حب مجهول الهويه الفصل الاربعون كامل

ردت بكسوف الحمدلله.
استغربت كسوف هند من طاهر والاغرب كانت نظرات طاهر ل هند وحسيت ان في حاجة بين الاتنين وقربت مننا بنت وهي بتبص ل طاهر بجرائه وقالت لو حضرتك عايز هديه انا ممكن اساعدك.
بصيت للبنت بستغراب وهند بصتلها بغيظ وقالتلها معلش يا رغده هما تبعي انا وانا عارفه طلبهم ايه!
البنت اتكسفت ورجعت تكمل شغلها وانا بصيت ل هند بستغراب وسألتها مين دي
هند بغيظ البنت اللي جت تشتغل مكانك.
بصيت للبنت اللي عينيها كانت هتطلع على طاهر وهمست ل هند بس دي شكلها جريئه اوي دي عينيها هتطلع على طاهر.
هند بصتلي پصدمة وبصت على البنت اللي لقيتها فعلا بتبص ل طاهر وطاهر عينيه كانت علي هند وهند بصتله بتوتر وقالت تحبوا تشربوا ايه
احلام احنا جايين نشتري هديه ل طاهر وعايزينك تساعدينا..
وبصيت ل طاهر وقولتله هند ذوقها حلو جدا على فكرة.
طاهر وهو بيبص ل هند بطريقه ملفته جدا اكيد لازم يكون ذوقها حلو..
انا حسيت ان في حاجة بين طاهر وهند ونظرات طاهر ليها كانت واضحة اوي وفكرت اني انسحب من وسطهم عشان يكون في فرصه يتكلموا مع بعض برحتهم وقولت ل طاهر طاهر انا افتكرت شويه حاجات كده عايزة اشتريهم من هنا من المول في محل جنبنا هنا هروح اشوفه وارجع.
طاهر بصلي وقال طب انا ممكن اجي معاكي عشان متكونيش لوحدك.
احلام باعتراض لا خليك انت هنا مع هند تختارلك الهدية وانا هروح بسرعه ومش هتأخر.
ولسه بمشي عشان اسيبهم لوحدهم لكن صوت طاهر وقفني وقالي طب استني لحظة يا احلام.
واخدني على جنب وهو بيخرج كارت بنكي من محفظته وقالي الكارت ده طارق سابهولك معايا عشان لو حبيتي تشتري حاجة.
بصيتله بستغراب وهو قال بتأكيد خدي يا احلام الكارت ده بتاع جوزك..
وقال بمزاح وهو بيضحك انا عايزك ټنتقمي منه وتصرفي منه على قد ما تقدري وتجيبي كل اللي نفسك فيه وتخلصيله كل فلوسه.
بصيت ل طاهر وابتسمت وهو قالي علي الباسورد وقال روحي يلا وانا قريب منك لو احتاجتي اي حاجة اتصلي عليا.
هزيت راسي واخدت الكارت البنكي اللي ادهولي وروحت على محل ملابس جنب محل الهدايا اللي كنت بشتغل فيه وبدأت اشتري كل الحاجات اللي انا محتاجاها.
عند طاهر وهند. 
هند كانت واقفه مرتبكه جدا وطاهر عينيه منزلتش من عليها والبنت زميلة هند عماله تبص عليهم بغيظ وطاهر اتكلم مع هند بابتسامه انتي عامله ايه مشوفتكيش من اخر مرة لما كنتي في المستشفى
هند بتوتر الحمد لله.. قولي ايه نوع الهدية اللي حابب تشتريها
طاهر فهم انها بتتهرب منه وقال عايز هديه تكون بسيطه وفي نفس الوقت مميزة.. 
وبصلها اوي وهو بيتكلم والبنت كانت مركزه معاهم وقالت بسخرية حضرتك عايز هدية ولا عايز عروسه.
هند شهقت پصدمة وهي بتبصلها وطاهر قال بمكر
عايز الاتنين.. الهدية هتكون للعروسة.
هند بصتله پصدمة وسألته هو انت هتتجوز... بقلمي ملك إبراهيم.
... يتبع
البنت زميلة هند دي رخمه اوي واحلام راحت تشتري لبس ياترى هتعمل ايه في طارق ربنا يستر ومتشتريش اطقم مربوحه في الكبير اوي دا طارق هيشوف اياااام اللي يقرأ البارت يتفاعل عليه من فضلكم لايك وتعليقاات كتير