رواية غزالة بفك الضبع بقلم زهرة الربيع

ان شاهر مخبي حاجه ولازم تعرفها
عند منزر راح عند سهام وهو مبسوط جدا ودخل على طول وكانت بتسقي ورود زرعاهم في البلكون واول ما سمعت صوت الباب دخلت الاوضه واتفاجأت بمنزر قالت بفرحه منزر وجريت عليه زي ما يكون
بقالها سنين مشافتوش
منزر بستنشق من عطرها الي بيعشقو وقال قلب منزر انتي
بعدت شويه وقالت باستغراب انت رجعت ليه وازاي حماتي عتقتك
منزر ضحك واترمي على السرير وقال براحه هيه بنفسها الي قالتلي اجي عندك ولحد
٣ ايام كمان وان شاء الله ممكن يبقو اكتر من كده
سهام بصتلو بدهشه وقالت ازاي ده حصل
عند حور كانت قاعده هيه ووليد بيفطرو مع راشد وهناء ونزلت منى بحزن وقعدت وهيه مضايقه جدا
راشد بصلها باهتمام وقال خير يا منى العروسه مالها
منى قالت بدموع اسكت متفكرنيش يا راشد العروسه طلعت جربانه
راشد قال بزهول طلعت ايه
منى قالت ببكا ايوه طلعت جربانه يا ميله بختي انا طلع عندها مرض جلدي الدكتوره عزلتها في الاوضه وقالت محدش يتعامل معاها
هناء قالت باستغراب ازاي بس دي كانت زي الفل في الفرح
منى قالت بحزن ما ده الي هيجنني المهم انا خليت منزر عند سهام وانتو اتعاملو معاها بحزر و
بس قطعت كلامها لما خدت بالها من وليد وحور وقالت بدهشه وانتو كمان ايه نزلكم من اوضتكم
حور قالت بسرعه وفيها ايه يا ماما حبينا نفطر معاكم
منى قالت بزعيق تفطرو معانا ازاي انتو عرسان انا مش فاهمه جرالكم ايه كلكم انا قولت للخدامه تطلع لكم الصباحيه و
بس وليد قال بابتسامه اهدي يا مني يا قمر انتي كل الحكايه حبيت انزل اقعد معاكم ونتعرف اكتر وكده مش اكتر
منى اتنهدت وقالت بحزن معلش يا بني اكيد ده بيتك وبراحتك انا بس حبيت اريحك متزعلش مني موضوع مرات منزر لخبطني
وليد قال بسرعه اكيد طبعا ربنا يشفيها يا رب ولا يهمك و
بس وليد قطع كلامو لما شاف شاهر نازل پغضب والدموع في عنيه
الكل ضحك بهزار وشاهر كان عداه ولسه هيخرج بس رجع وكان حرفيا على اخره وللاسف التوقيت الي اختاره وليد كان غلط جدا
شاهر وقف قصادو وشدو بقوه من قميصه وقفو وقال پغضب رهيب شوف اجل تفاهتك لوقت تاني لاني اقسم بالله السعادي ممكن اتسجن فيك عادي جدا
وليد ضم اديه پغضب وقال باستفزاز وبرأه مصتنعه مالك يا شاهر هو انا قولت حاجه غلط ولا انت غزال مزعلاك ولا حاجه
وهنا انتهت طاقه شاهر وضړبو بوكس قوي جدا وقعو على الارض واتقدم عليه عايز يكمل يضربو بس جريو عليه هناء وراشد ومسكوه بقوه وشاهر كان مش حاسس من كتر الڠضب وقال بزعيق وعصبيه انت مالك انت مالك بيها متنطقش اسمها سامع متنطقش اسمها هبتلي فيك وارتاح من برودك يا زفت سامع
كل ده وراشد وهناء ماسكينو بالعافيه ومنى كمان وكانو بيحاولو يهدوه وهما مستغربين جدا تصرفه بس هو مكانش سامعهم اصلا
ونزل منزر وسهام على صوته وغزال كمان كلهم نزلو جري
حتى نور جريت هتفتح باب الاوضه وافتكرت انها مش لازم تخرج علشان كلام الدكتوره ضړبت رجلها في الباب پغضب وقعدت على السرير وهيه ھتموت من الغيظ وبتفتكر وقت ما طلعت ورا منى وكانت عند اوضه منزر غزال كبت عليها من علبه في ايدها واتحججت انها متقصدش نور كانت متأكده ان العلبه دي فيها حاجه عملت فيها كده اتنهدت وعنيها بتطلع شرار وقالت استني عليا يا غزال دورك جاي انتي بذات ليكي فوقه وروقه
عند وليد قام بالعافيه وهو ماسك بقو بالم وشفتو كانت پتنزف وابتسم باستفزاز وبص لشاهر بهدوء وفاجأو لما ضړبو بوكس قوي هو كمان وهنا اشتبكو سوا وسط زهول الجميع الي كانو بيحاولو يفضو الاشتباك
منزر ادخل ومسك شاهر من وسطو بقوه بيمنعو وراشد مسك وليد الي كان بيبصلو بغل
شاهر كان بيحاول يزق منزر ويضربو تاني بس غزال اتدخلت ووقفت قدام شاهر وقالت شاهر كفايه خلاص ارجوك علشان خاطري
شاهر اول ما قالت كده وقف مكانو وحاول يهدى مع انو ھيموت من الڠضب
وليد كان هيتشل لما قالتلو كده وقلب الطاوله وقال پغضب وخبث انا عملت ايه لكل ده انا حتى مش فاهم وبص لراشد وقال عمي راشد انا وافقت اسكن معاكم هنا علشان ظرووف حور لاكن انا مستحيل اقبل اسكن في مكان كرامتي تتهان فيه وانا كفيل بمراتي واقدر اوفر لها عيشه كويسه انا هطلع الم شنطتي وبنتكم معاكم عايزه تيجي معايا تمام مش عايزه هيه حره وطلع پغضب على اوضتو
شاهر حاول يوقفو بس وليد طلع من غير ما يسمعو
منى بصت لشاهر بعتاب وقالت ليه كده بس يا شاهر يابني هو قال ايه لكل ده
شاهر كان ساكت پغضب بس راشد قال بعصبيه اقدر افهم ايه الي عملتو ده هو عملك ايه علشان ټضربو
شاهر لسه هيرد راشد قاطعو وقال انت عارف ظروف بنت عمك وقد ايه اتحايلنا عليه علشان
يفضل هنا وانت هتمشيه اسمع يا شاهر انا مش عايز اعرف سبب الجنان الي عملتو ده لاكن عايز اعرف قيمتي عندك لو ليا خاطر او بتعتبرني ابوك زي ما ديما بتقول مستحيل تخليه يمشي وتحطنا في الموقف ده
شاهر اتنهد وقال يا عمي انا اكيد مقصدتش كل ده يحصل و
بس قاطعو راشد وقال لو فعلا متقصدش كلمو واعتذرلو اطلع وراه وتخلهوش يمشي
بقلمي زهرة الربيع
راشد قال بس ده مش اي حد ده جوز بنتي وزعلو من زعلي وانا لولا اني شايف انك غلطان
كان يستحيل اطلب منك تعتذر انت ابني يا يا شاهر ولو بتعتبرني ابوك مش هتسمح لاختك تتبهدل بعيد عننا
كل ده وحور قاعده مكانها متحركتش قاعده بصمت غريب شاهر بصلها واتنهد
ورغم الڠضب الي جواه بس مقدرش يقول حاجه وطلع ورا وليد وهو مدمر ومش قادر يتخيل انو هيعتذرلو بس لازم يعمل كده علشان عمه وبنتو
عند وليد كان واقف بخبث جمب الشنطه الي جهزها وقفلهاومستني الباب يخبط وفعلا شاهر خبط على الباب بضيق
وليد فتح وابتسم باستفزاز وقال جيت بسرعه اسرع من ما اتخيلت
شاهر كتم ڠضبة بالعافيه وقال انا معنديش وقت فاضي زيك اضيعو في امور مش هتفدني
وليد ابتسم باستفزاز وقال معاك حق انا عندي وقت وكتير قوي وفاضيلك يا شاهر وهفضل وراك لحد ما اخسرك عيلتك كلها
شاهر ابتسم وقال انا لو عندي استعداد اخسر عيلتي كنت مستحيل اجي لواحد زيك واراضيه ودلوقتي اتفضل قول طلباتك علشان تفض اللعبه البايخه دي وتفضل هنا بس بسرعه زي ما قولتلك معنديش وقت
وليدي قال ببساطه اعتذر بس كده
شاهر قال بضيق شديد اسف
وليد ضحك وقال لا يا حلو مش هنا مينفعش تضربني في حاره وتصالحني في زقاق
شاهر قال پغضب قصدك ايه انجز
وليد قرب منو وقال باستفزاز شديد يعني تعتذر مني قدام عيلتك كلها واولهم غزالتي الي سابتني علشانك لازم تشوفك بتعتذرلي زي ما شافتك بتضربني وووووو 
الفصل الثاني عشر
تعتذرلي قدام الكل واولهم غزالتي الي سابتني علشانك لازم تشوفك بتعتذرلي زي ما شافتك بتضربني
شاهر الڠضب كان بيقطع في قلبو ولسه هيرد عليه افتكر كلام عمه عمه الي رباه من ۏفاة ابوه وعمره ما فرقه عن اولاده بصلو وقال پغضب مكبوت انا هعمل الي انت عايزه بس صدقني انت كل مالك وبتقضي على نفسك بالبطيئ لانك بتلعب مع الشخص الغلط يا باشمهندس
وليد ابتسم باستهزاء وقال وريني اخر ما عندك يا شاهر انا مبقاش عندي الي اخسره والبركه فيك
شاهر ضم اديه پغضب وقال من غير
ما يلتفت حصلني على تحت بسرعه مش هستنى اكتر من ٣ دقايق
شاهر قال كده ونزل پغضب رهيب ووليد خبط الباب بعصبيه ومسح على وشو پخنقه وقال مفيش فايده محدش فيهم هيتكلم 
شاهر نزل تحت وكانو مستنينو راشد قال بلهفه ها يابني اتصافيتو
شاهر قال بضيق لسه بس هنتصافا متقلقش
منزر قال ليه هو رفض يعني
شاهر شاف وليد نازل على السلم قال بسخريه لا مرفضش هو بس عايزني اعتذرلو قدامكم زي ما ضړبتو قدامكم
وليد وقف قصادو وقال ده الانصاف ياشاهر بيه
شاهر اتنهد پخنقه وقال طبعا وانا جاهز انا 
بس غزال قالت باندفاع وڠضب وتعتذر ليه اصلا انت ضړبتو وهو ضړبك خالصين كمان انت طلعت تصالحو ايه لزمه حركات العيال دي
بقلمي زهرة الربيع
سهام قربت منها وقالت بهمس ملناش دعوه يا غزال
بس غزال قالت پغضب استني يا سهام
شاهر بصلها بابتسامه مكانش متخيل انها تدافع عنو عكس وليد الي حرفيا اتكسر قلبو بصلها پغضب ودموعو بتلمع في عيونه وقال انتي شايفه كده يا مدام غزال تمام وانا معنديش كلام بعد كلامك وهفضل هنا ومش عايزو يعتزر يا بنت عمي
وليد قال كده پقهر من جواه وطلع على اوضتو پغضب
هناء بصت لحور باستغراب لانها كانت قاعده مكانها مش بتتحرك ولا بتقول رأيها ولا حتي متفاجأه من الي حصل قالت لها حور انتي كويسه
حور قالت بهدوء انا تمام تمام جدا
هناء قالت طب يا بنتي اطلعي ورا جوزك ده زعلان جدا اطلعي معايا اوصلك
حور قالت بنفس الهدوء انا بطلع لوحدي يا مرات عمي وقامت وطلعت ورا وليد بهدوء شديد
غزال شدت خصلات شعرها لورا بتوتر وقربت من راشد بحرج وقالت راشد بيه انا مقصدش انا كل قصدي 
بس راشد ابتسم وحط ايده هلى خدها وقال ولا بهمك انتي مقولتيش حاجه غلط
منى قالت بابتسامه وهو مش عيب كمان الواحده تدافع عن جوزها وطبيعي كمان تشوف الحق معاه حتى لو غلطان
غزال بصت لشاهر بتوتر وطلعت على اوضتها بشرود واستغراب من نفسها
شاهر كان بيبص لطيفها بابتسامه الاول حذرتو من العقرب الي كانت هتنهي حياته ودلوقتي دافعت عنو قدام الكل اكيد فيه امل تسامحه ابتسم وطلع وراها
عند نور كانت بتحط الادويه الي كتبتهم الدكتوره وهتطق من الغيظ وقالت هوريكي يا غزال والله لتشوفي الي عمرك ما شوفتيه و
بس قطعت كلامها على صوت التليفون وقالت الو
المجهول قال ايه الاخبار اجهز للعزا
نور قالت بضيق لسه عايش 
المجهول قال پغضب ايه ازاي دي العقرب دي تقضي عليه في خمس ثواني
نورقالت مش عارفه
نجي منها ازاي انا حطتها على القميص بتاعو وشوفتو هو ونازل كان لا بس قميص غيره بس ماشي ولا فيه اي حاجه ممكن يكون شافها وخلص منها وممكن 
المجهول قال انا قولتلك دي خطه فاشله وفي طرق اسهل بكتير
نور قالت تمام هجرب حاجه اخيره ولو فشلت اعمل الي تعمله
عند غزال طلعت اوضتها وهيه هتتجنن من نفسها قالت كانها بتتكلم مع شخص انتي هببتي ايه يعني من شويه تنقذيه ودلوقتي تدافعي عنو 
وهنا شاهر فتح الباب