روايه ابني ليل الكاتبه اميره اسامه
ماشي يلا
قاموا البنات عشان يروحوا علي المحاضرات بتاعتهم رن موبايل دارين علي الماسنچر
وقفت دارين و طلعت موبايلها عشان تشوف مين بيتصل واټصدمت
دانه مين بيتصل عليكي هيما ولا ايه
ديما ايوه بقي شكله قبل الاعتذار
دانه انتي واقفه متنحه كده ليه هو اللي بيكلمك
دارين ده بابي
دانه اييييه
ديما بابي
دارين لا طبعا مش هرد عليه مش كفايه اللي عمله فينا عايز ايه تاني
دانه ردي واحنا نعرف عايز ايه
دارين مش هرد وخليه يرن من هنا لبكره بردو مش هرد
فصل الاتصال وثواني واتصل علي ديما
ديما ده بيتصل عليا
دارين مترديش يا
ديما اوعي تردي
ديما بۏجع مش هرد اكيد اصلا مش عايزه اتكلم معاه ولا عايزه اعرف هو عايز مننا ايه
دارين ايه اللي فكره بينا عايز مننا ايه تاني
ديما تفتكروا في حاجه حصلت معاه ولا وحشنا ولا ندمان ولا ايه بالظبط
دارين ايا كان مش عايزين نعرف خلاص سيبوه
رن موبايل دانه بصتلهم
دانه ده بيتصل عليا انا كمان
دارين مترديش سيبيه يتصل
بصت دانه علي الموبايل وقربت صباعها من زرار الفتح
دارين بلاش يا دانه هو بعد عننا بمزاجه وهو اللي اختار جاي الوقت يفتكرنا ليه
دارين طيب علي الاقل نعرف هو عايز ايه
دارين لو رديتي عليه مش هتكلم معاكي عمري يا دانه
ديما بدموع ولا انا انتي نسيتي عمل معانا ايه نسيتي اني اتصلت عليه قيل ما نسافر وفضلت اتحايل عليه عشان نفضل معاه ورفض نسيتي الۏجع اللي عيشناه احنا ومامي ولا حياتنا اللي اتلغبطت بسببه
دارين اكيد ادام اتصل مره هيتصل تاني اوعي يا دانه تردي عليه او تكلميه انتي فاهمه اوعي
دانه خلاص بقي قولت حاضر ويلا عشان منتأخرش علي المحاضره
مشيوا البنات علي المحاضره وهما بيسألوا نفسهم ياتري عايزنا في ايه ومن جواهم موجوعين منه
بعد حوالي ساعتين
خرجت دره من غرفه العمليات وهي باين عليها الإرهاق وقفت مع اهل المريضه تطمنهم علي حالتها
دره متقلقش هي بخير انتوا جيبتوها في اللحظه المناسبه كان ممكن لا قدر الله يحصلها إڼفجار بسبب الزايده
الزوج هي كانت كويسه وعمرها ما أشتكت وفجأه بقت تصرخ
دره الزايده في العادي بتدي إنذار وبيبقي في بوادر تعب لكن في بعض الناس بيظهر تعبها مره واحده زي ما حصل مع زوجه حضرتك والحمد لله انكم جيبتوها فورا علي المستشفي وإلا كانت أنفجرت
بصت دره لبعيد پصدمه وسرحت
الام يا دكتوره بقول لحضرتك هي كويسه الوقت
دره هااا ااا اه الحمد لله بخير هي في الإفاقه الوقت وهتتنقل علي الاوضه واطمني هي زي الفل الف سلامه عليها شويه وهرجع اطمن عليها بعد اذنكم
سابتهم دره بسرعه وراحت علي المكان اللي كانت باصه عليه ملاقتش حد
دره لنفسها اكيد بيتهيألي شكلي تعبانه ولازم ارتاح واشرب قهوه عشان افوق
مشيت دره كام خطوه عشان تروح لأوضتها ترتاح وقفت قدام الاوضه فتحت الباب عشان تدخل
وقفتها ممرضه بسرعه قبل ما تدخل عشان تسألها علي حقنه معينه لمريض كان عامل عمليه
وقفت دره تكتبلها علي الحقنه وتقولها كام حاجه مهمه
وفجأه بصت قدامها وبعدين رفعت حاجبها
دره روحي يلا اعملي اللي قولتلك عليه
الممرضه تمام يا دكتوره
دره يبقي انا بقي مش بيتهيألي وانت هنا فعلا
بص كرم وراه بسرعه اول ما سمع صوتها وبصلها وبعدين نزل الموبايل من علي ودنه
كرم في ايه
دره انت بتعمل ايه هنا
كرم وانتي مالك
دره والله ايه معندكش الجرأه تقول انك جاي ورايا ولا يمكن بتراقبني ولا خلينا نقول انك فكرت في مقلب جديد وجاي تعمله فيا
كرم مين ده اللي جاي وراكي و بيراقبك انتي شكلك واخده في نفسك قلم كبير يا دكتوره وبعدين مقلب ايه اللي هاجي اعمله فيكي في المستشفي انا بقول تروحي ترتاحي شويه في مكتبك عشان شكل عقلك مش ولابد
دره تمام وانا هصدقك بس قولي انت بتعمل هنا ايه
كرم بص كرم شمال ويمين وبعدين وډخلها جوه الاوضه وقفل الباب وراه
دره انت ايه اللي عملته ده
كرم انتي عايزه ايه مني ايه
دره انا مش عايزه منك حاجه انت اللي عايز مني ايه كل شويه هشوفك قدامي دي تاني مره تطلع قدامي في المستشفي قولي بتعمل ايه هنا لو صحيح مش جاي ورايا
كرم وانا قولتلك وانتي مالك حاجه متخصنيش وبعدين انتي مين عشان تساليني خطوه مراتي
بصتله دره وهي قلبها بيدق من نظرته وقربه ليها بالشكل ده خدت خطوه لوراء بسرعه ورجع كرم تاني
كرم حبيبتي هااا بتسأليني بصفتك ايه
دره بإرتباااك ااا بصفتي دكتوره وبشتغل هنا
كرم وانتي بقي يا دكتوره كل واحد او واحده تشوفيهم جوه المستشفي بتسأليهم انتوا بتعملوا هنا ايه أيه حصرتك شغاله هنا دكتوره ولا بتنظمي المرور
دره اااا متغيرش الموضوع اكيد مش اي حد بسأله بس مش غريبه كل شويه الاقيك قدامي وبعدين بصراحه انا
بشك فيك عشان عارفه مقالبك
كرم بصلها پغضب بسيط زي ما شكيتي كده ان ممكن أذيكي انتي وبناتك صح
دره ااا متغيرش الموضوع
كرم لا هو ده الموضوع يا دره بتشكي فيا بتشكي اني ممكن اعمل كده ايه بقيتي شيفاني كمان قاټل ولا سڤاح
دره بصتله وهي خاېفه منه ومن نظرته ااا هو مش بردوا انت اللي هددتني اول ما جيت لو مش مشيت هتقتلني
كرم اه انا و أديكي قدامي اهو قتلتك قربت منك لمستك يا دره بيتهألي سيبتك في حالك أشمعني اخر كلمه قولتها هي اللي مسكتي فيها و فكرتي إن ممكن نعملوها
دره اااا معرفش بقي ووو وبعدين انت ليه بتهرب من سؤالي انت بتعمل هنا ايه
كرم تاني
دره اه تاني و هفضل أسأل علي فكره لحد ما ترد ماهو مش بتراقبني ولا جاي ورايا ولا بتعمل فيا مقلب هيكون ليه شغال دكتور هنا وانا معرفش
كرم شايف انك بتتريقي ولا انا ييتهيألي
دره اه بتريق
كرم فرحانه فيا يا دره
دره اه مش انت اللي أستسلمت كرم اللي كنت اعرفه زمان مهما كان بيحصله عمره ما كان بيستسلم ابدا عن حلمه
كرم البركه فيكي
دره هو انت مش لاقي مصېبه تلبسهالي هو انا اللي قولتلك أتخلي عن حلمك
كرم انا مش هنضيعوا وقتي معاكي يا دره ومش هنفتحوا في كلام أتقفل من سنين
مشي خطوه عشان يخرج وقبل ما يبعد عنها بسرعه مدت دره ايدها ومسكته من دراعه حس كرم ان قلبه اتنفض من غمض عينه وهو بياخد نفسه وبعدين لف بهدوء وبص لايدها وبعدين بصلها
اول ما بص علي ايدها شالت دره ايدها بسرعه بإرتباك
دره مش هتمشي غير لما نعرف ايه اللي جابك هنا
ابتسم كرم وفضل باصللها
دره بتضحك علي ايه
كرم متغيرتيش يا دره نفس الطفله بتاعت زمان لسه عايشه جواكي الطفله الزنانه و العنديه واللي مهما نتكلموا و ندخلوا في كذا موضوع متنساش الكلام اللي كانت بتقوله
دره كويس انك عارف اني مش بننسي يلا قول يا كرم
كرم كنت بنزور واحد معرفه يا دره أرتاحتي
دره وده محجوز ليه واسمه ايه وفي الدور الكام
كرم ايه مش مصدقاني وحابه تتأكدي
دره لا مش كده بس يعني لو يهمك ههتم بيه بنفسي
وهو رافع حاجبه
كرم عليا انا يابت الجمال
ابتسمت دره وبصتله
دره علي فكره بقي كنت بنتكلم جد
كرم ماشي هنعدوها عموما ده واحد صاحبي نعرفه هو مش محجوز ولا حاجه بس وقعت علي رجله رخامه ورجله اتكسرت كان بيجبسها وانا جيت نشوفه و علي ما جيت كان هو خلص ومشي وكنت بنكلمه اول ما وصلنا بس هو قالي انه روح خلاص وفجأه طلعتي انتي قدامي أرتاحتي
دره واول مره شوفتك كنت بتزور حد بردوا
كرم لأ مكنتش بنزور حد
دره امال كنت بتعمل ايه
كرم كنت عايز نشوفك يا دره
بصتله دره وفضلت ساكته فضل كرم كمان باصص لعينيها وبعدين حس انه سرح هز راسه وغير الكلام ونبره الصورت حتي النظره
كرم اكيد مش عشان نملي عيني من طلعتك البهيه انا كنت عايز نشوفك عشان شيطاني قاللي الحقها وقټلها في شغلها ادام مقدرتش تعملها في بيتها وقدام اهلها
دره يعني انت كنت جاي تقتلني يا كرم
كرم اه
دره ايه صعب عليك بناتي واهلي يشوفوني بڼموت قدامهم ف جيت تخلص عليا في شغلي
كرم ايوه قولت بلاش يشوفوكي بتتقتلي قدام عينهم مش هينسوا المنظر ده عمرهم
دره ماشاء الله اول مره اشوف قاټل بيحس ولما جيت هنا ايه بقي اللي وقفك
كرم مش محتاجه ذكاء العيانين صعبوا عليا يلا اتكلي علي الله خدتي من وقتي كتير
دره بسرعه رجعت مسكته تاني من دراعه
دره استني بس انت رايح فين
بص كرم علي أيدها اللي مسكاها وبعدين بصلها و ابتسم وهو بيغمز لها
كرم ايه شايف الموضوع عجبك
دره سابت ايده بسرعه اااا أحترم نفسك انا مش قصدي وبعدين انا ب سكتت دره وبصت بعيد حست انها كل ما هتكمل كلام هتطين الدنيا اكتر وهو اكيد هيفهمها غلط
ضحك كرم ضحكه جذابه وهز راسه شمال ويمين وبعدين
كرم مش بتمسكي ايه
ابتسمت دره وهي باصه بعيد عنه ووشها احمر وبعدين بصتله بهدوء
دره هو انا ممكن أسألك سؤال
كرم بإبتسامه واسعه اتفضلي
دره هو انت أزاي بقيت قليل الادب كده يعني التغيير في شخصيتك و فهمناه لكن التغيير في الطبع دي جديده عليا شويه
كرم مش يمكن انا كنت قليل الادب وانتي مكنتيش واخده بالك
دره مستحيل انت طول عمرك مؤدب
كرم والله
انتي اللي دماغك شمال وبتفهمي غلط انا منقصدتش
دره انا اللي دماغي شمال وبنفهم غلط طيب تمام
كرم يلا انا هنمشي عشان منتأخرش
دره مش هتقول رايح فين
كرم انتي ايه حكايتك عامله فيها مراتي ومهتمه ليه
دره ااا خلاص روح ما طرح ما تروح وبعدين انا مالي ومالك انا بس بنطمن انك مش هتستخبي هنا ولا هنا ونرجعوا نلاقيك قدامنا
كرم لا اطمني وعموما هنريحوكي
انا عندي مشوار وبعدين هنرجعوا الشارع
دره اصلا انا مالي بتعرفني خط سيرك ليه انا سألت سؤال عادي
كرم والله طيب تمام يلا ابعدي من قدامي
دره بعدنا سلام
وقف كرم علي الباب وبصلها
كرم لو في اي حاجه حصلت كلميني وخدي
بالك من نفسك تمام
فضلت دره بصاله ومبتسمه قطع عليها اللحظه كرم
كرم مالك فرحانه كده ليه اكيد مش بڼموت فيكي و خاېف عليكي انا بس عشان محدش يدخل يولع فيكي ونخلص
دره پغضب مسكت قلم من علي المكتب و حدفته بيه لقطه كرم بأيده وهو ييضحك امشي من قدامي
ضحك كرم وخرج وقفل وراه وفضل ماشي مبسوط فيها
دره عامل زي الثور بتاخد القلم يا حرامي
عدت كام ساعه وخرجت دره من المستشفي ركبت عربيتها ومشيت
