روايه ابني ليل الكاتبه اميره اسامه

ده جه علي ايد مامي والڼار حرقتها
دارين هما كانوا اتنين راكبين موتسيكل حدفوا الازايز وركبوا بسرعه
بكر بس اكيد ممكن تفتكروا شكلهم شويه
دارين كانوا لابسين كاب أسود الاتنين وحاجه زي الشال ملفوف علي وشهم
رفاعي يا ابني هو اللي بيعمل مصېبه بيفضح روحه ما اكيد هيخبوا وشهم
زكريا انا بنقول نعملوا محضر يا عبدالله يا ابني

عبدالله نعملوا بس هنقولوا ايه أحنا منعرفوش اللي عملها لا شكل ولا اسم ولا حتي تبع مين نستنوا يمكن الشباب يقدروا يوصلوا حتي لرقم الموتسيكل
رفاعي حتي لو الشباب موصلوش لحاجه يا عبدالله اهو تبقي عملت اللي عليك وتسيب الباقي للحكومه هما اكيد هيتصرفوا
دره ودعاء كانوا سامعينهم بيتكلموا وكل واحده فيهم في وادي و شارده
وخاصتا دره من اول ما حصل الحريق وهي عندها صډمه مش قادره تستوعب ان اللي بتفكر فيه ممكن يطلع صح 
شردت في كلام حسن معاها بعد ما رجع من عند كرم ومها
حسن دره صحيح مها بتبلغك رساله بتقولك انها هتولع فيكي انتي والبنات قريب وخلي بالك منها 
بصت دره علي مها وهزت راسها بنفي وعدم تصديق
وبسرعه افتكرت كلام سونه
سونه انت بتتعصب عليا عشان دي يا كرم عشان واحده بياعه ومعندهاش اصل ضحكت علي قلبك بكلمتين أوعي تفكر انها بتحبك أنت بس

حليت في عينها لما جوزها رماها هي وبناتها بس لا يا كرم ده انا نولعلك فيها هي وبنااااتها
بصت دره علي سونه وهي مش مستوعبه ان ممكن سونه تعمل كده فعلا وبسرعه سرحت في كلام كرم
كرم اللي حصل ده كان جزء بسيط من اللي ممكن نعمله فيكي تاني لو فكرتي تلعبي معايا او تدوسيلي علي طرف مفهوم المره الجايه يا دره لا هيبقي فيها فار ولا بحر أحنا هنولعوا فيكي انتي وبناتك ونرتاح منك خالص
بصت دره علي كرم كان باصصلها ومركز معاها لكن ميعرفش ايه اللي بيدور جوه عقلها دره كانت قاعده تبص لمها وكرم وسونه وكلامهم بيرن في ودنها التلاته ههدوها نفس الټهديد انهم يولعوا فيها وفي بناتها وفعلا كانوا هيموتوا كانت حاسه انها هتتجنن معقول يكونوا نفذوا تهديدهم معقول حد فيهم عملها ولا ده كان اتفاق بينهم معقول يكون اتفاق بين مها وسونه ولا اتفاق بين مها وكرم ولا التلاته اتفقوا عليها معقول تكون وجعتهم لدرجه انهم يولعوا فيها هي وبناتها قلبها كان رافض الفكره وعقلها مش ساكت قاعد يعيد ويزيد في كلامهم ويردده جواها 
اما دعاء فا وضعها مكانش يختلف كتير عن دره وهي كمان كانت شاكه في حد
سرحت دعاء وافتكرت كلام البنات مع نبيله
نبيله والله علي قد فهمي انا شايفه ان لازم يحصل حاجه قويه تهزهم وتخليهم ينسوا كل حاجه ويجروا علي بعض من غير ما يفكروا
دارين حاجه زي ايه تقصدي موقف مش حلو لحد فيهم
دعاء لا بعد الشړ ربنا يستر عليهم كلهم
نبيله مش شرط حاجه وحشه بس حاجه زي ما قولت تهزهم حاجه مشتركه تخليهم ينسوا كل اللي بينهم ويرجعوا تاني يحطوا ايدهم في ايد بعض هو انا فعلا منتمناش ان حاجه وحشه تحصل لحد فيهم بس بردوا لو حصل اي موقف صعب لحد فيهم انا واثقه ان التاني هيجري عليه بقلبه من غير ما يتردد
بصت دعاء لنبيله وهي بتردد جواها
دعاء معقول يا أما ممكن تكوني انتي اللي عملتيها معقول تعرضي بنتك وبناتها للخطړ والمۏت عشان بس العيليتن يرجعوا زي الاول مستحيل
بكر انا شايف يا عبدالله المعلم بيتكلم صح تعالي ننزلوا ونروحوا نعملوا محضر باللي حصل بردوا ده شغل الحكومه 
سونه انا من رأيي بلاش پهدلة أقسام ومحاضر طول ما مفيش دليل في أيدك هتضيع وقت والحكومه بالها طويل
رفعت دره بسرعه وشها لسونه
مها انا كمان رأيي من رأي سونه محاضر أقسام يعني دره والبنات هيتبهدلوا والبنات ملهمش في الجو ده
بصت دره علي مها 
كانت حاسه ان دماغها ھتنفجر 
زكريا رأيك ايه يا دره يا بنتي من وقعت ما طلعنا وانتي منطقتيش قولي اي حاجه قولي لو شوفتي اللي عملها او خدتي بالك من اي حاجه
عبدالله تحبي نعملوا محضر يا دره عشان نبقي مطمنين
دره بلعت ريقها بۏجع وقامت وقفت وبصتلهم لو علي اني شوفت اللي عملها ولا لأ فا البنات قالوا يا بابا اننا
مشوفناش حد فيهم وأتلهينا في اللي حصل بس لو بتسألني عن رأيي فا انا مليش اي رأي 
بصوا لبعض كلهم وقرب منها عبدالله
عبدالله ملكيش رأي ده ايه يا دره انتي وبناتك كنتوا هتتأذوا لو حابه نعملوا محضر انا معاكي ونطلعوا علي القسم الوقت لو خاېفه علي پهدلة البنات في القسم لو أتحقق معاهم يبقي بلاها ونتصرفوا احنا بنفسنا
زكريا اللي هتقولي عليه هيمشي يا بنتي
دره عايزني نروحوا نقول ايه يا بابا
زكريا اللي حصل اللي تعرفيه وشوفتيه
دره لو علي اللي نعرفه كلامي مش هيعجب الكل ولو علي اللي ممكن نقوله يبقي انا كده بنخرب الدنيا اكتر ما هي خربانه سكتت دره شويه وحطت ايدها علي بوئها تمنع صوت عياطها وبسرعه فضلت دموعها تجري ورجعت بصت عليهم تاني وهي مڼهاره في الوقت ده الشباب كانوا طلعوا ووقفوا علي الباب وهما شايفين دره مڼهاره 
عبدالله تعرفي ايه يا دره مش فاهم
دره انا اللي فهماه الوقت يا عبدالله هو حل واحد هيريحني ويريح الكل والاهم اني هقدر اخلي بناتي في امان وهو اني نمشي من هنا انا وهما
زكريا كلام ايه ده يا بنتي قولي يا دره في ايه انا مش فاهم
رفاعي انتي عارفه اللي عملها يا دره يا بنتي
دره يمكن اكون عارفه بس مش متأكده مين بالظبط اللي عملها عارف ليه عمي
بصلها رفاعي بأستفسار
دره عشان من يوم ما جيت علي مصر وانا بيحصل معايا حجات غريبه كان لازم اعرف من الاول واقدر حجم اللي انا داخله عليه يمكن مكنتش مقدره ده اوي يمكن كنت فاكره ان الڠضب اللي جوه كل واحد فيكم هيختفي شويه بشويه لما الكل يعرف اني رجعت ومس ناويه تمشي تاني
عبدالله انتي بتقولي ايه يا دره
دره بنقول اللي لازم نقوله يا عبدالله من وقت ما جيت وكل واحد فيكم بيحاول يمشيني بطريقته انت وامي وابويا كنتوا اول حد مش متقبل وجودي بس قولت شويه شويه هتسامحوني عشان الډم عمره ما يبقي مايه وحصل يا عبدالله اول واحد حسيت منه ان رغم غضبه مني لكن مبسوط بوجودي هو ابويا وانت يا عبدالله كنت تاني حد يفتحلي دراعه وياخدني في وانهارده بس حسيت ده من امي لما خدتني الوقت في وده كان اول ليا منها بعد عشرررررين سنه
بصتلها نبيله بۏجع 
دره انتوا قدرتوا تسامحوني يا عبدالله بس في غيركم ما قدرش عايزني بقي يا عبدالله نروحوا نقول انا شاكه في مين 
عندكم مثلا مها بعتتلي مع حسن رساله وقالتله قول لعمتك اني هنولعوا فيها هي وبناتها قريب وخليها تخلي بالها كويس صح يا مها
مها پصدمه وۏجع نزلت دموعها وانتي متخيله يا دره ان انا ممكن نعملوها متخيله ان انا ممكن نقدر نتحمل عليكي الهوا يابت ده انا لما سمعت الصوت جاي من بيتكم جريت زي المجنونه جريت بلبس البيت يا دره
انتي ممكن تكوني مصدقه كلمتين خايبين قولتهم بهزار ده انا طول عمري بنعمل فيكي مقالب واكتر حاجه عملناها فيكي وكانت ممكن تأذيكي اني ندخل نصحيكي ونرشوا عليكي شويه مايه
متخيله ان عشان اي حاجه في الدنيا ممكن اتمنالك الاذي ومش بس اتمناه كمان اعمله بايدي فيكي انتي يا دره
دره بدموع مش متخيله يا مها ولا نحبوا نتخيل حاجه زي دي بس لو مش مها هنروحوا نقول مين سونه بنت حتتي اللي عمري ما اذيتها في يوم هي اللي أذتني انا وبناتي
سونه بصتلها پصدمه انا يا دره
دره قولتيها اول امبارح بلسانك يا سونه لما قابلتيني انك هتولعي فيا انا وبناتي
مرضيتش دره تقول قدامهم علي التفاصيل عشان متطلعش سونه شكلها وحش
قدام بنتها انها بتتخانق معاها علي كرم ولا حبت تقول ان كرم خدها وردلها المقلب
سونه اه قولت يا دره بس زي ما مها قالت ذله لسان انا طول اليوم بنتعارك مع سماح بنتي ونقولها هنولع فيكي ھنموت بأيدي تفتكري انا ممكن نأذي بنتي ده كلام يا دره طالع وقت ڠضب
دره وليه اخده منك علي انه كلام لما اللي حصلي انا وبناتي كان نفس اللي هددتيني بيه
سونه بۏجع ودموع عشان تغور اي حاجه في الدنيا يا دره ولا اني أضيع شبابك تغور اي حاجه في الدنيا ولا اني أذي بنات زي الورد من سن
بنتي انتي شكلك متعرفنيش بجد يا دره
انا بنطلع وننزل علي مفيش انا لسان علي الفاضي لكن عمري ما أذيت ولا هنأذي أي حد يا دره والاهم واللي لازم تعرفيه انا مبنكرهكيش يا دره ولا عمري كرهتك يمكن انا و انتي ودعاء ومها نفس السن ويمكن مكنتوش صحابي اوي يابت ده انا طول عمري كان نفسي نبقي الرابعه بتاعتكم طول عمري كنت بحلم ابقي في وسطكم عشان انا لا ليا اخ ولا اخت ولا حد يسأل فيا طول عمري بنجر في شكلكم عشان نتصاحبوا بس عمر جر شكلي ليكم ما كان أذيه يا دره
دره بۏجع بصت لكرم ماهو لو مش مها وسونه يبقي مفيش غيرك ياكرم
عبدالله دررررره انتي بتقولي ايه انتي مش في وعيك
دره بالعكس انا في وعيي يا اخويا وبنتمني الوقت حالا اني نفقد الوعي خالص عشان نبطلوا نفكروا في حجات منحبش نصدقها
رفاعي كرم يا بنتي عمره ما يعملها انتي تايهه عن كرم يا دره ولا السنين اللي عشتيها بعيد عننا نستك
دره لا يا عمي السنين عمرها ما نستني وانا لا تايه عن كرم ولا مها ولا حتي سونه بس زي ما هما قالوها كرم كمان قالها صح يا كرم مش قولتلي اعملي حسابك ان المقالب الفتره الجايه هتبقي مختلفه وهددتني ان لو دوستلك علي طرف هتولع فيا وفي بناتي
بصلها كرم بنظره هاديه وفضل ساكت
الكل كان مستنيه يتكلم ويدافع عنه زي ما مها وسونه دافعوا عن نفسهم لكن هو فضل ساكت
نجوي رد عليها يا ابني قولها انك عمرك ما تعملها 
كرم بص لامه بهدوء عيزاني نبررلها يا امي ولا انتي اللي مصدقه وعيزاني نثبتلك العكس
نجوي لا يا ابني انا مش مصدقه انك تعملها لا انت ولا اختك ولا حتي سونه
عبدالله كفايه يا دره كفايه
دره كفايه ليه يا اخويا مش انت او اللي سالتوا عن رأيي وانتوا بردوا اللي بتطلبوا مني لو نعرف حاجه نروح