روايه ابني ليل الكاتبه اميره اسامه
اشترت حجات وبعدين كملت طريقها وفجأه حست ان الكاوتش دخل فيه حاجه ركنت بهدوء علي الكورنيش الدنيا كانت هاديه نوعا ما مافيش غير كام شخص يتعد نزلت تبص علي العجله لقتها أتخرمت
دره يادي اليوم اللي مش باينله ملامح يارب انا ناقصه
راحت فتحت الشنطه تشوف الأستبن
مسكت دره الكاوتش و طلعته براحه وهي مش قادره تشيله
دره ااااه يلا بقي انت تقيل كده ليه
دره وبعدين بقي اتصل بالولا حسن يجي يلحقني ولا اهبب ايه
فضلت واقفه شويه سرحانه وصباعها في بوئها بتفكر تتصل بحسن ولا تحاول تاني ولا تقفل العربيه وتاخد تاكسي ويبقي حد يجي يصلحه
دره كملت مفيش غير اني اقفلها وامشي
مسكت العده راحت ترجعها في الشنطه
وبعدين راحت علي الكاوتش وقفته وحركته براحه تحت الشنطه وبعدين بدأت تحاول ترفع فيه عشان ترجعه مكانتش عارفه خالص
في اللحظه دي كرم كان راجع واول ما لمحها فضل يقرب من الازاز قدامه عشان يتأكد ان هي
ركن ونزل من عربيته وراح عليها كانت هي بترفع في الكاوتش بكل قوتها ومش شيفاه
كرم بتعملي ايه
رفعت دره راسها بسرعه بالجنب كان كرم قريب منها جدا وعينه باصه عليها
كرم أيده من الكاوتش اللي هي بتحاول ترفعه ورفعه بأيد واحده وهو لسه باصصلها
فاقت دره بسرعه وعدلت نفسها وبصتله
دره انت بتعمل ايه هنا وعرفت مكاني ازاي قولي بقي انها صدفه اقولك يلا شيلني واحدفني في البحر واخلص وخلصني من التوتر اللي انا فيه ده
كرك انا لو عايز نحدفك كنت حدفتك لما كنتي معايا علي اللانش وسعي كده
الزقع بتاعته طيرتها كام خطوه لوراء
دره ما برااااحه وبعدين علي اساس انك مكنتش عايز تح
فني يومها ده انت مكنتش عارف توقف قلبي بأيه ولا ايه بالفار ولا اللانش ولا البحر
كرم واديكي واقفه قدامي زي القدره ومش فاصله رغي رغي رغي اسكتي بقي وعرفيني في ايه
قام كرم وقف وبصلها اتكلمي عدل
دره ما انت بتسأل أسئله غريبه يعني هطلع الكاوتش ليه هلعب بيه مثلا العجله اتخرمت وحاولت اغيرها مش عارفه افك المسامير و قولت اكلم حسن او عبدالله موبايلي فصل خالص ووو
بصلها كرم
كرم ششششششرغي رغي رغي أفصلي ده سؤال سألته
دره لا بقولك ايه انت هتفضل تتعامل معايا كده عشان هتغيرلي حتت عجله الله الغني عن خدمتك
دره ده ماشي استني يا استاذ كرم استني يا معلم كرم
ابتسم كرم ولف ضهره بصلها
دره انت ما صدقت انا بهزر وبعدين يعني مش حلوه تسيبني بليل وعلي الكورنيش لوحدي وموبايلي فاصل وتمشي
كرم من هنا لحد ما اخلص مسمعش صوتك مفهوم
دره ولا كأني موجوده
كرم روحي اشحني موبايلك في عربيتي معايا وصله عشان محدش يتصل ويقلق لما يلاقيه مقفول
دره ماشي شكرا
راحت دره حطت موبايلها
يتشحن ورجعت وقفت جنبه
كرم وهو بيشرب سيجارته رفع راسه بالجنب ايه ضحكوا عليكي بالحزينه دي
دره دي موديل السنه اللي فاتت
كرم ايوه ما انا ملاحظ
روحي افتحي الشنطه بتاعتي وهاتي منها الكوريك بتاعي احسن من الخايب ده
راحت دره علي الشنطه وهي بتبرطم
دره روحي وتعالي شغاله عندك انا
كرم سامعك علي فكره
فتحت دره الشنطه فضلت تدور علي الكوريك وقلبتله الشنطه بقت علي بعضها
كرم اللهم طولك يا روح بتعملي ايه كل ده
دره مش لقياه وبعدين ايه كل الكركبه اللي في شنطتك دي انت ناسيها ولا ايه
كرم وانتي مالك سيبي اللي في ايدك واقولك اقفلي الشنطه خلاص هشتغل بده وامري لله
دره اصلا مش لقياه
كرم خلاص تعالي اكيد بكر او حد من الشباب خدوا ونسي يرجعه
لمحت دره شنطه قربت منها عشان تفتحها
دره احسن حراميه زيك نش خدت مني القلم و مشيت
كرم انتي اللي حدفتيه
بصت دره بأستغراب للشنطه لقت فيها ادوات طبيه و قطن وشاش وفيها سماعه
مسكت السماعه حطتها في ودنها ومسكت الجزء اللي بيتكشف بيه وخرجت بره الشنطه بجنبها وبصت لكرم
دره هي ايه دي يا كرم
بص كرم عليها لمح في ايدها السماعه
كرم دي الهاند فري بتاعتي
دره انت بتهرج انا بتكلم جد علي فكره السماعه دي بتعمل ايه معاك
كرم مالك ومالها مضيقاكي في حاجه روحي حطيها مكانها وبلاش نكش
دره مش قبل ما افهم
كرم تفهمي ايه دي سماعه بتاعتي شاريها من زمان ايام ما كنا بنحلموا ومن وقتها وهي معايا وخلصيني بقي من حوار الزوجه المصريه الاصيله اللي مبتبطلش زن واسئله
دره اممم ماشي شالت دره السماعه وراحت وقفت جنبه لحد ما يخلص
بعد عشر دقايق كان خلص كرم كل حاجه وقام شال الكاوتش اللي اتخرم والعده وبصلها
كرم اي خدمه تانيه
دره شكرا
كرم يلا اركبي وامشي قدامي
دره طيب بس مش هتقولي بقي عرفت ازاي
كرم ياستي صدفه و مهببه علي دماغك يلا اطلعي
دره
راحت دره علي عربيتها ركبت وطلع وراها كرم
في صباح يوم جديد كانت دره اجازه نزلت تحت هي والبنات دعاء كانت بتجهز الاكل خرجت دره وقفت في البلكونه خرجت وراها نبيله والبنات يتفرجوا
في نفس الوقت ده خرجت نجوي ومها عشان تنشر الغسيل
نجوي صباح الفل
نبيله صباحك ورد
مها عاملين ايه با بنات عامله ايه بلبله
البنات الحمد لله
نبيله كويسه يا مها انتي عامله ايه
مها الحمد لله عامله ايه يا سنيوره
ضحكت دره وبصتلها ازيك يا مها
مها الحمد لله انتي عامله ايه
دره بخير
مها فين ام اربعه واربعين
خرجت دعاء علي سؤالها
دعاء اربعه واربعين في عينك يا بعيده
نبيله يلا اقفشوا شعر بعض وخلوا الخلق ترجع تتفرج علينا
مها
دعاء لا متقلقيش دي محبه يا بلبله
نجوي مش ناويين تيجوا نقعدوا شويه مع بعض
نبيله ياختي انتي قولتي تعالوا ولا حتي عزمتي بفنجان قهوه
نجوي احييييه وانا لازم نقول يا وليه
مها ايدك عامله ايه يا دره
دره احسن شويه بس لسه فيها ۏجع
مها طب ما طبعا ده كويس اننا في شتاء مش صيف
دعاء يالهوي صيف هي كانت اتحملت
كل وا فيهم كلن ماسك التاني وبيرغي معاه حتي دره كانت مندمجه مع مها ودعاء لكن بصت بسرعه علي منكش اول ما قري من كرم
منكش قرب من كرم عشان يدله القهوه وفضل باصص عليه وهو ماسك بيقطع بكل حرفيه وماسكه السکينه بطرف صوابعه كأنه نحات
كرم رفع عينه لمنكش في ايه يا ولا بتبص كده ليه
منكش دكتوووووور عليا الطلاق دكتور يا ناس هو اي حد مسك اللحمه يبقي جزار ده لازم يكون جزار برتبه دكتور
ضحك كرم وهز راسه وكمل شغل
وبصت دره بتكريز عليه وعلي وقفته وتركيزه وطريقه تقطيعه ومسكته للحمه
مها اهو اشتغل تطبيل اللي يتخفي حسه علي الصبح
دعاء احسن خليه يارب عبدالله يسمعه و يعلقه
كرم طب يلا ياولا حط القهوه بدل ما الدكتور يشيلك ويقطع فيك بدل العجل
منكش لا وعلي ايه يا دكتور
رفع كرم عينه بهدوء شاف دره مركزه معاه
ابتسم وغمزلها ورفع السکينه لفها كذا مره في الهواء قدامها وبعدين نزلها علي اللحم وكمل شغله وهو بيضحك
مسكت دره موبايلها وبعتتله رساله في الخباثه
حط كرم ايده في جيبه طلع الموبايل وشاف الرساله
دره ممكن اشوفك ضروري لما تخلص شغل
رفع كرم وشه ليها
وبعدين وقف يكتب حاجه
وصلت لدره رساله بصت فيها بسرعه
كرم هتصاحبيني ولا ايه خدتي عليا اوي انا مبنقابلش شبر ونص غير صدفه اكتر من كده لا
دره طيب تمام عموما علي الساعه 8 ونص هننزلوا علي الكورنيش لو حيت هنعتبروها صدفه
ضحك كرم وحط موبايله في جيبه وكمل شغل
رفع حرف عينه في الشمس
يبص عليها كان مغمض عين و مفتح عين بسبب نور الشمس
ابتسمت دره وبعدين بصت لبعيد
دره عارفه انك هتيجي يا كرم وابقي اشرب بقي المقلب
وللحديث بقيه
أبن ليل
صاحبة البطل الواحد
أميره اسامه
البارت الثاني والعشرين
فضلت دره واقفه سرحانه جنبهم في البلكونه بعد ما بعتت الرساله لكرم
مها دره
دره بصت لمها بإبتسامه نعم
مها مش ناويه انتي كمان تيجي ونقعدوا مع بعض شويه ولا موحشكيش قعدت زمان
دعاء اكيد موحشتيهاش
مها اطلعي انتي منها يا سوسه
دره بضحك اكيد طبعا وحشني كل حاجه كنا بنعملها زمان
مها خلاص هستناكي شوفي امته وانا مش بنتحركوا من البيت
دره حاضر هكلمك أكيد انتي ونوجا وحشتوني اوي
نجوي هنستنوكي يا دره
نبيله شوف الوليه باعتني في لحظه مش لسه كانت بتقول عايزين نشربوا القهوه سوا
نجوي بضحك احيه عليكي وانا رجعت في كلامي يعني تعالي انتي بس وقهوتك جاهزه
نبيله علي عيني يا نجوي إن شاء الله
نزلت سماح من البيت عندها وراحت بإتجاه بيت الجمال
دانه لدارين وديما سماح جات اهي
دارين مامي
دره نعم يا دارين
دارين احنا هنطلع فوق شويه عشان سماح جايه تقعد معانا
دره ماشي يا حبيبتي اطلعوا ومتنسوش تضايفوها
دانه متقلقيش احنا بقينا اسكندرانيه وبنفهموا في الواجب
دره ياواد انت يا إسكندراني
نبيله ودي جايه ليه بنت سونه خلاص بقيتوا صحاب
دره بضحك نكبروا دماغنا بقي يا بلبله احنا اتفقنا علي ايه وبعدين البت مالها بس
نبيله طيب يا اختي سكتنا
لمح حسن سماح داخله علي البيت عندهم سابها دخلت واول ما دخلت راح وراها
حسن راحه فين يابت
بصت سماح وراها وضحكتك
سماح احيه لاحقت تنسي مش قولنالك اني جايه عندكم عشان نقعدوا مع البنات شويه
حسن فاكر بس بنستعبطوا
سماح طب يا اخويا روح استعبط في حته تانيه
سابته وطلعت درجه
حسن استني يابت مالك مستعجله كده ليه وحشتيني
سماح ايووووه عليك عايزه نقعدوا مع البنات شويه قبل ما امي تشغل السارينا بتاعتها انا ما صدقت رضيت
حسن يابت بنقولك وحشتيني
سماح وانت كمان ارتاحت سيبني نطلع بقي
حسن بقت كده خلاص بقيتوا صحاب ما صحيح من لقي صحابه نسي احبابه
سماح الله الله بتغيري يا جميله ولا ايه
حسن ما تظبطي يابت بدل ما نتجننوا عليكي ايه جميله دي
سماح بضحك انتي زعلتي يا قمر
حسن بضحك بلاش انا هنزعلوكي
سماح طب خلاص سيبني اطلع بقي ودين محمد امي قاعده وماسكه في ايدها الساعه ولا أجدعها حكم مباراه
حسن طب خلاص صعبتي عليا اجري بسرعه بدا ما تديكي الكارت الاصفر
سماح لا وانت الصادق سونه علي أخرها ولو طلعت كارت هيبقي أحمر وهتكرشني مش بس من الماتش دي هتكرشني من البيت ونناموا في الشارع
حسن وتنامي في الشارع ليه ما اوضتي موجوده
سماح أتلم يا حسن في ليلتك ويلا يا اخويا روح شوف شغلك وبلاش وقفة المراهقين اللي احنا واقفنها دي
حسن ماشي يلا اطلعي بحبك يابت
سماح وانا بنحبك اكتر يا ابن الجمال
حسن امووووت انا
ضحكت سماح وطلعت جري علي فوق لمحت في وشها دعاء حاطه
