قصه كامله مشوقه

مع اولاد
ونسه الاولاد حنينه
الونسه نهايته كلام لا حيعجبك ولا حيعجب امك واخواتك ديل ذنبهم حيبقي في رقبتك لمن تخربي سمعتهم بسبب تصرفاتك دي قربنا من بيتهم جات تغريد من الصلاه معاها البنات القدرها خلتهم وجات علينا محمد مالك عاينت لي تباريح حمرت فيها وقالت لقيتها وين الهامله
ادخلو البيت ياتغريد ماتقيفو هنا تجيبو لنفسكم كلام. مشيت خليتهم داخلين تغريد مسكتها من راسها وتجوط فيها بسببك انتي مستحيل يفكر فيني اعمل فيك شنو وريني اعمل فيك شنو 

رجعته الزقاق لقيتو فاضي واي اتنين مشو علي اتجاه مرقت تلفوني اتصلت لي عمران
وين انت ماشايف يعني لا ماذن لا غيرو
ضحك وقال ماذن الليله عندو غنجه جديده وفهم زولتنا انه في الورشه موترو بايظ
يعني ماحيجي
لا
قفلته منه وبضرب التلفون بيدي وماشي 
رجعته وقفته جمب بابنا وبعاين في الشارع جاء احمد وقف معاي بنتونس شايف هناء ومروه جايات وفي يدينهم المصالي
دا شنو ديل يادوبهم جو من المسجد مشيت عليهم وماسمعته احمد بقول في شنو مسكته مروه من يدها قووي 
الصلاه دي انتهت متين ااااا مشيتي وين انتي دي قله ادب جديده يعني ولا عشان بسمح لك تمشي الصلاه
في شنو يامحمد كنا في الدكان
جبتو شنو وروني
سكتن ودي تعاين لي دي
بتكلم معاك جبتي شنو يا مروه
هناء فتحت خشمها وقالت مالك ومالنا يامحمد انت داير تتحكم حتي في النفس جريت لها نور وقلت وانا بعاين في مروه. انا ماوجهته لك كلام وعاينت لها من فوق لي تحت وقلت انا مابخاف علي واحده ماخافت علي نفسها جريت مروه ودخلته البيت اديته كف رقدت في السرير امي جات مسكتني
محمد ولدي الله يرضي عليك مالك
البت دي تاني ماتباريها فاهمه ماكفايه تباريح الصاحبته لي تاني بي حجه التروايح
خلاص ماحتباريها بس ماتضرب اختك الدنيا رمضان
وقت الدنيا رمضان احترمو الشهر دا وماتخليني ارتكب فيه معاصي سامعاني صاح يامروه تاني مااشوفك مع هناء مفهوم
امي سجمي هناء مالها يامحمد ياريت كل البنات زيها اااجي كمان
اسالي بتك جاين من وين عشان تعرفي مالها
دنقرت في مروه وقالت جاين من وين يابت افتحي خشمك دا وردي علي
ياامي مشينا الصيدليه هناء قالت بكرا حتفطر ومحتاجه فوط صحيه خجلته منهم خصوصا نظرة امي لي الكلها عتاب 
وجهته مصبعي لها وقلت مااشوفك معاها فاهمه
مرقته لي احمد كان قاعد مع الشباب قعدنا من كشتينه لي ليدو لي ونسه 
احمد الليله مالك يامحمد
كويس يااحمد 
بتفكر في شنو طيب صوتك ماظاهر الليله ولعب رافض تلعب
عمران قال انك لقيت لينا شغل اها نعتمد ولا
يازول طبعا نعتمد خلي تلفونك قريب دا ياهو الشاغل بالك ولا شنو
مامفروض اشيل الهم يااحمد العندو اخوات لازم اشيل الهم عشان مااحتاجو للبرا لازم املا عينهم 
لو خايفهم افتشو برا ماتملاهم قروش بس يا محمد الحب ضروري كمان
داير تقول شنو
بټعنف البنات ديل كتير وكدا غلط
عملته شنو انا يااحمد
قبيل اختك مروه ماعملت شي انا شفتهم مع الدكتوره الفي الصيدليه وفهمته غرضهم وانت قبل تفهم شاكلته اختك 
يعني مااخاف عليهم
انت كدا ماخايف عليهم انت بتخوفهم منكمحمد اسمعني اكبر غلط بنعملو نحن السودانين نخلي اخواتنا ېخافو مننا ونزعل لمن افتشو للحب برا واعملو ميه علاقه عشان يعوضو
انت بتقول كدا عشان ماعندك اخوات
ياريت لو عندي يامحمد ياريت
انت ماجادي دا هم مابخلص الا تعرس لهم 
لشنو انا احسس اخواتي انهم هم منتظر اي واحد اجي اشيلو واريحني منه انا لو عندي اخوات والله يامحمد لو ماتمو دراستهم ومسكو شهادتهم ماافكر لهم في عرس والبترفض الدراسه مابديها لاي واحد حااختار لها الراجل الصاح
ولو ماجاء الصاح
تقعد جوا عيوني
عاينته له مستغرب من كلامه احمد طول عمرو مختلف اصغر واحد في اخوانه دفعتنا بس هو علمي ونحن الادبين بدرس هندسه شبكات واعي وهادي واخر واحد ارجع له في مشكله لانه حلوله واعيه ومرات الحلول المتهوره هي المطلوبه 
جاء ماذن سلم وقعد اضحك مع احمد كنت بحمر فيه ونفسي اقوم اضربه ماذن كمان دفعتنا بس الفريق التاني ومحذرنو من بنات فريقنا بس شكلو داير اخرب وش معانا كنت بعاين له وبفكر اعمل فيه شنو لو كلام عمران صاح اطنش ومااشتغل بهم بس البت يتيمه وامها بتقولي دي اختك اعتبرها مروه لو لقيتها في غلط امسكها من شعرها وجيبها لي انا بتمها لك 
ماذن لكزني بي ضر به في كتفي محمد مالك
قمته بتنفض وقلت مافي حاجه انا تعبان حاادخل انوم
الدنيا رمضان تنوم من اسي
اسال عمران اذا ناس بيوتنا ديل بعرفو الحاجه دي ضحكته ضحكه صفراء ودخلته البيت راقد في سريري وبتقلب للصباح 
ماجات ازعجتني لاني صاحي بدري 
مسكته تلفوني فتحت الشبكه للضهر مرقته مشيت الجامع صليت ورجعته البيت قعدته في الحجر برا ماسك تلفوني جاء احمد ومشي جاء عمران ومشي مرقت هناء تعاين يمين وشمال ومرقت برااحه لابسه توبه ساكت بعاين لها لحدي وصلت الدكان جابت لها حاجه داسها بي توبه وماشي فهمته انها فاطره ابتسمته وحسيت براحه دخلت البيت لاقيت مروه لمن شافتني ادتني نظرة زعل ووقفت تتوضا في الوضايه 
قلعته من شجرة الجوافه واحده وقربته منها ضړبته في ضهرها دوول
يا الله محمد مالك
مالي اسي هااك دي عجبتني عارفك فاطره
والله مافاطره يامحمد 
خلاص اديها لي صحبتك 
قصدك هناء
عندك غيرها
انت مش قلت ....من متين بتسمعو كلامي جدعتها لها صبته ضحكته وماشي علي غرفتي وقلت لو ماشي لها امشي يامروه
ضحكت وجرت لي جوا شايفه لبست توب الهزاز ومرقت سامع صوته في بيتهم ضحكته ورجعته ماسك تلفوني 
اليوم عدا زي غيرو صلاه تلاوه ونسه 
قريب وقت المويه وقفته في باب ناس هناء داير ادق الباب جات مارقه شافتني اتخلعت محمد
ايواه محمد يا مزعجه الليله عشان مانايم يعني ماضربتي الشجره 
انت مانايم سبحان الله
قلي ادبك ماياهو دا البتعرفي له ادخلي اديني الصينيه لو جاهزه
مالي ومالك ادخل برااك انا ماشي بيت خالتي
ماشي وين !
ماشي لي خالتي نعمات عازمه نفسي عندها سلطه روب
وشك مندي وفرحانه بالاكل انتي متاكده صايمه خجلت لزتني ومرقت ابتسمته وبقيت منتظر خالتي انتصار تمرق الصينيه قلت ماازعجها 
وقت التروايح دخلنا انا واحمد نتوضا من بيتنا ونضحك
انت ماجادي ولا شنو يااحمد اسافر واخلي اخواتي مع منو
مهند وامك قاعدين انت حتعمل فيها الضكر الوحيد
ما مالي عينك يعني !!
محمد والله احسن لك تجي معاي اخوي هناك بظبط لك امورك وشهاده الاقتصاد هناك افضل والشغل بقول يا ناس
جات مروه وهناء طالعين عاينته فيهم وقلت ماشي وين يا هناء بدون تتلفت قالت الصلاه
سرحته وقلت صلاه كيف وهي فاطره احمد شغال اتكلم ختيت يدي في كتفه وقلت كدي نتخرج اول يا احمد ومشيت وراهم مروه مشت الجامع وهناء لفت علي الزقاق وتلفون امها في اضانه بتتكلم 
في نفس اللحظه عمران اتصل بي وقال الليله زولتك حتلاقيه اكد لي قفلته بدون ارد وبقيت ماشي وراها وقفت وبعد شويه جاء ماذن بالموتر وقف ماقادر اشوف وشهم من الضلام وماسامع منهم كلمه مشيت عليهم بخطوات تقيله لحدي بقيت قريب وقلت هنااااااااااء ماذن