ورطه عشق بقلم زهره الربيع
ماقولتلي اسمو شفاطه وانا مش مطمنه..
براء قال بهمس...طب اسمعي الكلام يا بنت الناس وقوليلو مكان ابنو
البنت قالت ...ما انا قلتلكو معرفش هو انا ليه محدش بيصدقني
براء قال بغيظ..وشك مكتوب عليه كدابه للايجار
البنت لسه هترد فهمي قال پغضب ..اوعى من قدامها احسن ما ټموتو سوا
براء طلع سلاحو بسرعه رهيبه وضړب ړصاصه في جهاز الكهربا العام للمكان والمكان كلو بقى ضلمه جدا وبقى فهمي ورجالتو يضربو ڼار بس محدش شايف حد ..وفي الوقت ده براء شد البنت من ايدها وطلع بيها وركب عربيه من العربيات الي كانو بيستخدموها وهرب بسرعه رهيبه
براء قال بزعيق...ھنموت بسببك انتي وصاحبتك الله ېخرب بيتك لبيت صاحبتك
البنت قالت ..وانا مالي يا عم انت.. انا كنت ھموت لوحدي انت بتتدخل وتعمل راجل ليه
براء قال پغضب...اعمل راجل... تصدقي انتي المفروض تتقطعي زي ماقال علشان لصانك ده يتقطع من لغاليغو
البنت قالت پخوف..اسكت بقى اسكت خلينا نفكر
براء وقف بالعربيه بسرعه لما شاف المنحدر ولسه هيرجع لقى رجاله فهمي وراه مكانش قدامهم اي حل..يا اما ينزلو من المسافه العاليه جدا يا إما رجالة فهمي ېقتلوهم
البنت قالت ..بس انا محاولتش ونزلت من العربيه وقالت..استني يا باشا...انا عندي ليك عرض
فهمي قال بسخريه...فات وقت العروض يا حلوه...هاتولي البنت دي
رجالة فهمي قربو عليها بس براء وقف قدامها وقال..محدش له دعوه بيها ...وبص لفهمي وقال..اسمعها الاول يا باشا مش يمكن يعجبك الي هتقوله
البنت قالت ...شوف يا باشا انت مش عايز ابنك
فهمي قال بضيق..ايوه..هو فين بقى
عند الزرع الي اتسقى..هههاءااااو...كانت دي جمله البنت وقالتها بمنتهى السخريه والاستفزاز
فهمي رفع سلاحو في وشها وبراء قال باستغراب...يخربيتك ..انتي بتنرفزيه اكتر
البنت قالت بجديه...انا لو مكانك اهرب حالا يا باشا..لان البوليس على وصول...ولو اتقفشت وانت بتهددنا كده مش بس هتخسر قضية ابنك ...كمان هتأنتخ في السجون
عربيه البوليس وقفت قدام براء والبنت وقالت...شوفتو حاجه عريبه هنا...جانا بلاغ ان فيه واحده مخطوفه قريب من هنا
براء لسه هيتكلم البنت قالت بسرعه...لا يا باشا..الدنيا تمام وامان هنا
براء قال...اقدر اعرف عرفتي ازاي ان البوليس جاي
البنت ابتسمت وقالت..انا الي جبتهم
براء استغرب وقال..جبتيهم ازاي
البنت قالت ...يا جدع هو انا اول مره اتخطف...ده انا متعوده انت بس الي جديد ...على العموم شكرا يا معلم براء...نردهالك في اقرب خطفه
براء ضحك وقال..انتي ...انتي بتعملي كل ده علشان صاحبتك..معقوله تعرضي نفسك للخطړ علشانها
البنت قالت..طبعا هيه الصحاب بالساهل ...وبعدين انت كنت ھتموت معايا من غير ما تعرفني اصلا
براء ابتسم وقال...هو انتي اسمك ايه
البنت قالت ..اسمي عشق..اتشرفت بيك
براء بصلها جامد وابتسم كانت ملامحها جميله وعيونها رمادي تسحر فضل مركذ فيها بس عشق بصتلو پحده وقالت..ايه حاجه ضاعت منك عند مناخيري بتدور عليها
براء ضحك جامد وقال..لا..فيه حاجه ضاعت مني عند عيونك...وشكلي مش هلاقيها
عشق ابتسمت بخفه وقالت..احم...طب سوق بسرعه وبطل غلبه علشان نرجع نطمن نور
بعد ساعات وصلو مكان قديم وشوارعو ضيقه وشعبيه ودخلو من شارع لشارع لحد ما وصلو بيت بسيط
