قصه كامله مشوقه
قلت لك ماترسليها يا خالتي لو احتجتو شي كورك لي مهند اخوي لو مالقيتني البت دي بقت كبيره ماترسليها الدكان
معليش يا ولدي ماحبيت ازعجك والدنيا رمضان والحر
لا مافي ازعاج انتي بتقولي ولدي وتقولي كلامك دا وريني دايره شنو الروشه دي ماقالت الدايره
جبت الحاجات اذان العصر اذن دخلته استحميت واتوضيت ومشيت الجامع صليت العصر وبدينا تلاوه للساعه 5 رجعت البيت لقيت امي والبنات بجهزو في حاجاتهم شاغلته امي كانت زي كل ام سودانيه في الدقايق الاخيره مابتلعب معاها طردتني مرقته مع الشباب برا مسافه الساعه 6 الا ربع جات مفرشين الفرشات دخلته شلت الصينيه ومرقته الشباب بدو اتجمعو بي الصواني خالتو فتحيه معاها راجله بجي متاخر بطلع صينيته راجل في السبعينات شدة مامسكين ضل ماعندو
الناس كلها طلعت صوانيه بعاين في باب خالتو انتصار بتطلع الصينيه ونحن بنشيلها لها لو نخلي اكلنا بناكل صينيته لانها مطلعاها علي روح راجله بتقول عشان مايتنسي اسمه وصينيته تطلع كانه عايش الحب مابعرفو لكن البعرفو انه عشرته كانت سمحه ظاهر من اخلاصه له واحترامه من اټوفي لليوم مابتجيب سيرته غير بالكلمه الطيبه ويمكن دي عاداتنا كمسلمين اذكرو محاسن مۏتاكم
عاينته اشوف لك هناء جايه بالصينيه والتوب وقع منها وبتحاول تلحق قبل الاذان ياذن
قمته جريت عليها شلت الصينيه وقلت لها ارجعي وحسابنا بعد ارجع البيت
اتلفت عليهم كانو كلهم بعاينو فيها لابسه البجامه وتوبه وقع منها ترفع فيه وتتمخط الله يرحمك يا ابوي بقينا من بعدك ملطشه معاهم حق الناس لمن قالو اني مجرد عاهه ياريت جاهو ولد كان حافظ علي اسمه ماشي وتبكي وتقش في دموعه
احمد لكزني انت كويس مالك الليله
كويس يا احمد عمران مدا راسه وخشمه مليان بليله وفي يدو كبايه عصير الحلو مر وقال ماتسال يااحمد ماشفت المنظر الاسي دا بخلي الصايم افطر
عمران اسكت عشان مانختلفقمته اتوضيت تاني وجيت قمته الصلاه عشان امشي عليهم صليت بهم بي نص خشوع علي غير العاده حتي هم لاحظو لي انتهيت كدا شلت الصينيه حقتهم ومشيت دقيت الباب فتحت لي خالتو انتصار زعلانه
شكرا يا محمد لو محتاجين حاجه قول اديكم
مالك انتي كويسه كنتي پتبكي صح
قشت دموعه وقالت لا وابكي لشنو دا غبار
في شنو ياخالتي انتي وهناء كويسين
انا كويسه بس هناء تبكي من قبيل وتدعي علي نفسها زعلانه انه صينيه ابوها طلعت متاخره وخاته اللوم في نفسها
بتك دي غبيه انا وريتك وكمان ممتحنه علمي ممكن ادخل اتكلم معاها
هناء يابت
ايواه يامحمد
زعلانه عشان انا شاكلتك
لا مازعلانه
طيب قومي اكلي وخلي امك تاكل
امي مااكلت هي
لا والله انتي پتبكي كدا تاكل كيف
قامت من الكرسي الكانت قاعده فيه علي طرف الحوش ماشي وبتكورك امي لشنو مافطرتي يعني دايره تشيلني ذنبك
شالت جك عصير كبت في كبايه مدته لامها وقالت اشربي يا امي عشان مااكون زي مابقولو عني قت لت ابوها وحتق تل امها خالتي قامت حيله ادتها كف اتخلعته وماشي عليهم مسكته وتبكي منو القال كدا منو الماعارف المو ت قدر تاني لو قلتي كدا انشاءالله امو ت لك ياهناء
ماتقولي كدا ياامي انا اسفه كفايه بكي
ابتسمته ومرقته خليتهم دي لحظه صفاء خليهم لاقاني عمران وانا بضحك. بعاين لي بغيظ وقال كدا بقيت تمام صالحته حبيبه القلب
حبيبه القلب منو
حيكون منو غيرها هناء اكيد
انت مچنون هناء دي زي اختي ماتبقي زي النسوان بتغار
جادي يعني اقز عودي ساي
قلت لك زي اختي يعني احترم نفسك برضو
زي اختك شنو يامحمد اخواتك متين قاعدات يلاقو بعد التروايح
يلاقو تقصد شنو
يعني مافاهمني يلاقو يعني حبيبي وحبيبك وزقاقات
عضيت سنوني وقلت وهناء الډخلها شنو
انت ماعارف ماذن الحلبي مستلم الشغل رمضان دا كل ومظبط امورو معاها
مسكته من لياقه القميص وعيوني محمره انت جنيت دي هناء البت دي مربيه مع اخواتي مستحيل تعمل الكلام دا
انت بتشاكلني عشانه يامحمد دي خوتنا كدا
نزلت يدي لمن ناس الضرا بدو يجو علينا وقلت مافي حاجه ياجماعه نحن بنهظر ضحكته ومسكت عمران ومشيت به وبهمس له تقدر تثبت كلامك دا
لو اثبته حتخليني استلمها
لو اثبته ماعندي معاك علاقه فيها اعمل الدايرو معاها .
اتفقنا ياصحبي بعدين بعد التروايح تعال بالزقاق التاني وحتشوف ماذن واقف بالموتر ومنتظره زي كل مره
والله ياعمران تطلع بتكذب علي مايفرزونا الا بالبوكسر .
مهند دخل الصينيه وجاب لينا القهوه في الشارع وانا قاعد بعاين علي بيت هناء وياتروايح ماتجي الشباب بتونسو وانا ساكت وبعاين للباب معقوله بعد حرصي عليها هي واخواتي يطلع التصرف دا منها انا بعتبرها في مقام مروه امها مستامناني عليها رغم منقاراتنا
طلعت من بيتهم كالعاده لابسه عبايته وشايله السبحه والمصلايه وتلفون خالتي تنور به دخلت بيتنا قمته من قعدتي ومشيت دخلت وراها سامعه بتسلم لناس امي وقعدت معاهم في التلفزيون متابعين مسلسل مسافه الاذان اذن
وقفته في الوضايه بتوضا سامعه كوركت لي مروه امرقي يااخ نشوف تباريح دي كمان
مرقته منتظرهم امرقو طلعو الاتنين دقو بيت ناس خالتي فتحيه دخلو قعدو مسافه طلعت تباريح تلبس في طرحته وشايله تلفونه وصوته العالي مالي الشارع. مابقدر امنعهم منها جيرانه الحيطه بالحيطه وامها فتحيه ربتني وحتزعل لو منعت اخواتي منها بس تباريح دي من النوع الشليق من صغير بنات خالتي فتحيه التلاته كدا حسب ابوهم كبير وماعندهم ولد مياخدين حريتهم تغريد احسن من تباريح وتقوي
ماشي وراهم معاي عمران واحمد
مشو بيت عمران ساقو اخته دنيا ومشو المسجد
بعد الصلاه مرقت من المسجد نعلاتي في يدي وجرري علي الزقاق القالو عمران اولاد وبنات من الحله التانيه قاعدين خالطين وشايف تباريح واقفه مع واحد مااشتغلت بها لاني تعبته منها بقيت افتش لي هناء ماشايفه مشيت لي تباريح لمن شافتني اتهجمت
محمد والله دايره منه كتاب بس صدقني
هناء وين يا تباريح
هناء منو
هناء بت خالتك انتصار مابتعرفيها
بلعت ريقه وقالت هناء ماعارفه خليتهم في الصلاه
يعني ماصليتي صاح امشي قدامي اوصلك وقت الضكر الخليتي له الصلاه هرب خلاك
مشت وقالت صلاح اصلو سجمان
يعني دا صلاح انتي مابتتوبي منه الولد دا نحن كم مره دقيناهو بسببك الا نقت لو
انت داير هناء لشنو
قاعده تجي معاك الزقاق دا
مدنقره وتبلع في ريقها ضړبته في راسها وقلت ردي ماتعملي فيها بتخجلي لو بتخجلي مابتعملي كدا انتي ماخايفه علي امك دي تعرف عمايلك دي وتجيها حاجه وتفقدوها
انا ماقاعده اغلط والله بنتونس بس
البنات من قلتهم عشان تتونسي
