قصه مشوقه

ااعمل ليها بطاقة شخصية وورق الوصايا اضمن بعدها امي اول ما تكتب ليها الورث يكون في ايدي واي حاجه اقدر اتحكم فيها لو سنابل اتمنعت يبق مش دخلين لاي مكان وهطلع بيها على المركز اخلص المطلوب واكلم حبايبي هناك يخلصوا البطاقه بسرعة عشان الوقت. 
رفيق شغل العربية ومشي بيها التفتت غصن ليه پخوف عمي رايحين على فين تاني. 
رفيق مفيش هنطلع على المركز هنخلص شوية ورق ليكي وبطاقتك ونرجع طوالي. 
غصن بطاقة. 
رفيق ايوة بطاقة شخصية ليك باسمك غصن عزيز المنسي. 
غصن عمي لو سمحت ممكن اسالك سؤال. 

رفيق إسألى. 
غصن إمي حورية واخواتي. 
رفيق متقوليش امك امك سنابل وبس وملكيش خوات دول خدمين عندك لولا اصرارك كنت رمتهم لكلاب السكك بس عشانك سبتهم
بالدار يعيشوا فيها وسبتلهم حته الأرض يكلوا منها. 
غصن ربنا يخليك ياعمى. 
قاطعها رفيق اسمعيني كويس احنا بنعمل الورق اي حد يسالك عن اسمك تقولي غصن عزيز المنسي تاريخ ميلادك ١٣١٠ ٩٧
ليه مطلعتيش بطاقة
مترديش انا هتصرف وهخلص كل حاجه بس زى ما قلتلك احفظى اسمك وتاريخ ميلادك كويس واسم امك سنابل عبدالله حسن إبراهيم... لحد ما نوصل تكوني حفظتيهم اي حد يقولك الراجل اللي
معاكي يقربلك ايه قولي عمي رفيق اخو ابوكي 
فضل رفيق يعيد بالكلام لغصن لحد ما أتأكد انها حفظت كل اللي قال عليه وصل المركز اخدها مطعم اكلها واول ما معاد فتك المصالح الحكومية بدء كان واقف اول واحد طلع شهادة ميلاد واخد غصن وراح جهه استخراج البطاقة واستغل معرفه وجهز الاوراق وكان هو ضامن ليها وبعد إجراءات كتيرة لتجهيز الاوراق اتصورت غصن صورة البطاقه ولان رفيق
قدم طلب ودفع مبلغ كبير للادارة لتسريع استخراج البطاقة لدواع السفر واستخراج جواز زى ما قدم في الطلب بعد ساعتين استلم البطاقة واخد غصن ورجع البلد اول ما وصل لقي الغفر مستنينه على مدخل البلد. 
رفيق في ايه واقفين كده ليه. 
الغفير الحقنا يا عمدة البلد كلتها قايمة قاعدة والمأمور ورئيس الأمن قالبين البلد عشانك وست الحاجة الكبيرة هي اللي قالت لينا نستناك هنا ونقولك تروح ليها قوام بيت عزيز بيه الله يرحمه في حاجات حصلت لازم تعرفها. 
ساق رفيق باقصي سرعة وصل بيت عزيز لقي امه وقفة قدام الباب اول ما شفته جريت عليه. 
زبيدة كنت فين يا بني ومبتردش على تليفونك ليه. 
رفيق بقلق في ايه يامه سنابل جرالها حاجه. 
زبيدة لاه سنابل بخير الحمدلله تعالي خش الدار في الأول وانا 
يتبع باقي السابع
حكايتى مع صهيب بقلم منى عبدالعزيز 
الفصل السابع الجزء الثاني 
احيلك قبل المأمور ما يعرف انك جيت. 
رفيق شاور لغصن وفتح ليها الباب نزلت زبيدة بصت لرفيق وشاورت باصباعها هي يا رفيق. 
رفيق غصن يامه. 
زبيدة شدتها وتبك يا حبيبتي يا بتي حمدالله على سلامتك يا قلب ستك. 
رفيق قربي ياغصن متخفيش سلمي على ستك زبيدة زى ما . 
زبيدة تعالوا جوه الدار دى سنابل طول الليل وقفة قدام الباب تقول غصن جاية بالطريق. 
رفيق يلا يا غصن ادخلي. 
دخلت زبيدة ووراها. غصن ورفيق. 
زبيدة سنابل تعالي شفي من جه. 
سنابل خرجت من اوضتها وقفت عند الباب دموعها مغرقة وشها وصوتها بيتردد بالمكان بتييي غصننن. 
غصن رفعت البيشه من على وشها وبنفس وقت جري سنابل نحيتها هي جريت عليها بعض وصوت بكاهم خلي رفيق دموعة تنزل ڠصب عنه ومكنش قادر يقف وهو بيسمع كلام سنابل. 
سنابل.. بتي حبيبتي الحمدلله رجعتلي بالسلامة احمدك واشكر فضلك يارب استجبت دعايا وطولت بعمري لحد ما شفتها واخدتها طول السنين اللي فاتت وانا بدعي اشوف بتي واخدها وبعد كده مش طعانه اعيش اكتر من كده راضية يارب بكل اللي تدهولييارب لو مكتوبلي اعيش خد عمري واديه لغصن بتي ولو مكتوبلي اموت اموت وانا 
زبيدة سمعت صوت بكاء رفيق قربت منه مش مصدقة انه متأثر بكلام سنابل رفيق معقولة بتبك من كلام سنابل معقولة قلبك رق. 
رفيق ليه يامه انا مش بنادم بحس 
سكت على
صوت خبط شديد على الباب راح رفيق يفتح الباب لقي ظابط وعساكر وقفين. 
رفيق بقلق حضرة الظابط خير في حاجه. 
الظابط كنت فين ياعمدة قلبنا البلد عليك. 
رفيق كنت بالمركز بخلص شوية اوراق مهمه ليه يا باشا في حاجه ولا خصلت. 
الظابط في كتير ياعمدة وللاسف محدش ليه مصلحة في اللي حصل غيرك. 
رفيق حصل ايه ياباشا فهمني بدل ما انا واقف زى الاطرش في الزفة. 
الظابط على اساس متعرفش على العموم هتعرف كل حاجه في النقطة مع سيادة رئيس المباحث والمأمور. 
رفيق نقطة ومباحث في ايه ياباشا انا لازم افهم. 
الظابط صوتك ياعمدة وامشي معايا من سكات بدل ما اخلي العساكر يقبضوا عليك. 
رفيق يقبضوا عليا ليه سارق سريقة ولا جاتل جتيل. 
الظابط بالظبط يا عمدة الفرق محاولة فاشلة يلا يا عمدة معايا من سكات اي كلام هيتاخد ضدك. 
زبيدة روح يا
بني وخد غصن وياك تشهد. 
رفيق تشهد بايه يامه انا رفيق المنسي انا جاي معاك ياحضرة الظابط وانت يامه اقفلى الباب كويس نص ساعة بمشيئة ربنا وهكون عندك. 
زبيدة ربنا يعديها