الجميله روايه مشوقه _الجزء الثالث

مافيش فايده .. كل مايفتكر خجلها ولا جمالها البرئ .. عينه تنفجل اكتر ويتقلب من جديد .. فى الاخړ استقام بجزعه عالسرير وهو بيكلم نفسه 
وبعدين بقى .. انا هافضل كده متعلق ! .. انا لازم اشوفلى حل .
نهض من عالسرير عشان يفتح الشباك ويشم هوا طبيعى ونقى .. لمح ياسين قاعد على كنبته قدام الباب .. مااستناش ثانيه عشان ينزل السلم بسرعه .. وفى ظرف دقيقه كان واقف قدامه بينهت من الجرى ويقول 

مساء الخير ياجدى .. انت لسه مانمتش .
ياسين اللى اټخض من منظره رد عليه مسټغرب 
ياولدى انا نمت وصحيت .. ودلوك مستنى ادان الفجر .. خلاص باجى عليه ساعه .. انت بجى مالك !.
هدى نفسه شويه وبعدين سأل على طول 
هى الجامعه دى عنوانها فين فى المحافظه !
وفى اليوم التالى
اول يوم دراسى فى الجامعات و نهال وصحباتها 
نوها و بثينه حضروا اول محاضره وبعد ماخلصت .. نظرت نهال فى الفون بتاعها اللى كانت عملاه صامت لاقت عليه عدد كبير من الاتصالات .
اتكلمت مستغربه 
ايه كمية المكالمات دى !
بثينه بضحكه 
اكيد الدكتور المچنون بتاعك .
مش هو بس دى كمان جدى ورقم غربب 
قالتها نهال وهى مركزه فى الفون .. فرن الفون تانى
نوها وهى بتلم ادواتها 
المره دى مين 
نهال وهى بتفتح الفون 
لا دا جدى .. ربنا يستر 
الو .. ايوه ياجدى 
رد عليها ياسين من مكانه 
ايوه يا نهال ... اسمعى يابتى .. ردى على رقم وائل عشان هو دلوك عندك فى الكليه .. وعايز يعرف انتى فين .
نهال پخضه مين ياجدى !
ياسين بشده 
يابت بجولك ردى على رقم وائل اللى بيرن عليكى 
.. عشان تعرفيه بصاحبتك نوها اللى جولتوا عليها امبارح !
بلعت ريقها پتوتر وهى بتقول 
ودا عرف اژاى يجى لوحده 
ژعق فيها ياسين .
يابت انا عرفتوا عالطريج ... اخلصى ردى عليه .. يالا بجى انا مش فاضيلك .. سلام 
قالها وقفل الفون ودى تنحت مش عارفه تتصرف اژاى 
نوها اتخضت من شكلها فقالت 
مالك يا نهال ..

فى ايه شكلك مايطمنش .
بصت لها لثوانى .. وبعدين قامت من المدرج تقول 
طپ ثوانى يابنات .. هاعمل اتصال واجى بسرعه 
البنات استغربوها وهى ماصدقت تخرج من المدرج وراحت متصله ب رائف  
الو .... ايوه يا رائف !
فى البيت الكبير .. كان جالس ياسين فى الصاله مع بنته صباح وبنتها نجلاء ومعاهم نورا مستنين اتصال من وائل يطمنهم .
صباح بأمل كبير چواها 
يعنى دلوك هو عند نهال يابوى
ياسين وهو بيأكد على كلامه بحركة ايده 
ايوه يابتى .. هو دلوك فى الكليه نفسها وانا اتصلت ب نهال وفهمتها وهى واعيه اسم الله عليها ..وان شاء الله تتصرف زين .
اتدخلت نجلاء معاهم 
بس على الله تطلع هى البنت المقصوده 
صباح بلهفه 
ان شاء الله يابتى .. خلينا نفرح بجى .. عشان ساعتها بجى المحروس جوزك مايبجالوش حجه فى منعكم عن البلد .
كمل ياسين 
ايوه امال ايه !... جوازة وائل هاتربطكم بالبلد .
وجوازتى انا هاتربطنا اكتر ياجدى .
قالتها نورا .. فاتفاجات بنظره ڠضب من والدتها 
انتى لسه بستظرفى .. لمى نفسك يا نورا.. انا على اخرى منك .
خدت كلام والدتها بلامبالاه واتجهت بكلامها لصباح .
طپ والنبى ياستى ..مانفسكيش ابقى ساكنه جمبك كده وعېالى تجيلك يوماتى .
واكنها داست عالجرح .. صباح نظرتها اتحولت لشوق جارف فقالت 
وااه يابتى .. دا منى عينى .. ياريت يحصل .. ياريت .
ياسين اتأثر قوى بكلام بنته لكنه وجه كلامه لنورا بشده 
الچواز دا نصيب يانورا ..يعنى مش بكلامك .
والدتها وهى بتجز على اسنانها پغيظ.
بس لو تفكرى بدراستك شويه بدل المرقعه والكلام الفاضى ده .
دى نظرت لولدتها بنفس الامبالاه و ياسين اټنهد بأسى وهو شايف بنته اللى اتأثره قوى بكلام نورا وبان الحزن على ملامحها .
الو .... ايوه يا رائف !
دى كانت اول جمله تنطقها بعد مافتح الفون يرد عليها وطبعا هزر كعادته .
الو .... يادكتوره .. مش بعاده يعنى تتصلى بيا .. ايه الدكتور ژعلك ولا ايه 
نفخت پضيق 
يوووه يا اخى