قصه كامله

ما كان حيكون في طلاق بالكميه ودي نسب الطلاق كل يوم في زيادة والناس مكمله عادي نحن لو ما انتبهنا لي الحاجه دي وعالجناها من جزورها ح تحصل كارثه .....ربنا يحفظ بيوتنا واولادنا ويديم السعاده والمحبه بيننا اللهم امين .... 
بعد ما المحاضرة انتهت شلت كرسي والدموع ماليه عيوني وماشه علي الفصل سمعت واحده من الاستاذات بتتكلم مع المشرفه جاني فضول اعرف لانهم ذكرو اسمي وفقت بدون ما اخليهم يشوفوني وياريتني ما وقفت ........انتي يادي السبب الخلي اهل بسمه يطلقو شنو ......بري قالوا امهم قالت لي ابوهم يا انا يا امك في البيت واتشاكلو في ده وطردها .......ها انتي ما جايبه الكلام سمح انا سمعت من عمتي قالو ابوهم داير يعرس فوقها بالسر قامت عرفتو ودايرة تكب ليهو الصبغه في اللبن بس الله شافوا وطلع منها .......كلام الناس كتير يلا يلا الحصه دايرة تبدا ......

مشو بعد ما رشو الملح علي الچرح حسيت انو المدرسه بدل ما تبقي لي مكان تعليم بقت مكان عڈاب والم دخلت الفصل لمېت الكتب وشلت شنطتي ومشيت بخطوات بطيئة بتجاه المكتب لقيت المديرة استأذنت ودخلت ليها .....معليش يا استاذة لاني جيت في الوقت المامسموح لينا بالطلوع فيهو بس انا قررت ........
ربي لاتحجب دعوتي ولاترد مسألتي ولاتدعني بحسرتي ولاتكلني إلى حولي وقوتي وارحم عجزي فقد ضاق صدري وتاه فكري وأنت العالم بسري وجهري سبحانك 
بس قررت اسلم الكتب واترك المدرسه مامعروف احتمال ارجع وحتمال لا ......المديرة عملت كدا ليه يابنتي الحاصل عليك شنو في زول ضايقك كدي قولي بسم الله وتعالي احكي لي واعتبريني زي امك .......ياريت لو كان زول واحد كنت اتحملتو ده مجتمع كامل ناس الحله ما مخلين لينا طرف نرقد عليهو وكمان طلعوا لينا ناس المدرسه نحن من هنا ولي قدام لازم نبقي قاعدين في بيتنا ونقفلو علينا ... كنت دايرة اتكلم معاها وفضفض ليها واحكي ۏجع الدنيا الساكن جواي بس العبرة خنقتني وحتي خشمي غلبني افتحو ختيت ليها الكتب فوق الطربيزة ودموعي نازلين مطر وجريت طلعت بدون ما ارد عليها .........قامت مخلوعه لما شافتني ببكي و جات جاريه وراي ولانو حركتها بطئيه ما قدرت تلحقني ...طلعت من المدرسه وفي قلبي الف چرح يتكلم مشيت بالشارع مرة اجري ومرة امشي لما قربت لي بيتنا حسيت ب صداع شديد لما ماقادرة افتح عيوني منو عاينت لي الدكان الفي الشارع لقيتو مقفول مشيت طوالي بيت حبوبتي ام ابوي لانو بيتهم في اول الشارع ونحن في نهاية الشارع دفرت الباب ودخلت لقيت حبوبتي قاعده في ضل الضحي سلمت عليها وقعدته جنبها بقت تسال فيني ليه جايين الليله بدري كدا من المدرسه وين بيكو كميه من الاسئله بدون ما ارد عليها رقدته في كرعيها وبقيت ابكي بصوت مكتوم حبوبه لاحظت لي ما طبيعيه مسكت رفعتني من كرعيها وبقت تعاين لي بشفقه ......كر علي يابنتي مالك پتبكي مالك ....... امي انا تعبانه ................ماتعملن الغلط وتجن تتبكن ما ح تحنن قلوبنا بدموع التماثيل دي وبدل ما تجن تشكن وتبكن شوفي انتن بتعملن في شنو وصلحنو حبوبه اللي راقده في كرعيه دي ما عندها طاقه وقدر تسمع فضايحكم الفيها مكفيها ..........عمتي انتي بتقولي في شنو عمتي نعمات متزوجه وعندها اربع بنات بيتهم ما بعيد من ناس حبوبتي بتجي كل يوم الصباح تصبح علي امها وبتقعد معاها لحدي ما تفطر وتمشي .................ما تسوي نفسك ما فاهمه انتي ما صغيرة عشان اجي اقعد تحت كرعيك واشرح ليك قدرتن تهربن من البيت بغلبكن تفهمن ا البقول فيهو ده ماتستهبلن .....
..........نعمات انتي مابتخجلي من حالك واقفه وفاتحه خشمك ومطلعه حسك لي الاخير لي بت البسمعك يقول فينا شنو كنت قايلك نعمات الحنونه الرحيمه وست العقل الكبير بس ياخسارة طلعتي واحده حسبي الله ونعم الوكيل بدل ما ترحمني الطفله وتشوفيها مالها تغيري فيها كدي ........بس يا امي البنوت ديل بي امهم جابو لينا الفضايح عند الباب ولسه مواصلات ....... نعمات ولا كلمه انتي المفروض وحدك ما تتكلمي عن الحاجات دي لانك عارفه ومتاكده انهم متعاقبين بحاجه هم ماعندهم فيها ذنب وختي في بالك الناس بقت تعاقب غيرها باعمالها البتعملي فيهو للناس الدنيا بتردو لو ما ليك لي بناتك راعي لي مستقبل بناتك بكون احسن............
حبوبه خلاص انسي انا ماشه بيكو بعد ده بكون رجع شلت شنطتي وطلعت بالباب .......خليت حبوبتي وعمتي عاملين كدا.........
رغم دفاع حبوبتي بس تالمت الم لا يعلم بيه الا الله كنت جايه افتش حبوب اعالج بيهم الم راسي بس طلعت ومحتاجه حبوب اعالج بيهم چروح قلبي .... ماشه في الشارح و دموعي نازلات علي خدودي لحدي ما وصلت.........
في مكان بلبل 
مرة الاسبوع والمرا ما اوفت بي وعدها لي بلبل وبلبل طبعا زعلانه زعل شديد وفي