قصه كامله مشوقه
انت في الصفحة 1 من 47 صفحات
ياززززفته بت ياموده مروه يامهند البجدع في الشجرة دي انا لو قمته عليه بعلقو فيها
لسه مصرين يجدعو الله يلعن ابو اليوم القوم فيه جوافه في بيتنا دا قمته من السرير لبسته فردة نعال واحده وماشي مستعجل لابس ترينق وفنيله داخليه نايم بهم وقفته تحت الشجره وبكورك دايرين ننوم يا ززفت عاينته مافي زول جات جوافيه نازله في راسي اسمع لك صوت بعرفو كويس بقول وقعت بي هناك لشنو
انا جيت جمبك يا محمد
بتجدعي في شجرتنا من صباح الرحمن مالك ماسمعتي بي حاجه اسمها النوم بتعملها الناس الصباح
لا والله سمعت بي حاجه اسمها القومه بتعملها الناس الضهر الساعه 11ونص صباح دا في قانون منو
انشاءالله 4العصر انا نايم ماتزعجيني يا هناء بتلب لك بالحيطه دي ببلعك الجوافه البتنزلي فيها دي
حراميه ولئيمه
حرامي انت ياكسلان يا المابتصلي ومابتعرف الله
مابصلي ! انا بصلي لك انتي شوف الجاهله دي تاني مااشوفك بتسرقي من شجرتنا
اسړق الجهل متمكن منك انت والله انا خالتو نعمات مصرحه لي اشيل من الجوافه وقت ما دايره
امي مابتصرح لي زول بدون علمي يا كذابه يا منافقه
انت مفتكر نفسك مهم كدا اديني جوافتي خليني امشي
اديني جوافتي ماارميك من الحيطه دي
طلعته زياده وقلت جربي كدا بيدينك الرقاق ديل
دايره تبكي اديني جوافتي احسن لك يامحمد
لو ما الدنيا رمضان كان اكلتها ومحنتك وتكتري كلامك وتطولي لسانك بفطر بها
انا بتحجج طيب مش دي جوافتك رفعته دايره اجدعها فكت البكيه امها وامي حضرو
محمد يا ولد مالك مع البت
امي والله ماهبشته
شال جوافتي يا خالتي
محااااااامد رجع للبت جوافته
امي
محااااامد
جدعته بها وقلت دايره بها شنو لو مافاطره يا مابتخجلي ماتزعجيني تاني
امي انا كنت دايره واحده بس
انتي عارفه غرفه محمد قريبه من الشجره وبتصحيه وهو نايم اعتذري منه وتاني ماتزعجيه الدنيا رمضان
امي رمضان ما للنوم للعباده ولا انت لسه صغير وماعلموك الصلاه
ختيت يديني في الحيطه وانتكلت عليهم سبلت عيوني وقلت لسه بيبي اجيك تعلميني يا استاذه
صريت وشي وجدعته بي حجر ونزلته من الشجره. امي تشاكل فيني
كل يوم نحن كدا بسبب الشجرة انت مابتخجل خلي البت في حاله الواحد مايصدق القي له اجر
امي ما سالتها ماتزعجني انا صايم ومساهر ومشتهي النوم
هي قالت لك ساهر
هي منو عشان تقول ولا ماتقول وصلته غرفتي امي دايره تتكلم لولحت لها بي يدي وقلت تصبحي علي خير وقفلت الباب شلت المخده غطيت بها راسي وفصلت سلك دماغي ورجعته اشخر
محمد يا ولد محااااامد
الليله اليوم دا ماحينتهي الا اق تل لي زول انا عارف لسه الصوت عالي
عملته نفسي نايم جات مودة اختي الصغيره محمد محمد خالتو فتحيه دايراك تملا لها الغاز من دكان خليفه
جدعته بالمخده وقلت مودة امرقي من هنا
وخالتو فتحيه
قول لها نايم اقولك حاجه قول لها مااات جات داخله خالتو فتحيه محمد ماتقوم النوم العصر دا لزومو شنو
قمته وجريت فنيله الكورة بي شعار فرنسا الازرق بلبس فيها وقلت حاضر ياخالتو قمته وتاني ماداير انوم نهائي مش دا الدايرنو كلكم
جدعت لي القروش ومشت وهي بتقول اسرع جيب لي الغاز دايره امرق الصينيه
شايل اسطوانه خالتو فتحيه الخضراء وماشي علي الدكان لاقاني صحبي عمران شايل اسطوانتهم وينقنق
ضحكته وقلت انا مش قلت لكم مانساهر لانه البلد دي مافيها راحه
اسكت بس يامحمد انا في اللحظه دي لو جاني عريس مغترب بوافق به
استغفر الله اللهم اني صايم
قصدي لاختي انت فهمته شنو
انا الفاهمك والله
ودي حقت منو انت مش امس مليت حقتكم
دي حقت خالتك فتحيه
والله انت يامحمد النسوان ديل بستقلو فيك كدا لمتين
وين الاستقلال يا عمران خالتي فتحيه ماعندها اولاد العندها بنات معقوله يمشو ونحن قاعدين عيب في حقنا ونحن اولاد الفريق وماتنسي ديل جيرانه بالحيطه واكتر قعاده مع امي واخواتي وبقت زي امي
حتفضل كدا مابتتغير
بدلناهم بي اتنين مليانات وجاين راجعين مدردقنهم بي رجولنا طبعا في رمضان الغاز بتوفر بعد رمضان ابقو قابلوني لو شفتوه
اها يا صحبي حنعمل شنو في الجامعه الحتفتح بعد العيد دي
قصدك المصاريف
حيكون في غيرها
ماتشيل هم احمد قال لقي شغل وحيظبطنا معه اخر اسبوع لي رمضان دا الشغل فيه بكون كتير تختار وتدلع
اخر سنه الله ينهيها عشان اشوف البنات ديل كمان
الله اكون في عونك وارحم الحاج
اللهم امين وارحم جميع المۏتي شايف هناء جايه راجعه معاها مروه اختي بقرو سوا ممتحنين السنه دي ماشين وبضحكو لابسين تياب الهزاز
ديل جايات من وين كمان بت يامروه عمران مسكني وقال بكونو مشو التلاوة سامع اختي دنيا قالت ماشي مع هناء ومروة
دي بتقرا قران اسي سبحان الله
قصدك هناء
ايواه قشيره ازعجتني من الصباح المزعجه
ياخ دي مزعجه اسكت اسكت ياخ انا صايم ماتفطرني
انت مابتخلي رقادك دا ااي واحده راقد لها كدا
يازول انت الا تفطرني واليوم قسم نصو اختاني
ضحكته ومشيت علي بيت خالتو فتحيه الملصق في بيتنا دقيت الباب فتحت لي تغريد
تحت تحت كدا قالو مكرشه علي وتقريبا من عرفت اني مشيت املا لهم الغاز قاعده جمب الباب عشان تفتح هي لابسه عبايه استقبال وطرحته كاشفه نص راسها
دنقرت راسي وقلت كيفك ياتغريد
تمام يامحمد كيف انت
انا كويس دي اسطوانه الغاز ودي باقي القروش اديها لي خالتي
شكرا يامحمد تعبناك معانا
حمرت لها وماشي كوركت لي ماحتركبها لينا يامحمد
وين تباريح مش كل مره بتركبها هي
تباريح في التلاوة مع مروه
والله ماشاءالله حتي تباريح عجايب رمضان
ضحكت وقالت اتفضل اتفضل امي منتظراك
دخلته بركب فيها وتغريد واقفه وتتبسم خالتي ڼهرته يابت امشي شوفي شغلك بدل قله الشغله دي
امي ماعندي شغل نضفته قبل شويه شايفه الحوش دا زي ضمير محمد
يابت امشي مااقوم اضربك بالمفراكه دي
نفضت يدينها ومشت وهي بتقول امي دي غايتو
ضحكته وقلت خالتي مالك مع البت ماتشاكليها قدامي بعد كدا هي كبيره وخريجه
واعمل به شنو تخريجه لو تبدلو لي بي راجل يبقي ولدي ويساعدنا بدل تاعبنك بدون وجهه حق
ماتقولي كدا يا خالتو انا كمان ولدك وكلهم قسمتهم موجوده وبكرا تشتاقي لهم ختيت المفتاح علي البوتجاز وقلت لها تقدري تستعمليها بعد كدا
تحب تاكل ملاح شنو الليله
البتعمليه كل حلو يا خالتي
انا عارفاك بتحب الروب عشان كدا حااعملو لك
تسلمي ياخالتي
وانا مارق من بيتهم شايف المابتتسمي مارقه من بيتهم يابت هناء ماشي وين انتي
حاامشي وين في حلتكم دي غير الدكان قربته منها قلعت القروش وقلت حلتنا علي اساس انتي اجنبيه صح وريني دايره شنو
لا شكرا اديني قر......ڼهرته امشي علي البيت ماامرق الشبشب دا من كراعي
مشت وهي تنقنق ومكشره وشها
اتذكرته انها ماقالت المرسال رجعته دقيت الباب خالتو انتصار ازيك
محمد ولدي كيفك ماتقولي هناء عملت حاجه تانيه
انا مش
