قصه كامله مشوقه

عالي داقه جبنه حقت ظار بس
وانا عندي ظار ولا شنو
انت عندك عفريت مانع عن دماغك دا الډم عشان كدا ماقادر تفكر
داير شنو يااحمد
حتخليها تتخطب
ايواه حااخليها وانا الحااجهز لها كل حاجاته وحاادق الصيوان واوزع الصواني واضبح التور في عرسها دايرني اعمل شنو 
الناس دي كلها بتلمح لك عشان تفهم بس رافض تفهم يا بني ادم افتح خشمك دا وقول انا دايره ماتدوها لغيري نحن ما في فيلم هندي كلمه منك بتبقي حقتك
وانا مادايره تبقي لي هي مابتفكر فيني انا ما في باله قالتها لي بي لسانه انا اكتر من اخ مابنفع لها هي دايره انسان غير شخصيتي دي يعني الا اتغير عشان اعجبها

كويس
شنو الكويس
طلعته الفي قلبك
انا دايركم انتو تطلعو من راسي بسببكم انتو دخلت راسي وانا ماداير كدا ماتجبروني اعمل شي انا ما راغبه
تعمل شنو يعني طفش العريس زي كل مره وافتح خشمك دا بعد ترفضك بعدين قرر تخليها لغيرك
انا مابفتح خشمي عشان اخسر احترامه لي كااخ 
يعني حتخليها تتخطب
ايواه لانها موافقه عليه تتخطب وتعرس
حتتحمل
اخدت نفس وقلت ما للدرجه دي يا احمد دي مجرد مشاعر دخلتوه لي انتو بي كلامكم الكتير عنها وعن علاقتنا سوا بس هناء اختي وحتفضل اختي.
اختك كيف اختك يا محمد انت ماجادي ولا شنو
اختي يعني اختي خلاص يااحمد اقفل الموضوع دا لو سمحته وخلينا نركز في امتحاناتهم عشان نشوف امتحاناتنا نحن
فضل لهم شهر وهم حافظين وفاهمين اطمن حينجحو
هناء بتنجح بس الشغلتها انت دي مااظن
ماتظلمني انا مافاضي لها اساسا لا انا بحب الكلام الكتير لا هي بتحبو
عشان كدا ااي حاجه تحصل تحكيها لك مش
شوفته انت ظالم كيفهي حكت لي عشان اتكلم معاك حتي امها نفسها انك تفتح خشمك وتقول لا موضوع العريس دا كان مفتكراهو حيحرك فيك حاجه 
يعني هم كمان تفكيرهم زيك
عشان انت مفضوح
لشنو انا عملته شنو
ما الا تعمل حاجه خالتو انتصار نفسها تديك لها عشان تطمن عليها شايفه انك انسب واحد لي واحده ماعندها زول غير امها
ما ڠصب انا مابفرض نفسي علي واحده مابتفكر فيني حاابقي تغريد يعني 
تفكر فيك كيف وانت طالع اختي ونازل اختي وبعدين هي صغيره الحاجه دي ماحتختها في بالها اذا انت مالفت نظرها
احمد اسكت انا بكرهك لمن اكون معاك حق
هههه دا معناه شنو
معناه اسكت وماتلعب بي راسي
يعني نفركش
لا والله انا ماخطيبتك تاكل راسي بي كلمتين
انت خطيبتي دي غيران منها ااا غيران
تصدق ااي ياريتني مااديتك لها هو نحن نربي عشان انتو تجو تاخدوهم بالساهل كدا
والله ياخ حتخليني اشيل هم بناتي
وديل بناتي انا التلاته ديل بناتي ربيتهم من صغار ماعارف اتحملك كيف انت والجاي جديد دا
انا مابفرق صعب الجديد
مرقت الشبشب جدعتو به وقمت لحقني به في ضهري لبسته ورجعته.
تاني يوم مفروض يجو تعارف خالتي ادتني رقمه اتكلمت معه واتمنيت القي فيه غلطه مالقيت 
مهندس بترول حيدر ابو روف مشطب بيته جاهز شغال في الامارات جاء اجازه وصاحب ود خالتي كلتوم جاء احضر العرس وعندو اجازه سنويه مدته اربعه شهور ماعندو مشكله اذا دايره تتم قرايته حتي يتمو العرس ويسوقها او تمتحن ويسوقها تتم الجامعه هناك الموضوع بين ايديها هي الدايره بحصل.
ماخلا لي فرقهكلمته خالتي انتصار احضرو نفسهم عشان يجوهم ونتعرف عليهم ويتعرفو علينا وننتظر خال هناء يجي ونعمل العقد مره واحده.
زي ماقلت لي محمد انا جاهز وماعندي حاجه ياخالتي وكل الدايره هناء بعملو لها 
خالتي تحمر فيني وساكته
طيب ياحيدر وانا قلت لك نشاور اعمامه ونشوف بقدرو اجو متين عشان العقد مدام جاهز احسن تعقدو وبعد تخلص امتحاناتها تمو العرس مدام انك قادر تسوقها معاك 
وانا ماعندي مشكله حاابدا في اجراءت هناء 
تمام معناها الف مبروك عليك بتنا مديت له يدي سلمت عليه عاينته لامي وخالتي ماتزغردتو ياجماعه امي بي صرة وش مابعرف خالتي قالت براحه ايووي 
ضحكته وقلت دقيقه اجيب لكم البعرفو للمناسبات دي بت يامروه تباريح دنيا وينكم انتو مشيت عليهم في غرفه هناء دقيت الباب يا بنات طلعو البت دي عشان تقعد معه الناس حتمشي 
ظهرت هناء بي فستان رصاصي مع الاكسورات والميكب الخفيف ومع ضحكته البتخلي غمازته تنحفر حفر في وجنتها ووشها مدور فيها خدود احلا بي كتير من الوجنه بي ضحكه قالت جاهزه كنت سرحان فيها 
مسكت يدي وقالت انا خاېفه يامحمد 
خاېفه من شنو !!
خاېفه بس ومتوتره شايف اهله عاملين كيف معقوله يشنفوني
بضحكه ضړبتها في خدها وقلت معقوله ماتعجبيهم ديل مياخدين جوافه الفريق
ضحكت وقالت انت ماصدقته عشان اريح الشجره وماازعجك مش
دنقرته واتحركته خلينا نمشي الناس منتظرننا 
مرقو البنات يزغردتن ومع زغرودتن باقي نسوان وبنات الفريق جو
تغريد فرحانه انه منافسته قلة تقوي عيونه كلها حقد وزعلانه 
خاتين كنبه جلوس قعدناهم فيها والناس قاعده يقدمو في البارد والحلاوه
كنت مطرف مع احمد علي جمبه وبحاول اتجنب اعاين لها وهي جمبه 
احمد لكزني وقال شوفها مبسوطه كيف حلوين مع بعض صح
عاينته لهم كانت بتبتسم وهو بتكلم معاها ومدنقره قلت له فعلا مناسبين ربنا يسعدهم
امين يارب هناء دي اصلا محظوظه حتتم تعليمها في الامارات وتحقق حلمها وحلم ابوها وحلم الحله كلها
ابتسمت وقلت خلي الحسد انت كمان طاير لو مامنتظر شهادتك
انا عارف نفسي بس هناء دايما پتبكي وتقول انا عشان يتيمه وانا ماعندي اب والناس مابتحترمني بعد باش مهندس حيدر كل الناس حتعمل لها الف حساب
اتنهدته وقلت فعلا
............
حيدر مشي مع اهله قدمتهم معاي احمد وواقفين بنعاين علي البنات جوا ماصدقو قامو بتصورو وهناء تضحك وتمد يدها بي الدبله وتمسك مروه ويضحكو ابتسمته 
احمد عاين لها وعاين لي وقال بعد تجيب لها ولد تفتكر حتسمي عليك ولا علي
احمد داير توصل لشنو
مالك انا بسال فيك
تسال فيني ولا بتستفز فيني 
واستفزك لشنو في حاجه مضايقاك يعني اتحركته ماشي وقلت مافي داعي لوجودي هنا
جاء وراي محمد محمد اقيف اسمعني
داير شنو يا احمد نتشاكل يعني عارف الچرح وبتضغط عليه
وانت تخلي ابقي چرح لشنو بتشيل السکين وټجرح بها نفسك لشنو ااا ماتتصرف قبل فوات الاوان
اعمل شنو يعني انت قبل شويه قلت انه دا من حظها 
وهي محتاجه لي مهندس ولا محتاجه للغربه هناء ماتنفع تكون لغيرك افهم بعد تخسرها حتعيش حياتك ندمان ماحتقدر تمرقها من هنااشر علي صدري وقال من هنا 
احمد ابعد عني انا ماداير اتكلم مع زول مسك يدي وقال لا مابخليك الا تخرب الخطوبه دي علي راسهم ...ضړبته وقع صرخته فيه مادايره انا مادايره خلوني في حالي انا ماناقصكم رفع نظارته الوقعت وبقي اعاين لي وانا ماشي 
مشيييت ومشيييت ومشيت تعبته من المشي رجعته البيت كلهم بعاينو لي نظرات عتاب دخلته غرفتي رقدته علي بطني ونومته.
الصباح وانا مارق الجامعه لاقتني هناء داخله شافتني ضحكت رفعت لي الدبله وقالت بقيت كبيره 
ضحكته وقلت برضو شافعه الخطوبه مابتكبر زول وطلعته اتلفتت علي وقالت حتي لو جيت بي اولادي ماحتعترف وقفته ومسكته قلبي من جملته كانه اتكب فيني تلج بااااااارد اتلفت عليها لقيتها مشت اتحركته برااحه يارب لا البحصل معاي دا