هي مراتك مالها يا احمد
انت في الصفحة 1 من 6 صفحات
هي مراتك مش ناويه تعقل بقا ولا مش هتسكت الا اما تطلق
_في اي تاني يا أمي
كل حاجه مرات اخوك الي بتعملها من غسيل مواعين لطبيخ لغسيل لكنس لمسح وكمان معاها عيل
مسح على وشه بضيق..... ربنا يعينها ياأمي بس انتي عارفه رنا مش
بلااااااا رنا بلا مراتك ياأحمد تنزل من بكرا من 7الصبح تحضر الفطار واليوم كله عليها
امه بعصبيه...... افندم يعني هتكسر كلمتي يعني ولا اي مش فاهمه وبعدين انت بتدافع عنها كدا ليه تكونشي محامي الدفاع عنها احمد هي كلمه ورد غطاها مراتك تنزل فاهم
كنت واقفه ع السلم سامعه كل كلمه قالتلها مش عارفه اي غيرها معايا بالشكل دي كانت في الاول بتحبني بجد ولا كأني بنتها بس دلوقتي بحسها تطيق العما ولا تطيقني .. قاطعتهم وانا بنزل بهدوء.... انا نزلت اهو يا حبيبتي حقك عليا عارفه اني اتاخرت في النزول النهارده بس وحياه ربنا ياماما يادوب لسا مخلصه التنضيف دلوقتي
ربنا يخليكي يابنتي ويسعدك قادر ياكريم
لقيت احمد بيشدني من ايدي ولسا هنطلع..... راااايح فين يابن بطني ايييي مش قااادر خلاص وبعدين ما السنيوره لسا نازله اهي واخدها فييين بقا
احمد مسح على وشه بنرفزه..... تعبااااان ياامي لسا جاي من الشغل
ابتسملي الابتسامة بتاعته الي بتنسيني كل حاجه حرفيا حتى اسمي مش حزني بس.... مستنيكي متتاخريش عليا
شويه ولقيت سلفتي حنان لابسه نفس عبايه الاستقبال بتاعتي بس اللون مختلف مش اول مره الاقيها لابسه نفس لبسي بجد انا مش مأفوره بس بدات اضايق بس فوتت وهديت نفسي وعادي كل شويه تدخل تحطلي طبق مش نضيف وتقولي اغسلي واعملي وامسحي اتخنقت منها ورميت الفوط من ايدي وزعقت..... هو في اي هو انتي قاصداها بقا
في اي انتي كل شويه طبق ورا طبق ورا كبايه بشتغل عندك انا
لقيتها دفعتني بصباعها..... اعملي وانتي ساكته من غير صوت
رفعت حاجبي بعصبيه..... اي قله الادب بتاعتك دي
فجأه لقيتها وقعت نفسها وقعدت ټعيط جامد انا وقفت مصدومه مش عارفه مالها حماتي وحمايا دخلوا على الصوت
الدموع اتكونت في عيني انا بكره الظلم انا معملتلهاش حاجه ولا جيت جنبها اصلا وربنا انا مظلومه حقيقي مابحبش احس بدور الضحيه دا... اخلصي اتاسفي
مش متاسفه انا معملتلهاش حاجه دي كذابه وهي الي وقعت نفسها كمان وبعدين مهدوده اي دا انا قلبت المطبخ دا كان يقرف والمواعين كلها متكركبه فوق بعضها ومغسولين بميا بس والارضيه التراب تحت السجاد
انتي هتردي عليا كمان
ولا ارد عليكي ولا عليها ولولا انك قد والدتي كنت اتصرفت تصرف مش كويس وبالنسبه للقلم انا جوزي يجبلي حقي عن اذنك
ي احمد يااحمد انت فين
جرى عليا بلهفه وهو بيملس ع خدي الاحمر.... اي دا مين عمل فيكي كدا
حكتله الي حصل ولقيته اتعصب ونزل
..
دا حصل فعلا ياامي ضړبتي رنا
اي ياسيد الرجاله اي شحنتك بقوووولك ايييي البت دي تروح بيتهم ملهاش مكان في بيتي
يعني اي ياامي
يعني تمشي هو ايه الي يعنيي اييي... واذا كانت هتقعد يبقى تعتزر
لحنان وتبوس ايدي
وتطلب السماح
امي ايه الافوره دي هو اي الجو دا وبعدين انت من امته وانتي قاسيه كدا
عشان الي زي مراتك دا ميجيش غير بالعين الحمرا وانا عند كلمتي
رنا مش نازله تعتزر لحد ولا راحه في حته
صدقوا اما قال انك پتخاف منها.... جراااا اي ياواد انت الرجل يعني الي تقوله سمعا وطاعه ... اثبتلهم انك مش ضعيف ولا هي ولا عشره زيها تقدر تسيطر عليك ... اي عملاك خاتم في صابعها
كلامها عصبه اوي..... انا راجل ڠصبا عن عين التخين وهخليها تنزل تعتذرلك كمان
انت اټجننت يااحمد
فيها اي تعالي بس على نفسك المرادي عشان خاطري
احمد انا مغلطش عشان اعتذر
اي هطلعيني عيل يعني بعد ما قولتلها انك هتنزلي تعتذري
احمد انت حصلك اي اعتذر لييييه اصلا انا مغلطش بقولك هي مرات اخوك الي حاطه نقرها من نقري
وانا قولت هتنزلي تعتذزي يا رنا
وانا مش نازله يااحمد
هتنزلي والا هتروحي لاهلك مطلقه
بصتله پصدمه وانا حاسه بروحي بتتسحب مني ووو
2
هتنزلي والا هتروحي لاهلك مطلقه
بصتله پصدمه وانا حاسه بروحي بتتسحب مني.... حبيبي مالك اي حصلك كدا انا مراتك حبيبتك
ودي امي يارنا
رنا بدموع.... وانا مراتك
اخدت نفس وبدأت انضف الشقه وعملت الاكل كمان
ماما انا عملت الاكل اهو.. اي رأيك في الشقه حلوه غيرتلك النظام كله
اتكلمت ببرود قهرني.. مش بطاله.. السابت دا فيه الهدوم انشريهم والهدوم الي على الحبل اطويهم كويس وحطي لكل واحد هدومه في دلابه متتاخريش عشان تحطي الاكل وسابتني ومشت
وانا نازله على السلم وشايله سابت الهدوم متكعبلت في سلمه واخدت السلالم كلها على وشي.
لقيت سلفتي جايه.... الحقني اه يا حنان
قالت جمله واحده بس كسرت قلبي مليون حته.
صحيت لقيتني في المستشفى وجنبي جوزي.... اه شوفت يااحمد حصلي اي
لقيته عينه حمرا وبيهرب من نظراتي.... مالك ياحبيبي متخافش انا كويسه والله
وساكت والدموع في عنيه بتلمع
سمعت صوت حنان وهي بتقول وانا شايفه في عنيها بجد شماته مش طبيعيه.... خير ياحبيبتي بجد المهم انك بخير ربنا هيعوضك مټخافيش
بصيت لاحمد باستغراب مش فاهمه قصدها
حنان بشماته..... اه صحيح انتي كنتي حامل وسقطي
قلبي وقع في رجلي من صدمتي وحطيت ايدي تلقائي على بطني.... كذابه انتي كذااابه كذااااااااااابه اطلعيييييي براااااااااا براااااااااااا انتي واحده كذااااااااااااباااااااااااه والنبي قولوا غيري كدا قوووووولو انها كذااااابه... احمد حبيبي اكيد دا مقلب صح
بصلي والدموع بتلمع في عنيه.... اهدي يارنا... حبيبي المهم انك بخير
فضلت اصوت واشيل الاسلاك الي متوصله في ايدي...... هي السبب والله هما السبب هي لو كانت لحقتني بسرعه كانوا كانوا حتى لحقوه بس بس هي هي قالتلي ياعاميه كدا توسخي الهدوم ومهتمتش بيا وانا قدام عيونها بمۏت من الوقعه ...ابني ابني انا عايزه ابني هما السبب والله وامك وامك دي بردوا لو كانت عندها رحمه حتى كانت صعبت عليها من الصبح كل شويه اعملي وسوي
