حب مجهول الهويه الفصل الاربعون كامل
عايزني اتكلم مع نفسي كمان!
طاهر اتكلم وهو بيكتم ضحكته طب ممكن تهدوا شويه.. انتي عايزة ايه دلوقتي يا احلام
رديت بحزن عايزاه يهتم بيا شويه هو ده مش حقي يعني انا بقالي قد ايه محپوسه مش بخرج من المستشفى ل هنا وهو مش بيفكر فيا ابدا!
طارق وهو بيبصلي بذهول انا مش بفكر فيكي!
طاهر همس ل طارق وهما جنب بعض وقاله دي هرمونات نكد يا كبير وشكلها هتطلع عليك كلها دلوقتي .
طاهر وهو بيضحك انتي هتقلبي عليا انا كمان ولا ايه.. طب اقولك على فكرة حلوة.. انا عايز اشتري هدية ايه رأيك نروح نشرتيها من المحل اللي هند صحبتك بتشتغل فيه وبالمرة تشوفيها اكيد هي وحشتك صح
بصتله بحماس وابتسمت بسعادة وقولت اه والله ياريت فكرة حلوة اوي.
طارق كان بيبصلي وهو ساكت وانا بصتله وقولت برجاء اروح مع طاهر
طاهر هز راسه بالايجاب وانا طلعت اجري على فوق وطاهر ضحك وبص لاخوه.
طاهر لازم تكون جاهز للتقلبات دي طول الوقت وتعرف تتصرف معاها.
طارق وهو بيبص لاخوه اهي التقلبات دي طلعت في صالحك وهتروح تشتري هديه!
طارق وهو بيضحك عندك حق انا ههرب انا وابقى طمني لما ترجعوا.
طاهر ضحك وقاله متقلقش.
بعد وقت انا نزلت بعد ما جهزت ولقيت طاهر في انتظاري.
ركبنا عربية طاهر وخرجنا من القصر وانا سألته بفضول قولي بقي هتشتري الهدية لمين
طاهر بتوتر لمين.. ليا انا.
بصتله بستغراب ليك انت ازاي هو في حد بيشتري هدية لنفسه!
طاهر اه طبعا دا احلي هدية اللي تجيبيها لنفسك.
هزيت كتفي وقولت بستغراب بصراحة مجربتش اشتري هدية لنفسي بس ممكن اجرب.
طاهر ابتسم وهو بيبص على الطريق قدامه وبعد وقت وصلنا قدام المول ونزلنا وانا متحمسه اوي وقولت ل طاهر اكيد هند هتفرح اوي لما تشوفني.
طاهر وقف بعيد وهو بيبص علينا ويبتسم.
هند وحشتني اوي يا احلام والله انا كنت بفكر فيكي.
رديت عليها بسعادة المفروض تشكري طاهر لان هو اللي جابني هنا.
هند اول لما سمعت اسم طاهر وشها لونه بقى اصفر وبصت على طاهر وشافته واقف بيبصلها ويضحك وقرب مننا وسلم عليها بهدوء.
طاهر ازيك يا هند عامله ايه
هند بصتله بتوتر وخفضت وشها في الارض و
