ليه يازمن الفصل25

ما تتجوز مسك الله يرحمها قلتلك خد نرمين قلتلي لاء أن بحب مسك وبعد مۏتها كلنا قلنالك اتجوز نرمين دي خالتك الله يرحمها كام مرة إستنجدت بيك وتقولك بنتي بضيع مني وهي بتحبك إتجوزها كنت بتقول لأ إشمعنى دلوقتي
طارق 
تصدقي إني ماكنتش ملاحظ إنك ماكنتيش عايزة مسك وعايزة نرمين علشان هي بنت أختك الحقيقية
حنان 
جاوب على سؤالي إتجوزت نرمين ليه 
طارق  
بنت خالتي بتحبني وبقت لوحدها فقلت اتجوزها وآخذ ثواب.
حنان  
كفاية أسلوبك ده معايا إنت اتغيرت عليا من ساعة ما ظهرت وش النحس زهرة واحنا في مصايب على آخر الزمن نترمي أنا وبنتك عند ناس مانعرفهمش علشان حاجة إحنا معملنهاش رجعوني بيتي زي الحرمية وجاي تقولي أتجوزت نرمين بقولك من هنا إوعى تكون اتجوزتها علشان ټنتقم منها أنا هاقف ليك دي بنت أختي مالهاش حد غيري.
طارق باستغراب... 
طارق 
أنتقم منها ليه مثلا
حنان حست إنها غلطت.. 
حنان  
الله أعلم بقى إوعى كده راسي ۏجعاني من كتر الكلام.
بعدت شوية وده خلى طارق يشك أكثر 
طارق 
هو أنت كنت بتحبي مسك
حنان 
إيه السؤال ده أكيد كنت بحبها وعمري ما فرقت بينها و بين نرمين وبعدين إنت اتجوزتها وجابت ليا حفيدتي يبقى بحبها.
طارق 
بصراحة مش باين وابتديت أفتكر كنت بتعامليها ازاي مرة مسك اشتكت ليا من معاملتك وانا اتخانقت معاها إنها عمرها ما تحكيلي اللي بيحصل بينكم كنت فاكرها مشاكل عادية كل حمى بتعملها بس لأ كان فيه حاجات بتحصل من ورا ظهري.
حنان  
حيلك حيلك هو أنت هتألف قصص ما تطلع من مرض مسك الي دخلت فيه مراتك ماټت الله يرحمها مش أول ولا آخر ست ټموت وتسيب جوزها إنت عشت الدور أوي ما كفاية بقى مش إنت أتجوزت نرمين ركز في مراتك دلوقتي و قولي هاتجيبها هنا إمتي
طارق زعل من كلام أمه أخد مفاتيح عربيته و موبايله وطلع حنان تنفست الصعداء و قعدت على أول كرسي.
جات عندها سيلا..
سيلا  
نانا نانا.
حنان 
في إيه إنت كمان 
سيلا 
هو بابي اتجوز طنط نرمين
حنان 
أيوه يا حبيبتي هايبقى ليك مامي.
سيلا بدموع 
بس أنا ما بحبش طنط نرمين أنا عايزة مامي زهرة.
حنان  
أهو كملت يا رب أعمل إيه 
سيلا  
إنت زعلانة مني ليه
حنان 
يا حبيبتي أنا مش زعلانة بس فهمتك كتير إن ماما عند ربنا وزهرة دي مش ماما وبعدين زهرة وحشه أوي وهي في السچن مش زي ما بيقول بابا إنها مسافرة لا يا حبيبتي هي مسجونة عارفه ليه
سيلا لاء! 
حنان 
علشان هي مچرمة زهره ممكن تقتلنا فالبوليس أخدها.
سيلا  
لا إنت بتكذبي مامي زهرة حلوة و طيبة وراحت تجري على أوضتها.
حنان 
يارب هو أنا ناقصة مصايب أكلم الزفتة دي أشوفها