قصه كامله

ها ياله قولى 
رنا سيبك من الكلام ده انا محتاجه نصيحتك 
ساره اممم نصيحه زوجيه ولا نصيحه سريريه 
رنا ايه يعنى ايه نصيحه سريريه دى 
ساره يعنى نصيحه للسرير للعلاقه بتاعت يوم الخميس وبما انك لسه عروسه جديده فدى هتكون نصيحه لكل ليله 
رنا وانتى أش عرفك انتى يالى لسه ما أتجوزتيش بنصايح السرير الى بتقولى عليها 
ساره بجديه مصطنعه رنا يابنتى الى أعرفه عن السرير والى بيحصل عليه اكترمن الى انتى تعرفيه لا مش اكتر منك 
بس اكتر من خالتى ساميه الى مخلفه تلت عيال 
ضحكت رنا وقالت والله ياساره انتى فقر وحشتينى ووحشتنى الأعده معاكى 
ساره وانتى كمان وحشتينى يا رنا المهم قولى لى مشكلتك ايه 
رنا زعلت حماتى وحمزه سمعنى وشكله كده مستحلف لى وانا بصراحه خاېفه 
ساره زعلتيها أزاى 
رنا من غير الدخول ف تفاصيل زعلتها طلعت فيها وعليت صوتى عليها 
سكتت ساره قليلا وقالت وده من امتى يا رنا ماتقنعنيش انك طلعتى فيها من الباب للطاق لازم واكيد تكون هى أستفزتك وعشان كده انتى طلعتى فيها 
رنا مش مهم هى عملت ايه المهم دلوقتى اعمل ايه 
ساره لأ طبعا مهم ماتقولى لى ايه الى حصل مش يمكن تكون تستاهل 
رنا لأ هى ماعملتش حاجه انا كنت صاحيه من النوم مش مركزه ومش نايمه كويس وطلعت فيها 
ساره اممممم وايه الى منيمكيش كويس 
أحمرت رنا عندما ادركت معنى كلام ساره فقالت
يوووه يا ساره هو ده وقته 
ساره خلاص خلاص ياستى انا هقولك تعملى ايه بس الاول هى لسه موجوده ولا مشيت 
رنالأ عندى 
ساره طيب انا هقولك تعملى ايه بس الكلام ده لو هى فعلا ماغلطتش معاكى ولا ضايقتك وانتى طلعتى فيها من الباب للطاق 
سكتت رنا قليلا وقالت بتلعثم اه طبعا هو كده 
ساره ولو انى مش مقتنعه بس هقولك انتى دلوقتى تروحى تحضرى غدوه حلوه وحاجه تحلى بيها وشوية عصاير وتروحى تقولى لها كل ده عشان بتحتفلى بيها وتعتذرى لها وتبوس دماغها وهتلاقيها صفيت علطول وياريت لو شوية مسكنه ونحنحه وتقولى لها ممكن أقولك يا ماما اصلى حسيتك زى مامتى الى اتحرمت منها وتعيطيلك دمعتين وخلاص
سكتت رنا وقالت انا ممكن اعمل الاكل والحاجه الحلوه والعصاير لكن

الى بعد كده صعب 
ساره ده الى بعد كده هو المهم لازم جوزك يجيى يلاقيها مبسوطه منك وضحكتها من الودن للودن وساعتها هينسى انك زعلتيها 
رنا تفتكرى 
ساره اه طبعا أفتكر ونص 
رنا طب ياساره هجرب بس ادعيلى 
ساره هدعيلك بس ياله روحى قبل ماجوزك يجيى 
رنا ماشى ياساره ربنا يخليكى ليه 
ساره يارب ياختى بس عدى الجمايل
أغلقت رنا الهاتف مع ساره وسارت الى المطبخ وأعدت أكثر من صنف وأعدت صنفى من الحلو وثلاث أنواع من العصائر وحضرت المائده التى تحولت وكأنها بوفيه مفتوح يحتوى على كل ما لذ وطاب وبدلت ملابسها وارتدت بنطلون أسود جينز ضيق وعليه بدى من اللون الأصفر وعليه رسومات سوداء ورفعت شعرها فى ذيل حصان رقيق ثم ذهبت الى غرفة حماتها وهى تدعو الله ان يسهل مهمتها
طرقت الباب وعندما سمحت لها بالدخول دخلت بهدوء 
رنا طنط انا حضرت الاكل 
زينب هو حمزه جه 
رنا لأ بس حضرتك مش فطرتى وكده بقالينا كتير تعالى ناكل سوا انا كمان مافطرتش 
نظرت لها زينب ثم أدارت وجهها وقالت هستنى أبنى 
لاتعرف رنا بماذا ترد عليها لذلك آثرت الصمت وقررت ان تنسحب من الغرفه
بهدوء ولكن ما ان التفتت حتى نادتها وقالت استنى انا جايه معاكى 
التفتت لها رنا وقالت بفرح بجد طب أتفضلى
سبقتها رنا الى السفره وهى تقول بفرح انا عملت لحضرتك كل الاكل الى ممكن تكونى بتحبيه وعملت لك بسبوسه وكنافه وعملت لك عصاير شرف حضرتك انهى نوع تحبيه حضرتك وانا 
قاطعتها زينب قائله حيلك حيلك ايه ده كله كل ده أكل ده يكفى عيله بحاله ويتبقى صحيح المال السايب يعلم السرقه
صدمت رنا وقالت سرقه 
زينب اه مهو لو حمزه كان بيحسبك مكنتيش بهدلت الدنيا مصاريف كده 
رنا ببراءه دى اول مره اعمل اكل انهارده 
زينب كمان يعنى كنت عايشين على الدليفرى ياعينى يابنى على المصاريف التى تقطم الوسط اشى شهر عسل واشى اكل من بره وياعالم ايه تانى
أطرقت رنا رأسها بحزن وقالت انا كان قصدى احتفل بحضرتك 
زينب قالت تحتفلى هو لازم الى يحتفل ېخرب الدنيا كده 
قالت رنا وهو تحارب دموعها آسفه ياطنط آسفه لو كنت ضايقتك بس انا كان قصدى أحتفل بحضرتك واسفه برضو لو كنت عليت صوتى عليكى الصبح معلش كنت لسه صاحيه ومش مركزه عن أذنك
قالت رنا ذلك وخرجت مسرعه الى غرفتها وأغلقت الباب خلفها وأجهشت بالبكاء 
ظل حمزه فى مكتبه لأكثر من أربع ساعات وذلك لكثرة العمل المتراكم بسبب فترة غيابه دخلت عليه دنيا وقالت حمزه 
رفع حمزه عيونه عن الاوراق امامه نعم 
دنيا فى واحده بره عايزه تقابلك 
عقد حمزه حاجبيه وقال مين 
دنيا أحلام 
حمزه أحلام!
دنيا اه احلام 
حمزه ودى عايزه ايه 
دنيا قالت مارضتش تقول بتقول موضوع خاص 
حمزه دخليها بس ربع ساعه وتعالى قولى الاجتماع جاهز تمام 
دنيا اوك
خرجت دنيا وبعدها بقليل دخلت أحلام بهيئتها التى تشع جمالا وجاذبيه وقالت حمزه 
تحرك حمزه من خلف مكتبه ومد يده وسلم عليه وهو يقول عامل ايه يا أحلام
سحبت احلام يديها ونفضت شعرها الاصفر الخلاب للخلف وهى تقول بلامبالاه فاين انت عامل ايه والمدام 
حمزه الحمد لله قولى لى ايه الى فكرك بيه انهارده 
وضعت احلام ذراعيها على المكتب ووضعت رأسها عليهم لتكون قريبه من رأس حمزه الجالس خلف المكتب وقالت انا عمرى مانسيتك ياحمزه
للحظات سرح حمزه فى نظراتها الساحره وعيونها التى تشبه عيون الغزلان فى جمالهم انتبه لنفسه فتنحنح قائلا أظن الكلام ده مالوش لازمه دلوقتى 
أحلام وهى ترجع رأسها للخلف ليه عشان اتجوزت 
حمزه لأ عشان الى بنا انتهى يا أحلام انتهى ومن زمان وانتى عارفه كده 
احلام انتهى بالنسبه لك ياحمزهمش بالنسبه لى انا عمرى مانسيتك والى كان بينا عمره ماهيتنسى بسهوله 
قام حمزه من على مكتبه پغضب وجلس امامها وقال پغضب ممكن افهم ايه الى كان بينا يا اأحلام عشان انا مش عارف
أقتربت رنا بوجهها من وجهه وقالت وهى تمد يدها الى ياقة قميصه وكأنها تعدلها وقالت بصوت مليئ الى بنا ياحمزه مش بينفع يتقال بالكلام الى كان بينا أكبر من كلمتين يتقالوا
للحظه شعر حمزه انه سيضعف امام جمالها
وعطرها الرقيق الذى تخلخل خياشيمه الأ انه سرعان ما نفض يديها من على قميصه وقال الكلام ده قبل ما ترجعى لعمار تانى بعد ماطلقك ورماكى وأول ماشاورلك رجعتي له جرى وسبتينى كأنى كنت أستراحه بين المحطات
قامت أحلام واتجهت الى حيث وقف وقالت حمزه انت عارف ان عمار كان بيهددنى
ضحك حمزه بسخريه وقال الكلام ده تضحكى بيه على اى حد بس مش حمزه الأنصارى يا أحلام 
قبل ان ترد عليه كانت دنيا تفتح الباب لتعلن عن الاجتماع الزعوم ولكن ما ان فتحت ووجدت احلام وهى واضعه ذراعيها حول رقبة حمزه فشهقت ڠصبا عنها
الټفت حمزه الى دنيا وقال پغضب عايزه ايه يا دنيا
عقدت دنيا ساعديها حول صدرها وقالت مفيش الجتماع بدأ
ضحكت أحلام وقالت وهى حمزه على وجنتيه وسط نظراته ونظرات

دنيا المذهوله أشوفك بعدين ياحمزه 
ولم تنسى وهى تخرج ان ترمق دنيا بنظرات مليئه بالأستهجان وهى تقول المره الجايه ابقى اختارى حاجه تانيه غير الاجتماع عشان دى اتهرست فى كذا فيلم عربى قديم
قالت ذلك وخرجت تتهادى فى مشيتها
وكأنها لم تفعل شئ
أغلقت دنيا الباب خلفها پعنف وقالت ممكن افهم ايه الى كان بيحصل هنا بالظبط
دار حمزه حو مكتبه وسحب سترته ولبسها پعنف وهو يقول انا ماشى
ولم يستنى ردها وخرج مسرعا من المكتب بل من الشركه كلها وهو يحاول ان يسيطر على الرعشه التى انتابت جسده من قرب أحلام منه أعترف فى نفسه ان احلام الوحيده التى أقتربت من حصونه بهذه الدرجه وليس فقط هذه المره ولكن لأكثر من مره فيما سبق صحيح انه كان على علاقات كثيره بالنساء لكن لم يسمح لاحدهم قط بالقرب منه لهذا الحد وحدها احلام التى لم تخضع لهذا القانون وهذا ماكان يشعره بالضيق منها ويحاول الابتعاد عنها 
وصل حمزه الى منزله فوجد والدته بالصاله تتابع احد المسلسلات ورنا لا وجود لها
جلس حمزه بجانبها وقبل يديها وقال عامله ايه يا امى 
زينب بخير ياحبيبى مال وشك اصفر ليه 
حمزه مفيش يمكن عشان مكلتش حلو 
زينب طب ياحبيبى مراتك عمل اكل يكفى شعب قوم غير وانا هسخن 
عقد حمزه حاجبيه وقال تسخنى انتى امال فين رنا 
زينب قالت معرفش رصت الاكل ع السفره وسابته ودخلت وانا لما لقيته هيبوظ رجعته تانى لمكانه 
قام حمزه من مكانه وقال طب عن اذنك يا ماما هشوفها 
زينب اذنك معاك ياضنايه
دخل حمزه على رنا الغرفه فوجدها نائمه على السرير بعرضه أغلق الباب بهدوء وخلع قميصه والقاه على الارض اتبعه بسرواله ودخل الى الحمام أغتسل وبدل ملابسه وجلس بجانب رنا على السرير ووضع يديه عليها برفق وقال رنا
تململت رنا فى فراشها وفتحت عيونها وما ان رأت حمزه حتى شهقت وقامت مفزوعه 
فزع حمزه من فعلت رنا فسارع وهو يربت على شعرها وقال هششششش بس ده انا انا حمزه
عندما خاطبها بهذه اللهجه الحانيه فلم تشعر بنفسها الا وهى تبكى بصوت عالى وهى تقول انا آسفه والله آسفه حقك عليه 
أبعدها حمزه عنه ومسح دموعها وقال هشششش فيه ايه بس لكل ده 
رنا انا عارفه انك زعلان منى 
عقد حمزه حاجبيه وبعدها قال زعلان اه زعلان منك عشان كلام الصبح 
أومأت رنا برأسها 
حمزه اممم صح انا زعلان 
وترك ذراعيها وابتعد عنها ما ان رأته رنا يبتعد عنها حتى أقتربت منه مسرعه وهى تقول مابين دموعها انا آسفه والله آسفه انا عارفه انى غلطانه مكنش قصدى انا اتأسفت لطنط وحاولت اصالحها وعملت لها اكل وحاجات حلوه بس من الواضح انى عكيت الدنيا تانى
حمزه أنبتك عشان الأكل الكتير 
رنا اه انا مش زعلانه منها هى عندها حق ده أسراف بس انا كان قصدى اصالحها
نظر لها حمزه والى جمالها البرئ ليس جمالا خارجيا فقط بل جمالا داخليا أيضا تحيطه هاله من البراءه يصعب وجودها فى هذا الزمن وأبتسم
نظرت له رنا والى تعبيرات وجهه وقالت حمزه انت بتبصلى كده ليه انت لسه زعلان منى مانا قلت لك مكنش قصدى 
أبتسم حمزه وقال مهو المشكله ان انتى يا رنا مش بينفع يتزعل منك الى يبص لشكلك مايعرفش يزعل منك
نظرت رنا الى نفسها وقالت ماله شكلى 
أبتسم حمزه قمر انتى قمر قال ذلك وأكمل انتى جميله من جوا ومن برا المفروض انى ازعل منك واعاقبك عشان زعقتى فى أمى بس الايام الى فاتت وعشرتى معاكى عرفتك فيها وعرفت