اسكريبت كامل

أنت قولت أنت مش هتحاول تاني قالتلك طيب جرب لما ابقى مع غيرك هتبقى عامل أزاي هي اتصرفت غلط وأنتوا الاتنين هتدفعوا التمن 
_أنا متأكد إنها لسه بتحبني وهي بس بتجرب تشوف أنا بحبها فعلا ولا أي
_بتجرب تقوم تتخطب يا زياد!
_وأنا كمان هعمل كدا يا ليلى وهشوف هي بتحبني فعلا ولا لأ
_أنت كدا بترد الغلط بغلط تاني وأفرد اللي في دماغك محصلش وهي اتجوزت وخلاص نسيتك هتعمل أي

_يبقى خلاص الفيلم بتاعنا هيخلص هي حتى في الشركة مش مدياني فرصة اكلمها ولا نتناقش ممكن نصلح حاجة أنا لما أعمل كدا وهي تعرف هتكلمني وأنا متأكد أنا بس عايز أي حاجة تخلينا نتكلم ونرجع نتناقش تاني وكل حاجة هتبقى كويسة أنا متأكد هتيجي تقولي خلاص شوفت حياتك وأنا كمان واللي بينا نسيته وأنا وقتها هعرف اكلمها 
_أنت ممكن تعمل أي حوار تاني غير دا أي حاجة غير إنك تخطب 
_هي بتجرب ټحرق قلبي وأنا عايز أخليها هي كمان تحس نفس الأحساس لما يبقى معايا واحدة غيرها وقتها هتفوق أنا قلبي محروق وفي ڼار جوا يا ليلى والله 
_اتخطبت خلاص يا زياد أفهم أي اللي هيحصل جديد
_هي معاه علشان زي ما قولتلك بس هتسيبه وهتشوفي
_أنا مش موفقاك ولا أنت ولا هي في اللي بتعملوه دا والله 
_أنا بس جيت طالب منك مساعدة لو قدرتي تعمليها تمام مقدرتيش خلاص أحنا صحاب عادي وشكرا إنك سمعتيني يا ليلى أنا مليش غيرك بجد
_عيب عليك أنت لسه قايل أحنا صحاب وأنت عندي أغلى من كدا كمان وأنا موافقة
_هنمثل إننا مخطوبين 
_هتبقى بينا كدا ولا أي
_هنتفق سوا شكرا يا لي لي من غيرك مش عارف كنت هعمل أي والله ربنا يديم وجودك ووقفتك جنبي دي دايما
_يارب يا زياد.
همثل أني مخطوبة للراجل اللي كنت أتمنى في يوم إنه يكون خطيبي.
قلبي مش بأيدي ولا حتى هو أنا عارفة من وقت ما هو حب أنا كمان كنت حبيت بس للأسف حبيته عمري ما شوفته صحبي ولا أخويا زي ما هو دايما شايفني وساعدته في الأول إنه يكون معاها ودلوقتي هساعده يرجعلها تاني هساعد حبيبي يرجع لحبيبته معادلة صعبة أوي والله.
_جميلة الدبلة صح
_أي حاجة منك جميلة 
_عقبال ما تلبسيها مع الشخص الصح اللي يستاهلك ويستاهل جمال قلبك يا لي لي 
_ بإذن الله 
محدش يستاهل قلبي غيرك والله.
اتخطبنا رسمي علشان أهله وأهلى... وعلشانها وعملنا حفلة بسيطة جدا في البيت من وقت ما قررنا القرار دا وحبيبته مختفية ومش بتيجي شغلها وبيحاول يوصلها مش عارف الفترة اللي ما بينا بتزيد بدأ يجي البيت كل اسبوع علشان أهلي وبقى يتكلم معاهم والمفروض إنه بيجي علشان نقعد سوا بقى يجي عندنا هو وأهله عزومة بسيطة كدا وكذلك الأمر عندهم بقى فيه ود بينا وكأننا مخطوبين بجد مش تمثيل! 
في الوقت دا كان أكتر وقت أكون قريبة فيه منه مع أني عارفة أنا قد أي هتعب بس كنت مبسوطة كنت عايشة معاه كأني أول مرة أعيش بوجوده فعلا كل دا وهو بيحاول يوصلها وعرف خبر إنها سافرت وقتها كان زعلان جدا وفقد الأمل إنه يقابلها بس كنت بحاول اطمنه. 
_ويعني أي تقعدي تتكلمي معاه كدا وتقولي إنه عادي 
_اه عادي في أي متعصب ليه
_في أني خطيبك ومينفعش تقعدي تتكلمي معاه أو مع أي حد كدا مهما كانت الأسباب 
_هي حتى الغيرة كمان هنمثلها ولا أي متدخلش في الدور أوي علشان مصدقش بس 
_أنا مش بمثل يا ليلى أنا بتكلم بجد
_هو