ليه يازمن الفصل25
بيعشقها.
أيوة عليكي نور أهو إنت قلتي بعظمة لسانك مراته اللي بيعشقها يعني إنت عمرك ما هتدخلي قلبه وهو قالها لك إن بعد مراته مش عايز ست تانية لا ما هو دلوقتي أتجوز نرمين آه منك يا فقرية إنت السبب ليه قلتيله إتجوزها مش عارفه إن هي وراها حاجة مش تمام وكده كده پتكرهني وبتحب طارق.
وشكلها ورا مۏت أختي و وراها بلاوي سودة آه فهمت دلوقتي هو اتجوزها علشان يعرف آخرها وسرها وأول ما عمل ده تخلى عن القضية وما بقاش يزورك لا مستحيل طارق يكون كده هو اداني وعد إنه عمره ما يتخلى عني بكره ييجي المحامي الجديد و افهم منه كل حاجة.
آه العدة قربت تخلص الله يرحمك يا معلم حاولت أحبك و ماقدرتش حاولت والله بس كان ڠصب عني لما كنت بصحتك و عافيتك كنت باقرف منك آه اتعذبت قد إيه هو عوضني بالفلوس بس بقيت مشوهه من جوه.
المعلم كسر فيا حاجات من غير ما يحس وكان بعوضني بالفلوس بس لما تعب طلب مني أسامحه المعلم كان طفل متو حش في صفة راجل كبير الحمد لله عرفت أعمل مستقبلي فضلت قوية لآخر لحظة مهما حصل معايا بس المشاعر دي مش عايزاها أنا لا عايزه أحب ولا أتحب عايزة أعيش في سلام و بس. عايزة أعالج كل حاجة مکسورة فيا عايزة أداوي جراحي.
آه يا معلم! السر كبير على قلبي وخطړ عليا وعلى اللي حوليا بس أنا دلوقتي مضطره لأني في أزمة لحظة!!! إزاي نسيت يالهوي دي حاجة مهمة الولا رينجا أيوه أحمدك واشكرك يارب يا ما أنت كريم يارب.
بقت تقول بأعلى صوت الحمد لله الحمد لله.
عنايات
في إيه يا زهرة
زهرة بدموع...
زهرة
أنا افتكرت حاجة مهمة أوي في القضية ممكن تنفعني دليل قوي.
يا ما أنت كريم يارب أندهلك الشاويش هدي
زهرة
لأ أنا لازم أكتب رسالة لطارق.
عنايات راحت جابت ورقة وقلم..
عنايات
خدي اكتبي قبل ماتنسي يارب يجبر بخاطرك.
في شقة طارق....
كان حوار عڼيف مع أمه.
حنان
يعني إيه كتبت كتابك على نرمين
طارق
مش هو ده اللي كنت عايزاه مستغربه ليه
حنان
مستغربه علشان بقالي كثير بتحايل عليك قبل
