من كلام اصحابو وابوهم في قلبو الف چرح 
بسمه نزلت ونزلت بيكو ودايرين يدخلو ......
.ابوها ب ابتسامه بسمه امسكي ده ...... امسك شنو يا ابوي طوالي ناولها كيس شالتو يالطيف ودخلو ....فتحوا الكيس لقوا فيهو ملابس وحلويات وكراسات رسم يعني كل القائمه الكانو بتمنوها بسمه من الفرحه لمن غلبها تتكلم وبيكو اتكيف شديد واخيرا رجعت الفرحه لي قلوبهم من جديد.........
...ابوهم جا داخل واول مرة يدخل وهو مبتسم قعد في الكرسي وبقي يراقب في فرحت اولادو .....بسمه شالت ليها قميص بيكو عاين ده بطلع حلو علي بلبل ...... اي حاجه فوق بلبل حلوه بس هي تقنع متين من ناس حبوبه وتجينا ......ابوهم من سمع اسم بلبل انقلب مزاجو وتعكر قومي يا بنت رصي الغدا انا مستعجل..............حاضر قامت ب فرحه دخلت المطبخ رصت الاكل وجات طالعه ختتو وقعدو اتغدو بعد ما خلصو علي طلع وخلاهم مع الحاجات ........
مرة اسبوع نفس الروتين نطلع الصباح المدرسه نكمل الالم ونرجع ناكل ونقرا وكمان تصبح الدنيا ونفس العملناهو البارح تاني نعملو ومافي اي جديد عن بلبل حتي قطعنا العشم انو نلقاها او نسمع عنها خبر يطمن ...........
اصبح اليوم كالعادة لبسنا وطلعنا نزلنا بيكو في المدرسة 
وواصلنا لحدي مدرستي نزلت ودعتو ودخلت 
لقيت صحباتي كالعادة قاعدين في المحل اللي كنا بنقعد فيهو زمان فرحت وجريت عليهم وقبل ما اصلهم قاموا وكل واحدة مشت علي اتجاه فجاءة تذكرت كلامهم الفات ختيت شنطتي وقعدته جنبها ...بس ليه