قصه كوميدي للرحمه نبيل
العروسة وهي بتقول
_ هروح اشوف مليكة خلصت ولا لا ...
بص سعد لابوه وقال
_ كمان اسمها مليكة ناقص تدخل علينا بجناحين بيض وحلقة دهبي فوق راسها وبعدين بزمتك يا حاج مش مكسوف تجوز ابنك اللي اسمه سعد لواحدة اسمها مليكة ! ايه الجحود اللي في قلبكم ده .
كام أبوه ضحكة وقال
_ اهو اللي حصل يمكن البنت تكون نقطة بيضة في حياتك السودة دي.
_ لا وأنت الصادق دي هتتلون بالسواد اول ما تدخلها .
شوية ودخلت ام مليكة عليهم ووراها بنت لابسة فستان شيك وراقي وحجاب جميل وهي باصة في الأرض وبتقول بصوت رقيق وهادي
_ السلام عليكم .
بص ليها سعد وقال بغيظ من حلاوتها الزيادة
_ وعليكم السلام يا ضنايا ..ايه يا حاج مش قولتلك مش عايز بنت حلوة أنا مش بحب الحلوين الزيادة دول .
_ الحق عليا عايز احسن السلالة بتاعتك يعني هيكون الاب معفن والام مش حلوة ! نعدل يابني عشان احفادي يطلعوا حلوين .
بص سعد على مليكة اللي كانت قاعدة مكسوفة وهي بتبص في الأرض وقال بغيظ
_ أنا النوع ده بيستفزني اساسا أنت لو ناوي تخسر
صاحبك مش هتاخد قرار بالتهور ده
يا صايع يا فاشل يمكن تنضف لما تتجوزها .
_ أنت بتتكلم معايا كأني عربجي ليه ما أنا برضو مش شوية أنا نقيب في الجيش وليا اسمي برضو .
_ أيوة بس قليل الادب .
ابتسم سعد وهو لسه بيبص على مليكة بعيون متفحصة
بص ليه أبوه فقال سعد
_ مش هاكلها هترجعوا تلاقوها قطعة واحدة يلا بقى يا حاج خلي الليلة تعدي ..
نفخ أبوه بغيظ وقرر يقول لصاحبه يسيبهم عشان يتكلموا لوحدهم وفعلا بدأ الكل يخرج ومتبقاش غير سعد ومليكة .
_ بصي بقى يا...
قاطعه صوت مليكة اللي اول مرة يسمعه وهي بتقول
_ اسمع يا عسل لو فاكر أنك جايب ابوك وجاي عشان تاخد دكتورة محترمة ومتربية وهادية تبقى غلطان .
رفع سعد حاجبه وقال باستغراب
_ الحاج اللي قالي كده والله .
_ يبقى الحاج غلطان....أنا لا هتجوز ولا حابة اتجوز دلوقتي ولا بعدين وعشان كده ايه رأيك توفر على نفسك وتاخد اهلك وتروح تأكلوا علبة الجاتوه اللي جايبينها دي
بص ليها سعد شوية وبعدين قال
_ واهلك مش هيعترضوا !
_ على ايه قصدك أنك مشيت يعني ! لا عادي هما متعودين اساسا و..
_ لا أنا قصدي
