روايه ابني ليل الكاتبه اميره اسامه
زكريا وهي بتقسم من جواها انها هتفقد وعيها وهي شايفه كل الناس دي باصه عليها بصت علي كرم
كان واقف باصص عليها عينه كلها بتلمع من الدموع كانت مړعوبه عليه وخاېفه بجد فرحته تأثر عليه
كل ما كانت تنزل خطوه نبيله ونجوي يكبروا ويسموا من خوفهم عليها وعلي شكلها اللي يحبس الانفاس
مها ودعاء واقفين دموعهم نازله ومبتسمين بسعاده متتوصفش
نزل زكريا بدره اول جزء من الدرج وبعدين وقف واتفضل حوالي عشر درجات كمان
فضل كرم يقرب بهدوء عشان بطلع ياخدها عينه مكانتش راضيه تنزل من عليها زكريا باصص عليه ومبتسم وعارف انه مش معاه نهائي
قبل اخر درجتين حاول كرم يتماسك نفسه وبص لزكريا وهو مبتسم مش مصدق نفسه دموعه مستنيه اللحظه اللي يرمش فيها عشان يتفك أثرها وبمجرد ما وقف قدام زكريا ورمش نزلت دمعه سريعه علي خده سحره زكريا علي طول لصدره وفضل يطبطب علي ضهره بقوه وحب
رفع زكريا وش كرم بايده و بصله بحب
زكريا مش هنقولك خد بالك منها عشان اللي شايفه في عينك اكبر بكتير من لني نوصيك عليها
بص لدره ومسك ايدها قربها وخلاها واقفه في وش كرم
زكريا بس هنوصيها هي عليك وهنقولها تحطك في عينها وفي قلبها بعد ابوكي يا دره مش هتلاقي سند يشيلك جوه قلبه زي كرم حافظي عليه و عوضيه وعايز ديما اشوف السعاده جوه عينه
بص كرم لدره ابتسم ومال براسه بهدوء وهو عينه في عينها
ضحكت دره ضحكه هاديه وبصتله وهي في دموع في عينها
دره خد
بالك الميكب لو باظ مش هيهمني الخلق دي كلها وهنسمعك ربع يا ابن الرفاعي
اسمى يفرق فى ايه وياكى انا حد عاشق ولقاكى
انااااا إنسان
عمرى لو الف عام
انا عندى لعنيكى كلام محدش غيرى فى الدنيا يقولو فى يوم من الايام ليكى او لناس تانية
ولو كل الكلام اتقال عنيكى فى غربتى موال هخلق منه معنى جديد معنى فاق كل الخيال
انا زادى فى هواكى الشوق وزوادى وانا المعشوق
انتى الشمس مهما تغيب تانى تنورى دنيا
وهحكى لكل خلق الله
عن سيرة هواا عاشق
انتى
انتى موجه عالية جداا وبرغم انى فى السباحة مش غشيم بس بأرادتى ڠرقت فيها
انتى
انتى زى الارض تمام وانا منك
شيلانى وانا عايش
منك وليكى بعود
منك وليكى بعود
دموع ومشاعر جميله وفرحه متتوصفش دقت قلب الجميع
انتهوا من رقصتهم وبدأوا يكتبوا الكتاب قعد كرم وحط ايده في ايد زكريا ودره كانت قاعده جنب كرم وايده قابضه علي ايدها بقوه
والبنات واقفين وراهم كلهم
وبدأ زكريا يقول وراء المأذون وكرم يرد عليه ويقول معاه
لحد ما انتهي كتب الكتاب وسحب هيما المنديل بفرحه ومهتمش كرم بأي حاجه بعد اخر جمله نطقها المأذون قام وقف وسحب دره لصدره وسط الكل
ضمھا بكل قوته اخيرا اتكتبت علي اسمه حلم طويل اتحقق بعد تعب وۏجع وسنين وغربه
رجعوا تاني لرقصهم وفرحتهم الحقيقيه الكل كان مبسوط طول الفرح كرم مش سايب كف دره لحظه
البنات والشباب مبسوطين مع بعض سونه وعمرو والولاد بيرقصوا بسعاده مع بعض
نجوي ونبيله مقعدوش لحظه من فرحتهم دعاء ومها رايحين جايين وراء دره يظبطوا في الفستان وشويه ويرقصوها ويرقصوا معاها
بكر صوته راح من التعب والرقص والفرحه مع الشباب والبنات كان عامل زي الشاب الصغير اللي فرحان وطاير من السعاده وكأن الفرحه دي تخصه عبدالله مكانش قاعد ورايح جاي يشوف الناس وطلباتهم
الفرحه كانت كبيره بجد وبعد وقت طويل انتهي الفرح وبدأوا يخرجوا من القاعه بعد ما أتزفوا
قرب كرم من بكر وعبدالله بهدوء
كرم بنقول ايه
عبدالله ايه يا كرم قولي
كرم انت ا عارفين اني هنروح الشقه التانيه بس طبعا احنا طالع ورانا خلق كتير مش عايز حد يعرف مكانها فا همتكم معايا عايز نتوه منكم وسط الزحمه مش عارف هتعملوها ازاي بس حاولوا
عبدالله اطمن سيبها علينا دي
بكر هو انت مش هتروح المنطقه هناك الاول
كرم اه هنروح بس لو جيت طلعت تاني هيطلعوا ورايا واما مش عايز حد يجي عالشقه هناك
بكر طيب سيبها دي علينا بعد ما نخلص في المنطقه هنخليك تخلع بهدوء انت خد دره وامشوا
عبدالله وكده كده انتوا مش محتاجين لينا في اي حاجه دعاء ومها نزلوا قبل ما نروح الفندق الصبح ودولكم العشاء وظبطوا كل حاجه في التلاجه يعني مهمتنا خلصت
كرم طيب حلو اوي يعني مش ناقص غير اني نخلع منهم
بكر سببها علينا ويلا بقي عشان منتأخروش لسه هنروح نلقوا شويه في المنطقه
كرم يلا بينا
ركب كرم دره والبنات ظبطولها الفستان وبعد كده راح ركب وكل واحد فيهم ركب العربيه بتاعته خد هيما دارين ودانه ركبت مع محمد وديما ركبت مع احمد وحسن وسماح لوحدهم والباقي ركبوا مع عبدالله وهيما ووراهم شباب كتير من اهل المنطقه واصحاب الشباب وطلعوا وراء بعض كلهم عملوا احلي زفه عالطريق وعلي الكورنيش
دره كرم براحه بلاش جنان متعملش زيهم
كرم بإبتسامه غمزلها جمدي قلبك يا بت
دره بضحك انا قلبي هيقف من عمايلك انت وهما والله
كرم بضحك مټخافيش امسكي روحك
دره براااااحه يا مجنوووووون
وصلوا اخيرا علي الشارع بتاعهم واللي عملوا هناك كان جنان بجد كانوا بيلفوا الشوارع بسرعه ويدخلوا من شارع لشارع ويرجعوا لشارعهم كأنهم في مطارده صواريخ بتفرقع و زغاريط واغاني عاليه من العربيات الشارع كله صاحي وبيتفرج اللي راح واللي مرحش واللي وصل قبلهم بشويه وكأنهم في عز الضهر من اللي عملوا
اتصل بكر علي كرم
كرم ايوه يا بكر
بكر بضحك بنقولك ايه انا وراك ادخل الشارع اللي جاي يمين واطلع عالشارع وطير اخلع يا
صاحبي دي فرصتك
كرم بضحك طيب بنقولك ايه عرف امي والجماعه بقي
بكر متقلقش هنعرفهم اخلع بقي يلا ادخل
دخل كرم وهو بيكلمه وقف بكر ثواني اطمن ان اخر عربيه وراه جايه كانت بتاعت حسن
بكر ايه خلعت
كرم انا عالشارع حد شافني
بكر بضحك لا تمت المهمه بنجاح يا صاحبي
كرم حبيبي يا بكر مش عارف نقولك ايه
بكر قول للي جنبك يا اخويا هتقولي انا ايه يلا اتبسط وليلتك جميله
كرم حبيبي يا صاحبي منتحرمش منك
بكر ولا منك يا غالي طمني بس عليك لما توصل وبعدها انا عارف انك مش هتعرفني
كرم بضحك مش محتاجه
سؤال انا مش عايز اشوف وشكم شهر شهرين وانتوا وذوقكم بقي
بكر بضحك اه يا ناقص
كرم بحب لما نوصل هنعرفك
بكر ماشي يا حبيبي
كرم سلام يا صاحبي
بكر سلام يا صاحبي
بص لمها وهو بيضحك شايفه الواطي بعد ما هربته باعني ومش عايز يشوف وشنا تاني
مها بضحك سيبه ده ما صدق إلهي يسعد قلبك يا كرم يا ابن ابويا وامي انت ودره واشوفكم اسعد خلق الله
بكر يارب اللهم امين يلا بقي نروح علي الشارع ونخلص الليله دي
مها يلا
وصل كرم بعد شويه تحت البيت
دره كان باين عليها الارهاق ماسكه في ايده وسانده راسها علي الكرسي ركن العربيه وبصلها بحب
كرم ايه يا حبيبي نمتي
دره بإبتسامه لا صاحيه يا روحي بس رجلي ۏجعاني اوي من الكعب ده
كرم بضحك طبعا ما الشبر ونص واخده علي الكوتشي
دره بضحك اخرس انا بلبس كعب علي طول بس تعبت من الرقص والوقفه
كرم بتقوليلي اخرس ماشي يلا زودي رصيدك معايا
دره انت مصدقت خلاص بنسحب الكلمه
كرم لا مفيش سحب هي طلعت خلاص وانا مصدقت اه بنقولك ايه تعالي نشيلك
دره بضحك ما هو ده اللي ناقص تبقي كملت فرح وفستان وكمان تشيلني قدام الامن انزل يا كرم انزل ربنا يهديك
كرم بضحك طب يلا يا قلبي
نزل كرم وفتحلها الباب مسك ايدها ونزل فستانها وبعدين قفل العربيه وراح بيها علي المدخل بتاع البرج الامن رحبوا بيه وباركوله وقف دره عند الاسانسير ورجعلهم تاني اداهم فلوس للتلاته اللي كانوا واقفين
شكروا وباركواه تاني وبعدين راح علي دره ركب الاسانسير معاها
كرم بغمزه ايه اشيلك بقي
دره بضحك لا شكرا
كرم متقلقيش لسه في مجهود مټخافيش عليا يعني
دره اتلم يا كرم
كرم ماشي يا ستي هنتلم
وقف الاسانسير قدام الدور بتاعه فتح الباب ونزلها وراح قدام الشقه طلع المفاتيح حطها في الكالون فتح وشال المفاتيح تاني في جيبه ومن غير أي إنذار شال دره بين ايديه
دره بضحك بتعمل ايه يا مجنوووون
كرم ايه باخد حقي في تحقيق حلمي لاخر لحظه
دخل كرم وهي بين ايده وقفل الباب برجله وبعدين نزلها بهدوء وسابها وراح فتح انوار البيت كله وقفت دره مصدومه من شكل البيت
دره ايه ده
كرم ايه رأيك
دره حلو اوي بجد يا كرم هو كان يجنن والوقت بقي فظيع اكتر انت لحقت تعمل كل ده امته
كرم مش سهل انا بردوا المهم انه عجبك
دره عجبني بس ده يجنن والله
كرم طب مش تتفرجي الاول علي باقي الشقه وتحكمي
دره باينه من غير ما اتفرج بس اكيد هشوفها يلا تعالي فرجني
كرم تعالي يا قلبي
مسكها من ابدها وفضل بمشي فيها في كل ركن في الشقه الشقه كانت دور كامل كانت عامله زي الڤيلا و عامله زي المتاهه من كبرها
دره ايه ده انا اصلا اول مره اشوف الشقه كلها لما جيت معاك اول مره كنا بره بس انت ازاي بجد لحقت تخلص كل المساحه دي
كرم مكناش بنوقف شغل ليل ونهار يا قلبي كنت بسابق الزمن بين الشقه دي والشقه التانيه بس صراحه كان كل تركيزي علي دي
دره بجد تسلم ايدك حلوه اوي
كرم بغمزه طب ايه اتفرجنا واتبسطنا ايه بقي
دره بإحراج ابتسمت ايه عايز ايه
كرم يعني نغير ناخد شاور ناكل نصلي اسلكي يا اوزعه
ضحكت دره وضړبته علي كتفه انا بردوا اللي نسلك ماشي
كرم تعالي بقي افرجك علي اخر حاجه اوضتنا
مسكها من ايدها وراحوا مع بعض علي الاوضه كانت جاهزه زي غرف الفنادق وشكلها يجنن بجد وكانت واقفه مبهوره بشكلها
كرم عجبتك
دره تجنن والله يا كرم حلوه اوي
كرم وانتي احلي حاجه فيها يا بنت قلبي ممكن بقي يلا نغير وناخد شاور وو
دره بضحك اطلع بره يا كرم عشان اخد شاور
كرم بتطرديني
دره اه عاجبك ولا لأ
كرم مش عاجبني وبنقولك ايه انتي انهارده معايا وخلاص مش هنسيبك
