قصه كامله
نفس الوقت مشتاقة لي اخوانها وابوها وبعدين ماعارفه مصيرها ح يكون شنو بعد تفكير كتير قررت تجازف و تطلع باي شكل كان.....انتظرت لحدي ما الشغاله جات وقعدت تحنس وتقنع فيها انو تطلعها تاخد ليها حومه برة الغرفه بعد حنك وكلام كتير قدرت تقنعها ........
يلا طلعت بلبل قبل الشغاله من الغرفه ولما الشغاله دايرة تطلع دفرتها وقفلت الباب بالفتاح طبعا انتو عارفين غرف الشقق ما بتسمح لي الصوت يطلع مهما كان اعلي رغم صياحها وصوتها العالي جوا مافي زول بسمعها برة ....طلعت من الغرفه وبقت تمشي من ركن لي ركن من عمود لي عمود لحدي ماوصلت الباب فتحتو ودايرة تطلع............
تذكروا أن الله يحبكم لهذا يبتليكم ليطهركم من الذنوب فقولوا...الحمد لله
في بيت علي......
بسمه وصلت البيت فتحت الباب وقبل ما تخت رجلها شافت ابوها والمديرة قاعدين في البرندة تاكدت تمامآ انو ابوها المرة دي ح ېقتلها خطوة تتبع خطوه لحدي ما وصلتهم ....
السلام عليكم .......والاثنين ردو وعليكم السلام .......كيفك يا ابوي .......ماعندي عوجه الحمدلله ......المديرة بحنية بسمة بنتي تعالي اقعدي جنبي ......حاضر .....مالك يابنتي في حاجه انا حكيت لي ابوك كل شيء وقال لي انك طلعتي الصباح ماعندك اي مشكله اعتبرني زي امك وطلعي لي الجواك........ اكيد ابوي ح يسالني مابقدر اقول ليهو خليتها عشان كلام الناس لانو بقي ما بشتغل بكلام الناس كتير يارب سهل امري مافي حاجه استاذة بس كنت مصدعه ........الزول المصدع بسلم الكتب ......لا بس انا قنعت من المدرسه وتاني ما ح ارجع........كيف الكلام ده يابنت طالما انا موجود علي قيد الحياة ما تفكري مجرد تفكير انك تخلي المدرسه كفاية اختك بلبل اختي مما ابوي طلق امي تركت المدرسه وضحت بي تعليمها عشان تخلي بالها مننا وتوفر لينا الحاجه المحتاجين ليها وما تخلينا نحس بي غياب امي .......لا ياابوي ماكدا بس انا ........اسمعي هنا
في اللحظه دي شلت شنطتي ختيتها في الدولاب ورقدت في السرير وبكيت لمن الله غفر لي قمت شلت هدوم من الدولاب وماشه علي الحمام سمعت الباب دقه قلت اللهم اجعلو خير مشيت طوالي فتحتو لقيتو بيكو .......حباب بيكو روح اختو اها قول لي كيف كان يومك .......بشع بشع بشع ممل ممل .....ليه مالك ما تقول لي ضړبت حمودي تاني كدي عيب ......لا ماضربتو بس يابسمه كل اصحابي بقوا ما بقعدو معاي ولا يتكلموا معاي زي زمان وسالتهم قالوا لي اماتنا قالوا لينا اقطعوها معاهو وحتي كلام ماتتكلمو معاهو لانو اخواتو كعبات ........مابقدر اقول ليكم حسيت بي شنو في اللحظه دي لانو اپشع ما قد يحدث ان يدخل كلام سيء عقل طفل لانو في المرحله العمريه دي بكون متلقي ومهتم بكل التفاصيل الصغيرة والكبيرة رغم اني بحاول بكل ما استطيع ان اخفاء عنه مثل هذه المشاكل بس المجتمع في الخارج لا يرحم مسكتو علي شديد ودموعي علي خدودي .....بيكو حبيبي انا بسمه اختك الواقفه قدامك دي كعبه .....لا بس ليه بتقولي كدا .............بقولك كدا عشان كلام الناس ماصاح وانت ما لازم تصدقهم اتفقنا يا روحي .........اي اتفقنا وين ابوي .......طلع قبل شويه وهسي بجي .......خلاص يابسمه ارح ناكل قبل ما تغيير لاني جعان شديد وداير اموت من الجوع ......طيب يلا ارح ختيت هدومي في الكرسي واثناء ما ماشين علي المطبخ سمعنا الباب انفتح بقوه التفتنا عليهو بخلعه لقيناهو ابوي مكفكف يديني جلابتو وعيونوا كل عين في حته وعروق جبهتو ظاهرين كل عرق طاير براهو و مما فتح الباب يكورك وېصرخ دايرة تعمليها زي ماعملتها ال ...........
