ظلمت نفسى الفصل التاسع والعاشر كامله بقلم _آيه_شاكر
حاجه وهي پتبكي قعد جنبها على السرير وحضنها وهو بيقول
متقلقيش يا حبيبتي أنا جنبك.
والدته خبطت على الباب ودخلت قالت
يلا يا حبيبي الأكل جاهز
رحيم بعبوس
لا مليش نفس يا ماما
قفلت الأم الباب وراها وقالت ل روعه بحدة
إنت قولتيله يا به!
روعه بصوت مبحوح
أيوه حكيتله
الأم بضيق
إنت معندكيش صبر!! طيب سيبيه ياكل الأول ويريح شويه!!
مقدرتش أستنى يا ماما إنت مش حاسه بيا ليه!!
طبطب رحيم على ظهرها وقال
متعيطيش يا روعه والله لأعرفلك اللي عمل كده
نفخت الأم بضيق وخرجت من الأوضه..
حاول رحيم إنه يخفف حدة الموقف على أخته فقال بابتسامة مصطنعة
تعالي ناكل مع بعض عشان ماما متزعلش وكمان نعرف نتكتك ونخطط
سحبها من إيديها بحنان وخرجوا يأكلوا
في اليوم التالي بعد الظهر دخل عبيده للبيت قال بابتسامة
عامله إيه النهارده يا فراشه
قلت بابتسامة ضائعة
الحمد لله أحسن
أنا عايزك تقومي تلبسي عشان هتيجي معايا لازم نعرف مين اللي عمل كده
ه.. هنروح فين!
روعه صاحبتك اتصلت على موبايلك امبارح وأخوها كلمني هو مهندس الكترونيات وطلب موبايلي موبايلك فهنروح نقابلهم
هويت راسي بتفهم وبدأت أجهز هدومي فقال
ابتسمت من غير ما يشوفني وفرحت إني هشوفه!
ولما فوقت لمشاعري اختفت ابتسامتي! أصل أنا متأكده إنها مراهقه أنا لا حبيت عصام ولا بحب شادي أنا اللي قلبي فاضي وبيدور على أي حد يملاه!
أنا نفسيتي تعبانه من كل حاجه ومصدومه في كل اللي حوليا ونفسي أعرف مين اللي عمل فيا كده!!
أخدوا موبايلي ومكنتش مركزه معاهم كنت ببص على الناس حوليا شوفت بنتين لابسين خمار قاعدين قصاد شابين ملتحين وواحده تانيه منتقبه قاعده مع شاب وبيضحكوا! فابتسمت بسخرية وأنا بقول في نفسي إن كلهم لابسين أقنعه وإن أسوء ناس على الإطلاق هما اللي مسمين نفسهم ملتزمين أو إخوه وأخوات!
طيب بصوا يا شباب أنا هبدأ بأسهل حاجه وهعرف نوع الموبايل اللي كان فاتح الأكونت بتاع الدكتوره شهد في الوقت اللي اتبعت فيه الرسائل للباشمهندس شادي
رحيم قال كده بعد ما شادي حكالهم ووراهم الرسايل إللي اتبعتت من الأكونت بتاعي وبدأ بموبايلي وكلنا منتظرين...
عرفت نوع الموبايل وعنوانه كمان ... انتوا شاكين في مين!
منه... أنا شاكه فيها
كنت سامعه هما بيقولوا ايه وبتفرج على اللي بيعملوه وأنا ساكته ومستنيه النتيجه...
على جانب أخر خلصت حنين المحاضرات ومشيت لوحدها مكنتش عارفه حاجه عن اللي حصل ل شهد وبترن على روعه كتير مش بترد عليها...
قعدت تفكر يا ترى حصل إيه!! أفاقت من شرودها على صوت شاب
حنين... حنين
التفتت ليه كان شاب غريب لابس سلسله حول رقبته وحظاظه في ايده وواضح من أسنانه إنه مدخن وكانت أول مره تشوفه قالت بذهول
نعم!! حضرتك تعرفني منين!
أنا ممدوح... مش إنت
