إسكريبت الخمار

اسكريبت كامل
ما زاداك الخمار إلا جمالا
طنط اتفضلي دي
بصيت لقيت بنوته صغيره ماسكه ورقه في إيديها 
نعم يا قمر
اتفضلي دي
اي دي!
دي ورقه عمو اللي هناك ده قالي اعطيهالكقالتها ببرائه وشورت علي مكان
بصيت ملقتش حد واقف
بس مفيش حد مين اللي قالك كده
يووو خديها وخلاص انا عايثه العب
أخدت منها الورقه وهي طلعت تجري تكمل لعبها ولقيت مكتوب فيهاما زادك الخمار إلا جمالا يا جميلتي

الكتابه كانت جميله جدا بخط واضح وجميل وبلون بمبي فاتح عليه جليتر وفعلا الورقه شكلها لطيف جدا
بصيت حواليا عشان اعرف مين اللي بعت الورقه دي وفضلت ابص علي كل الناس اللي في الشارع يمكن اعرف مين صاحبها بس قطع لحظتي صوت صاحبتي اللي نسيت اصلا ان هي جمبي وهي بتقولي اكيد حد بيهزر متاخديش في بالك
ممكن بس الصراحه عندي فضول اعرف هو مين
طب لو عرفتي هتعملي اي
مش عارفه بس ممكن أسأله لي بعت الورقه دي وهو يعرفني منين
اكيد حد بيعاكسك فكك منه
اوكيه أختك فين طيب بقالنا ساعه واقفين في الشارع
هرن عليها اشوفها
ياريت يعني انا مش عارفه اي اللي مواقفني معاك أصلا عندكم فرح انا مالي 
ألاه مش صاحبتي وهتختار معايا الفستان بتاعي ولا اروح لوحدي يرضيكي
لا خلاص ميرضنيش رني عليها بس
كلمت أختها وانا بصيت للورقه اللطيفه اللي في إيدي مش عارفه لي الورقه دي شداني اوي ولما يأست اعرف مين صاحبها حطيطها في شنطتي قولت هحتفظ بيها وهعتبرها رساله من شخص مجهول جايز في يوم يبقي شخص معلوم
اخت صاحبتي وصلت ودخلنا محل نشتري منه لما دخلنا لقينا شابين في المحل والديكور كان باللون البمبي وفي لمعه جليتر زي الكتابه بالظبط لدرجه اني سرحت فيه و فكرت أسألهم عن الورقه حسيت ان الورقه طلعت من المكان ده بس الصراحه اتكسفت أسألمهو بردو حتي لو عرفت مين اللي بعتها هقوله اي هتكسف اتكلم اصلا اصل انا من النوع الخجول سيكا 
فوقت من شرودي علي صوت صاحبتي وهي بتسألني الدريس ده حلو
حلو اوي موجود منه ألوان اي
رد شاب من ورايافيه منه بينك وأسود وأزرق
جربي الازرق هيبقا حلو عليكي
دخلت صاحبتي تقيس الدريس وانا بدأت اتفرج علي المحل والحقيقه المكان جميل اوي وهادي كده وتحس انك مش عايزه تمشي وتسيبه 
لفت نظري دريس رقيق اوي بدرجات لون البنفسج اللي انا بعشقهاكان ضيق من فوق لحد الوسط وبعدين واسع وعند الوسط في حزام من اللولي اللي كمل رقته
هيبقا حلو اوي عليكي
لفيت لقيت نفس الشاب فارتبكت
احم شكرا
طب جربيه
لاء اصل انا مش هشتري
حتي لو مش هتشتري جربيه وكمل بضحك ده البنات بتيجي تقيس الهدوم وتتصور بيها وخلاص
ههه اوكيه هجربه
كان لسه هيتكلم بس صاحبتي قاطعته بخروجها 
ها حلو
بسم الله ما شاء الله زي القمر
بجد يعني اشتريه 
ايوا طبعا حلو اوي عليكي اللهم بارك
اوكيه هشتريه
أخدت الدريس