ليه يازمن الفصل 44
انت في الصفحة 4 من 4 صفحات
إنت انسان طيب جدا.
وائل و إنت حلوه أوي.
طارق كان في مكتبه. وجه عنده صاحبه خالد.
خالد إزيك يا مختفي ما بتردش ليه
طارق مشغول في القضيه بتاعت الحاج سليمان على الأراضي.
خالد وشايف إيه الراجل ده خيره عليك و هو كان صاحب أبوك الله يرحمه.
طارق أيوه بس المره دي في حاجه غلط هو بيقول مابعش حاجه ولا وقع حاجه و أنا معايا ورق بيقول حاجه تانيه.
خالد ما يمكن إبنه عامل كل ده و باع الأرض من ورا أبوه. إنت شايف إن الراجل عنده زهايمر
طارق لأ الراجل كويس وأنا فكرت أعرضه على دكتور متخصص بس مش عارف اجيبهاله ازاي. وماقدرش أقوله ابنك بيقول إيه عليك. صعبه شويه وخاصة إنه ابنه الكبير.
خالد طيب. إمبارح كان فرح علي.
خالد مافيش أخبار عن زهره
طارق يا خالد خلاص قولتلك هي قبلت بوضعها.
خالد بس مش ملاحظ إن أبوها و أمها اختفوا تماما.
طارق دول وراهم سر كبير جدا. كله هيبان مع الوقت. إنت مركز مع زهره ليه
خالد بكل صراحه موضوعها غريب جدا. واللي استغربته إنها تقبلت الوضع و تقبلت المعلم. إزاي الحب اللي شوفته في عنيها لعلي إحول بسرعة كده
اللي كانت فيه زهره تعلق بشخص ماشفتش غيره. لو كان الحب كبير كان صعب عليها إنها تتقبل الوضع.
وممكن يكون بداية حب بس حب حقيقي مستحيل. لا علي حب زهره ولا هي حبته دا تعلق بشخص.
طارق لما تحب بجد هتعرف. بعد حبي لمسك ماقدرش أشوف ست غيرها ولا لمست ست غيرها. صعب أتقبل حد لأني بجد حبتها ولسه بحبها و بمۏت كل يوم على بعدها و فراقها.
خالد ربنا يصبر قلبك.
بس هو إنت كراجل طبيعي مالكش متطلبات يعني ....
طارق من غير ماتكمل أكيد طبعا بس عمري ما أروح لواحده تانية.
هايدي بعد ليله صعبه ماعرفتش تنام. حست إن علي أهانها إهانه لا تغتفر ولازم ترد اعتبارها. قامت اتصلت بحد.
المجهول صبحيه مباركه يا عروسه.
هايدي لا صبحيه ولا مسائيه.
المجهول ضحك...
المجهول ليه طلع العريس بعافيه ولا إيه
هايدي مش قلتلي إنكم هتخلصوا عليها مستنين إيه انا خلاص تعبت.
هنا دخل علي
علي يخلصوا على مين
