قصه كامله
كدا نحن عملنا شنو عشان ننجرح في اليوم وفي الساعه وفي الدقيقه الف چرح بس ليه يحصل معانا كل ده هسي لو قعدو وتكلموا معاي ح يحصل شنو صاح الناس بتغلط بس مو صاح نعاقب غيرهم أعان الله قلبا بكى وفي داخله خيرا للذي أبكاه.............
شلت شنطتي ودخلت الفصل لقيت مروة وهويدا قاعدين سلمت عليهم وقعدته في كرسي ......جاتني مروة قعدت قدامي في الدرج بسومه عندي فضول اعرف انتي كيف نفسك بتسمح ليك تجي المدرسه بعد الكلام السمعتيهو يومتى .........معليش يا بنت عمتي الناس بتختلف وكل زول شايف الحاجه اللي تعرض ليها من منظورو فانتي لا تشيلي همي كتر خيرك ............ بالعكس انا لو في محلك واختي عملت العمله دي مابطلع من البيت اساسا ومابخلي زول يشوفني خلي لما اجي المدرسه .........برجع واقول ليك وسعي فهمك وبعدين انتي جايه المدرسه عشان تتعلمي ولا عشان الشمارات والاخبار ولو كنتي جايه عشان كدا بعتقد لمت نسوان الحله ال فوق الفطور بتكفيك ........مروة ڠضبت شديد من كلامها لحدي ماوشيها بقي احمر غلطانه انا الجيت اتكلم لي مع واحده المشاكل وارثاها وجاريه في عروقها ليهو الحق خالي يطرد امك من البيت و لو ما عمل كدا يبقي ما خالي انتو ناس مابتعرفو تعيشو بلا الفضايح ................... لاتنسي يابت عمتي حتي انتو مر الدنيا ماشي عليكم ......
يلا يا مروة نطلع بلا ټحرقي دمك مع ناس مابحسو ساقتها وطلعو ا ...... بعد ما طلعو حسيت الدنيا ضاقت بي وارض الله الواسع لا تتسع لي قفلت الكتاب وتوجهت لي ربنا بالدعاء اللهم انت اعلم بحالي خفف عني ارحمني ولا تعاقبني بذنب عملته ولم اعلمه كل من حولي خذلني حتى أنين قلبي فاح بالافق ليبوح بالألم الذي أخفيته الا انت يا الله ما خذلتني يوما دعوتك فصبرت فوجدت اليقين الذي دعوتك به ربي حقابعد ماخلصت مسحت دموعي وطلعت لقيت الطلبه حايمين بالحوش وزمن الطابور فات بي ربع ساعه اتلفت دايرة اسال واشوف الحاصل شنو لقيت شلة بنات قاعدين مشيت لحدي عندهم وسالتهم ماردو علي وبقوا يتهامسو ويضحكو وجعتني حركتهم شديد مشيت بدون ما اعرف وبقيت كل ما امشي اقيف جنب واحدة تمشي بدون ما تكلمني اصبحت وحيده لا اكلم احد ولا احد يكلمني اثناء ما قاعدة شفت ناس الارشاد الاسري ما شين داخلين کرهت الحياة تمنيت ان تبلعني الارض من كمية القهر بس تذكرت ان الصبر مفتاح الجنه .....رن الجرس والكل اخذ مقعدو وانا طبعا مقعدي اخر صف .....
اليوم ح يكون ختام الندوة اللي استمرت شهر ..و ماشاء الله الناس قدرت تفهمها وان شاء الله يقدروا يستفيدو منها و يطبقوها في المستقبل....
بعد ماعرفنا اسباب الطلاق والاثار المترتبه عليه بالنسبه لي الابناء اليوم نتكلم في نقاط عن.....
بعض النصائح التي نامل ان تخفف من ظاهرة الطلاق...
ان يصبر كل منهما علي الاخر ويغض الطرف عما لا يرتضيه من الاخر ف شريك الحياة ليس كله سيئآ فاذا كره منه خلقا احبآ منه خلقا اخر ويحاول كل من الشريكين ان يطور الجوانب الحسنه في شريكه من خلال الثناء والمدح وذكر هذه الجوانب الحسنه والايمان بان النقص من صفات البشر وبدون تحمل الاخطاء لا تدوم الموده .
تعدد الزوجات مباح وليس لاحد القدرة علي منع الرجل من التعدد ولكن كل رجل لديه عقل ومعرفه في اسرته فالعاقل لا يهدم اسرة وبيني اخري فان ادرك ان الزوجه الاولي لا تستطيع التعايش مع الزوجه الثانيه فالافضل ان يتوقف عن هذا المشروع حرصا علي اسرته واولاده.
ان لا يسمح كل من الزوجين بتدخل احد في حياتهما سوا من قبل الاهل او الاقارب او الاصدقاء..
اذا كانت الزوجه صاحبة عمل او لديها دخل مادي فلابد من الاتفاق بين الطرفين وتحديد مسؤولية كل منهما وناحية المساهمه في مصروفات الاسرة وتوزيع الدخل ..
ديل بعض النصائح المهمه في النهايه برجع واقول الناس لو اتبعت الدين ورجعت ليهو في كل حاجه واقفه ليهم
