روايه ابني ليل الكاتبه اميره اسامه

نقولها في المحضر
كرم بثبات و مستنيه ايه يا دره يلا روحي وانا هنيجي معاكي ولو عندك شك واحد في المليون ان انا ممكن نكون وراها قولي ده في المحضر وليكي عليا هنأكد علي كلامك ونقول ان انا اللي عملتها 
بصتله دره وهي دموعها نازله وفضلت ساكته
كرم واقفه ليه يلاااااا لو شاكه في حد فيا متسبيش حقك وحق بناتك
عبدالله انت هتعوم علي عومها انت كمان هي مش عارفه بتقول ايه يا جدع كل واحد فيكم رمي في وشها كلمتين ولما اللي حصل حصل طبيعي هتفكر في الموضوع

كرم فكرت يعني شكت وادام شكت يا عبدالله يبقي تنزل الوقت وتقول ان كرم الرفاعي هو اللي عملها
عبدالله وانا بنقولك اسكتتت وانتي يا دره لازم تعرفي حاجه كويس اوي اللي بينك وبين مها وسونه كلام نسوان ميتاخدتش بيه والاتنين دول ميعملوهاش وانتي اكيد فاهمه حاجه زي دي وبالنسبه لكرم مستحيل لو انا عملتها كرم ميعملهاش عارفه ليه يا دره
بصتله دره وهي دموعها نازله
عبدالله قبل ما توصلي علي مصر بكام يوم اللي حصلك انتي وبناتك حصل لكرم لوحده الدكان اللي كان بيفتحوا انهارده كان بينا وبين بعض في مزاد والمزاد رسي علي كرم وبليل كرم كان في المحل بطوله اتنين رموا عليه ازايز مولتوف وقفلوا عليه باب المحل بليل ولولا وقوف سونه في البلكونه مكانش حد دري بيه ولا لاحقه ويومها الشرطه جات وخدوا اقوال كرم وفي ناس حبوا يوقعونا في بعض وقالوا ان عبدالله الجمال اللي عملها عشان خد منه الدكان
كرم يومها نفي كل ده وقال مستحيل

عبدالله يعملها مع ان انا قبل المزاد يا دره وقفت قصاد كرم وقولتله انه مش هياخد مني الدكان ولو خده هنولعوا فيه ومش هنهيه عليه
تفتكري يا دره كرم لو مكانش واثق فيا وعارف ان الكلمتين اللي قولتهم دول كلمتين خايبين عشان نجروا شكلو بيهم كان زماني فين الوقت
زكريا مش هما يا بنتي وعبدالله معاه حق اللي عملها فيكي هو نفسه اللي عملها في كرم وفيكي ده لازم تفهميها كويس لا انتي ولا بناتك المقصودين 
اللي مقصود احنا عيله الجمال وعيله الرفاعي
دره حتي لو اللي بتقوله ده صح خليني ابعد انا والبنات خليني منبقاش مصدر لاي مشاكل او ضيق لاي حد هنا
رفاعي محدش يابنتي مضايق من
وجودك انتي هنا في بيت ابوكي وسط اهلك وناسك وصدقيني يا دره لو مها ولا كرم عندي شك واحد في الميه ان هما اللي وراها واللي خلقني وخلقك كنا هنجيب رقبتهم تحت رجلكم بس مش هما يابنتي صدقيني وبما اننا كلنا متجمعين هنا وبعد اللي حصل ده في كلمتين مهمين لازم الكل يسمعهم كويس اوي
كفاااااايه كفايه كل اللي حصل بينا ده وجه الوقت نوقفوا الحړب اللي بينا اللي حصل مع كرم واللي حصل مع دره وبناتها كان مقصود في حد بيحاول يبوظ كل حاجه بيننا في حد بيحاول يوقعنا في بعض اكتر ومش بعيد يكون مراقب كمان كل اللي بيتقال بينا وبين بعض وبيستغله لمصلحته عشان يعرف يلعب كويس طول ما الكل عارف ان العداوه اللي بينا موجوده اللي بيلعب معانا مش هيوقف لعب لازم نوقف والكل يعرف اننا رجعنا زي الفل كفايه بقي بقالنا سنين كل واحد مستني التاني ياخد الخطوه لو الخطوه دي فيها حمايه ليكم وحمايه للعشره اللي كانت بينا يبقي انا بنقولها قدام الكل وبنبدأ بالسلام وبنمدوا ايدي ليك يا زكريا مش عيب ولا غلط ولا حاجه تقل مني لو الاذي يا زكريا هيطول عيالنا ويوقعهم في بعض يبقي تغور الكرامه والكبر وتغور الخطوه اللي مش قادره تيجي لوحدها 
وحاجه كمان اللي حصل ده علي مدار السنين حصل اكتر منه لو تفتكر يا زكريا في مره عبدالله وبكر اتعاركوا مع بعض وبعدها فرامل العربيه بتاعت بكر اتفكت وانتشر في الشارع كلام ان عبدالله اللي وراها ومره تانيه حسن كان لسه عيل خبطته عربيه ورجله اتكسرت واتقال بردوا ان اللي عملها كرم ومره تالته المواشي في المزرعه تلت ارباعها ماټ وقالوا ان زكريا الجمال رش في الاكل سم عشان يخسر رفاعي يعني اللي حصل ده بيحصل معانا من زمان ويمكن مكانش حد فينا واخد باله انها لعبه بتتلعب علينا بس شهاده حق لا عمري شكيت في زكريا ولا زكريا شك فيا ومش بنقولك كده يا دره عشان انتي شكيتي ده حقك يا بنتي انا بوم ما حد يجي علي ولادي افرمه بسناني
وانتي حقك تفرمي اي حد يجي علي بناتك انا عاذرك التلاته هددوكي نفس الټهديد وبعدها اللي هددوكي بيه حصل بس انا بنقولهالك يا بنتي مش هما الاتنين دول لسان علي الفاضي وبنقولها قدامهم مها بنتي وشهادتي فيها مچروحه طول عمرها مدب بس مفيش اطيب ولا احن منها سونه غلبانه وهي كمان لسان ماشي علي الارض متقدرش فرخه وقلبها ابيض اما كرم اوعي تفكري اني كبرت وبقيت راجل خرفان ومش داري باللي حواليا ومش عارف ولا سامع بالمقالب اللي بتعملوها في بعض هو يروح يقول للبياعين ميدوكيش طلباتك ويديهم في المقابل اضعاف اللي هتاخديه وانتي ترديها لما تعرفي بلعبته وتطلبي اكتر وهو يجيب عالبيت صح يا كرم
والكلور اللي مها بوظتلك بيه غسيلك وانتي ردتيه بمقلب تاني مع حسن الفيران 
بصت دره ليهم وبعدين بصت للارض
رفاعي اللي بينكم لو هيكون في حدود الهزار وتفريغ شحنات الڠضب اللي قايده من سنين ماشي نعدوها لكن لازم تبقي واثقه ان المقالب بينكم عمرها ما هتخرج بره حدود الهزار لا انتي تقدري تأذيهم عشان انا عارفك انتي واخوكي ومربيكم علي ايدي ولا ولادي يعملوها عشان الايد اللي ربتك انتي واخوكي هي اللي ربت كرم ومها وهيما فهمتي يا دره
بصتله دره وهزت راسها 
زكريا عداك العيب يا رفاعي وانا بنقولها قدام الكل الكلام اللي قاله رفاعي هيمشي علي رقاب الكل ومن اللحظه دي لازم الخلق كلها تعرف ان اللي بينا اتبخر وخلص عيله الجمال وعيله الرفاعي مفيش حاجه ممكن توقع بينهم ابدا
الكل كان واقف متأثر بالكلام و نجوي ونبيله ودعاء ومها دموعهم نازله بتأثر
رفاعي حاجه كمان لازم تعرفوها كويس حابين تكملوا مقالبكم في بعض وتستمروا في لعب العيال ده انتوا احرار لكن حطوها حلقه في ودانكم العيال الصغيره بره مقالبكم دي خالص لا يطولوا مقالبكم بهزار ولا بأذي مفهوم
زكريا ومن هنا لحد ما نعرفوا مين اللي وراها لازم كلنا قلبنا يبقي علي قلب بعض لازم اللي
بيلعب علينا يعرف اننا رجعنا زي السمن علي العسل عشان ميقدرش يوقع بينا والكلام ده هيمشي علي سونه وبنتها ادام كلمة سونه لدره اتاخدت عليها معناه ان كان مقصود دره تشك فيها هي كمان وسونه زي بنتنا وبنتها زي احفادنا واحنا هنا عيلتك يا سونه ودول كلهم اخواتك واللي يمسك يمسنا يا بنتي مفهوم
سونه مفهوم يا معلم زكريا
هيما طيب انا ممكن نقولوا حاجه
زكريا قول يا ابني
هيما بص للشباب احنا تقريبا عرفنا مين اللي عملها 
بصوا كلهم لبعض ونطق كرم پغضب
كرم مين ياهيما
هيما شوفنا الوقت الكاميرا بتاعت الدكان اللي علي الائمه وفيهم واحد مكانش حاطت الشال علي وشه لسه حسن شاف الولا وعرفه
حسن هنقولك بس اوعدنا متتهورش
كرم ماتنجز يالا
حسن ده صبي من صبيان منصور اللي ابنه ماټ في العاركه بتاعت زمان
بص كرم وعبدالله وبكر لبعض 
رفاعي كان قلبي حاسس من زمان
كرم ودين محمد ما هيطلع عليه نهار
رفاعي اقف يا كررررم
زكريا اييييه عايز تروح تتعارك معاه تاني
عبدالله كرم متعاركش اولاني يابا العاركه كانت معايا انا هو بينتقم مننا عشان فاكر ان انا وكرم اللي اتعاركنا مع ابنه وفاكر ان العاركه انتهت بمۏت ابنه علي ايد كرم وجه الوقت اللي لازم الكل يعرف ان انا اللي مۏته في العاركه وان كرم ملهوش ذنب في اي حاجه 
رفاعي انت كمان تسكت ومتفتحش بوئك فاكر لما هتروح تقوله كده هيصدق ولو صدق هيسمي عليك اللي حصل حصل خلاص ولو ابنه ماټ كرم دفع التمن في السچن يعني خلصت والاهم ان سواء انت اللي عملتها او كرم محدش فيكم
كان قاصد دي عاركه وزي ما رفعتوا عليهم هما كمان رفعوا يعني لو مكانش حد فيهم وقع كان حد فيكم انتوا اللي وقع
عبدالله بس هو كده مش هيسكت وادام كل اللي بيحصل معانا ده هو اللي وراه من زمان يبقي هيفضل يأذي فينا
زكريا واكيد احنا مش هنسكتوا هناخدوا التسجيل بتاع الكاميرا ونعملوا بيه محضر ويجيبوا الولا ويقرروا فيه وياخد نصيبه او ناخد عليه تعهد بعدم التعدي علي اي حد فينا
بكر المعلم معاه حق بلاش مشاكل تاني احنا ما صدقنا
رفاعي كلمه ورد غطاها بكره تعملوا محضر باللي حصل والحكومه تتصرف مع منصور وصبيانه انتوا تخرجوا منها خالص مفهوم
بص كرم وعبداللع لبعض
زكريا اييييه بتبصوا لبعض ليه مفهووووم
عبدالله ماشي يابا اللي تشوفوا
زكريا كرررررم
كرم تمام يا معلم 
رفاعي طيب ادام اتفقنا يبقي ننفذ الاتفاق بينا عشان لما الخلق يشوفوا اللي بينا يصدقوا وانا هنبدأ قام رفاعي وقف وابتسم بهدوء ومد ايده لزكريا
رفاعي وزكريا بصوا لعبدالله وكرم وبكر
زكريا ايه مش ناويين تدوبوا جبل التلج اللي جمد قلوبكم انتوا كمان
بصوا التلاته لبعض 
وللحديث بقيه 
أبن ليل
صاحبة البطل الواحد
أميره اسامه
البارت التاسع عشر 
رفاعي وزكريا بصوا لعبدالله وكرم وبكر
زكريا ايه مش ناويين تدوبوا جبل التلج اللي جمد قلوبكم
كرم وعبدالله وبكر بصوا لبعض
رفاعي ما تيلا ياولا انت وهو 
ابتسم عبدالله وهز راسه شمال ويمين
وقرب خطوه من كرم
دموع نجوي ونبيله كانت نازله من غير ما تقف 
باس عبدالله كتف كرم وبصله وحشتني يا صاحبي
كرم بصله وابتسم ابتسامه حزن ومنطقش
البنات كانوا واقفين يعيطوا وفي نفس الوقت مبسوطين من اللي بيحصل
هيما قرب من دارين بصوت واطي
هيما انتي بټعيطي ليه 
دارين عشان عندي احساس يا عديم الاحساس
احمد ده واضح ان دانه وديما كمان عندهم احساس
دانه اسكت متضحكنيش
ديما محمد وحسن متأثرين هما كمان انت وهيما شكلكم معندكوش ډم
دره بدموع حقك عليا يا مها
دعاء بتقوليلها حقك عليا ليه ماهي اللي حطت روحها في وضع شك
مها طيب اخفي من قدامي بدل ما نحطوكي في وضع مش ولابد يا كلب البحر
ابتسمت دعاء من وسط دموعها لمها وفضلت تضحك وهي بصالها
ضحكت مها وقربت منها 
في نفس اللحظه بص كرم ودره بطرف عينهم لبعض 
نبيله وهي مبتسمه من بين دموعها لا لسه مش قبل ما كرم يجي يصالحني ويقولك متزعليش مني يا بلبله
بصلها كرم ورفع حاجبه
نبيله ايه مش عايز تصالحني يا ولا
كرم وانا كنت زعلتك عشان